Di a santa yeye kon na tapu den disipel fu Yesus na a Pinksterfesa fu a yari 33, dan wantewante den bigin preiki fayafaya fu Gado Kownukondre. Na ini a pisi disi, wi o poti prakseri na den tumsi moi tori di e taki fu a bigin fu a Kresten gemeente, fu a kotoigiwroko di ben e go na fesi moro nanga moro na ini Yerusalem èn fu a dek’ati di den apostel sori aladi sma ben e gens den moro nanga moro.