Yosua 19:1-51
19 Baka dati den iti lòt wan di fu tu leisi fu kon sabi sortu pisi fu a kondre den famiri na ini a lo fu Simeon ben o kisi. Den kisi wan pisi fu a kontren fu a lo fu Yuda.
2 Den foto di den kisi ben de Berseiba nanga Seiba, makandra nanga Molada,
3 Hasar-Suwal, Bala, Esem,
4 Eltolad, Betul, Horma,
5 Siklak, Bet-Markabot, Hasar-Susa,
6 Bet-Lebayot, nanga Saruhen. Ala nanga ala disi ben de tinadri foto nanga den dorpu krosibei fu den foto disi.
7 Den kisi sosrefi den foto Ayin, Rimon, Eter, nanga Asan. Disi ben de fo foto nanga den dorpu krosibei fu den foto disi.
8 Boiti dati, den kisi ala den dorpu di ben de lontu den foto disi, iya, srefi den wan di ben de na Balat-Beyer nanga Rama na zuidsei. Disi ben de a pisi fu a kondre di den famiri na ini a lo fu Simeon kisi.
9 A lo fu Simeon kisi wan pisi fu a kontren fu den sma fu a lo fu Yuda, bika a kontren fu den sma fu a lo fu Yuda ben bigi tumusi gi den. Sobun, a lo fu Simeon kisi wan pisi fu a kontren fu a lo fu Yuda.
10 Baka dati den iti lòt wan di fu dri leisi fu kon sabi sortu pisi fu a kondre den famiri na ini a lo fu Seibulon ben o kisi. A pisi kontren fu den ben doro te na a foto Sarid.
11 Fu drape a ben e kren go na west-sei. A ben e tuka nanga Marala èn nanga Dabeset fu go fadon te na a liba di e pasa na ini a lagipresi na abrasei fu Yokneyam.
12 Fu Sarid a ben e drai go na owstusei pe son e opo, go na Kislot-Tabor. Fu drape a ben e go na Daberat fu kren go na Yafia.
13 Dan a ben e abra go na Gat-Heifer di de na owstusei pe son e opo, go na Et-Kasin nanga Rimon. Den ben marki a kontren go te na Neya.
14 Dan a kontren ben e lontu Neya na noordsei go na Hanaton. Te fu kaba a ben e doro te na Yifta-El lagipresi,
15 Katat, Nahalal, Simron, Idala, nanga Betlehem. Ala nanga ala den kisi twarfu foto nanga den dorpu krosibei fu den foto disi.
16 Disi ben de a pisi fu a kondre di den famiri na ini a lo fu Seibulon kisi. Na den foto nanga den dorpu disi den kisi.
17 Now den iti lòt wan di fu fo leisi fu kon sabi sortu pisi fu a kondre den famiri na ini a lo fu Isaskar ben o kisi.
18 A kontren fu Isaskar ben e doro den foto Yisreyel, Kesulot, Sunem
19 Hafarayim, Sion, Anaharat,
20 Rabit, Kisyon, Ebes,
21 Reimet, En-Ganim, En-Hada, nanga Bet-Pases.
22 A ben e tuka nanga Tabor-bergi, Sahasima, nanga Bet-Seimes. Te fu kaba a ben e doro te na Yordan-liba. Ala nanga ala den kisi tinasiksi foto nanga den dorpu krosibei fu den foto disi.
23 A pisi fu a kondre disi, nanga ala den foto nanga den dorpu krosibei fu den foto disi, na san den famiri na ini a lo fu Isaskar ben kisi.
24 Dan den iti lòt wan di fu feifi leisi fu kon sabi sortu pisi fu a kondre den famiri na ini a lo fu Aser ben o kisi.
25 A kontren fu a lo fu Aser ben e doro den foto Helkat, Hali, Beiten, Aksaf,
26 Alameilek, Amad, nanga Misal. Na west-sei a ben e tuka nanga Karmel-bergi nanga Sihor-Libnat.
27 Dan a ben e drai go na Bet-Dagon di de na a sei pe son e opo, fu go tuka nanga a kontren fu a lo fu Seibulon èn nanga Yifta-El lagipresi na noordsei go te na Bet-Emek nanga Nehiyel. Fu drape a ben e go na Kabul na a kruktu-anusei
28 èn na Ebron, Reihob, Hamon, nanga Kana, teleki a ben e doro Sidon pe furu sma ben e libi.
