Selelekela sa Karolo ea 12
Jesu o ne a ruta batho ka ’Muso oa Molimo. A boela a ba ruta hore ba rapelle hore lebitso la Molimo le halaletsoe, ’Muso oa hae o tle le hore thato ea hae e etsahale lefatšeng. Haeba u motsoali, hlalosetsa ngoana seo thapelo ena e se bolelang ho rona. Jesu ha aa ka a lumella hore Satane a mo sitise ho tšepahala. Jesu o ile a qala ka ho khetha baapostola ba hae hore e be marena ’Musong oa Molimo. Hlokomela kamoo Jesu a neng a chesehela borapeli ba ’nete kateng. Jesu o ne a folisa batho ba kulang, a fepa ba lapileng a bile a tsosa bafu hobane a rata ho thusa batho. Lintho tsena li ne li bontša seo ’Muso oa Molimo o tla se etsetsa batho nakong e tlang.
KAROLONG ENA
THUTO EA 75
Diabolose o Leka Jesu
Diabolose o ile a leka Jesu ka makhetlo a mararo. O ile a mo leka joang? Jesu o ile a etsa’ng?
THUTO EA 76
Jesu o Hloekisa Tempele
Ke hobane’ng ha Jesu a leleka liphoofolo ka tempeleng le ho phetola litafole tsa batho ba rekisang?
THUTO EA 77
Jesu o Bua le Mosali Selibeng
Mosali oa Mosamaria o maketse hore ebe Jesu o bua le eena. Hobane’ng? Ke’ng eo Jesu a ileng a mo bolella eona eo a neng a e-s’o e bolelle mang kapa mang?
THUTO EA 78
Jesu o Ruta ka ’Muso oa Molimo
Jesu o mema balateli ba bang ba hae hore e be ‘batšoasi ba batho.’ Hamorao, o ruta balateli ba hae ba 70 ho bolela litaba tse monate.
THUTO EA 79
Jesu o Etsa Mehlolo e Mengata
Hohle moo Jesu a eang teng, batho ba kulang ba tla ho eena hore a ba thuse ’me oa ba folisa. Ebile o tsosa ngoanana bafung.
THUTO EA 82
Jesu o Ruta Barutuoa ba Hae ho Rapela
Jesu o ile a re barutuoa ba hae ba ‘’ne ba kope’ lintho life?
THUTO EA 84
Jesu o Tsamaea Holim’a Metsi
U nahana hore baapostola ba ne ba ikutloa joang ha ba bona mohlolo oo?
THUTO EA 86
Jesu o Tsosa Lazaro
Ha Jesu a bona Maria a lla le eena oa lla. Empa ba ile ba boela ba thaba.