29 Dan a kontren ben e drai go na Rama èn a ben e doro te na a foto Tirus di abi bigi skotu. Dan a ben e drai go na Hosa èn te fu kaba a ben e doro te na a Bigi Se, na ini a birti fu Aksib,
30 Uma, Afek, nanga Reihob. Ala nanga ala den kisi tutenti na tu foto nanga den dorpu krosibei fu den foto disi.
31 Disi ben de a pisi fu a kondre di den famiri na ini a lo fu Aser ben kisi. Na den foto nanga den dorpu disi den ben kisi.
32 Di den iti lòt wan di fu siksi leisi a ben de gi a lo fu Naftali. Den ben du disi fu kon sabi sortu pisi fu a kondre den famiri na ini a lo fu Naftali ben o kisi.
33 A kontren fu Naftali ben e bigin na Heilef, na a bigi bon di de na Sananim, sosrefi Adami-Neikeb, Yabneyel te na Lakum. Te fu kaba a ben e doro te na Yordan-liba.
34 A ben e drai go na west-sei na Asnot-Tabor, go na Hukok, go doro te na a kontren fu a lo fu Seibulon na zuidsei. Na west-sei a ben e tuka nanga a kontren fu a lo fu Aser èn na owstusei nanga a kontren fu Yuda,* na Yordan-liba na a sei pe son e opo.
35 Na ini a kontren fu a lo fu Naftali yu ben abi foto di ben abi bigi skotu. Den foto dati ben de Sidim, Ser, Hamat, Rakat, Kineret,
36 Adama, Rama, Hasor,
37 Keides, Edrei, En-Hasor,
38 Yiron, Mikdal-El, Horem, Bet-Anat, nanga Bet-Seimes. Disi ben de tinaneigi foto nanga den dorpu krosibei fu den foto disi.
39 A heri kontren disi, nanga ala den foto nanga den dorpu krosibei fu den foto disi, ben kon de fu den famiri na ini a lo fu Naftali.
40 Dan den iti lòt wan di fu seibi leisi fu kon sabi sortu pisi fu a kondre den famiri na ini a lo fu Dan ben o kisi.
41 A kontren di a lo fu Dan ben kisi, ben e doro Sora, Estawol, Ir-Seimes,
42 Salabin, Ayalon, Yitla,
43 Elon, Timna, Ekron,
44 Elteike, Gibeton, Balat,
45 Yehud, Bene-Barak, Gat-Rimon,
46 Me-Yarkon, nanga Rakon. Te fu kaba a ben e doro krosibei fu Yope.
47 Ma a kontren pe den sma fu a lo fu Dan ben e libi, ben pikin tumusi gi den. Ne den opo go feti nanga den sma fu Leisem fu teki a foto dati abra èn den kiri ala den sma fu a foto nanga feti-owru. Ne den teki a foto abra èn den go libi drape. Den kenki a nen fu a foto Leisem kon tron Dan, soleki fa na afo fu den ben nen.
48 Disi ben de a pisi fu a kondre di den famiri na ini a lo fu Dan ben kisi. Na den foto nanga den dorpu disi den ben kisi.
49 Na so a kondre prati gi den Israelsma, so taki ala den lo kisi wan pisi fu a kondre. Ne den Israelsma gi Yosua, a manpikin fu Nun, wan pisi fu a kondre tu.
50 Na Yehovah ben taigi den fu gi Yosua a foto di a ben wani. A foto dati ben de Timnat-Sera èn a ben de na Efrayim-bergikontren. Ne Yosua bow a foto baka, dan a go libi drape.
51 Na so Priester Eleasar, nanga Yosua, a manpikin fu Nun, nanga ala den famiri-edeman fu den difrenti lo fu den Israelsma, iti lòt fu prati a kondre gi a pipel. Den du disi na fesi Yehovah, na a mofodoro fu a konmakandra-tenti na Silo. Na so den kaba prati a kondre.
Futuwortu
^ Soleki fa a sori, dan disi no abi fu du nanga a lo fu Yuda, ma nanga a famiri fu wan man di ben de fu a lo dati.
