LEKCIJA 40
Sar šaj te ova čista angli e Devleskere jakhja?
Zamislin tuke jekh daj sar spreminela ple čhave te džal ki škola. Nangjarela le hem uravela le čista hem uredna šeja. Oj kerela adava bašo e čhaveskoro sastipe hem adava sikavela e javerenge kaj ola sar roditelija grižinena pe ple čhaveske. Slično agjaar, amaro manglo Dad o Jehova, mangela te ova čista — fizičko hem moralno. Keda siem čista adava tano bašo amaro šukaripe hem adalea falinaja e Jehova.
1. Sar šaj te ova fizičko čista?
O Jehova vakerela amenge: „Oven sveta“ (1. Petrovo 1:16). Te šaj te ova sveta, mora te ova fizičko hem moralno čista. Amen šaj te ova fizičko čista agjaar so redovno ka nangjova hem ka ikera uredna hem čista amare šeja, amaro kher hem amaro vrda. Isto agjaar, šaj te pomožina keda čistinela pe i dvorana. Keda siem fizičko čista amen falinaja e Jehova (2. Korinkjanite 6:3, 4).
2. Kola navike valjani te cida te šaj te ova čista?
I Biblija pottikninela amen „te čistina sekova melalipe taro amaro telo hem duho“ (2. Korinkjanite 7:1). Adava značinela kaj valjani te izbegina sa so šaj te ovel štetno bašo amaro telo ili bašo amare misle. Amare misle valjani te oven ugodna e Jehovaske, adaleske daja amendar sa te šaj te otfrlina o nečista misle (Psalm 104:34). Isto agjaar, pazinaja save lafija koristinaja. (Čitin Kološanite 3:8.)
So javer valjani te izbegina te šaj te ačhova fizičko hem moralno čista? Nesave bukja šaj te oven štetna bašo amaro telo. Adaleske na pušinaja cigare hem na laja droga. Agjaar ka ova posaste hem ka sikava kaj ceninaja o životo sar poklon taro Devel. Isto agjaar, trudinaja amen te ačhova moralno čista agjaar so borinaja amen protiv o nečista postapke sar soj masturbacija ili dikhibe pornografija (Psalm 119:37; Efešanite 5:5). Šaj ka ovel pharo te čhinava asavke lošna navikencar, ama o Jehova šaj te pomožinel amenge te uspejna ko adava. (Čitin Isaija 41:13.)
DOZNAJN POVIŠE
Doznajn sar adalea so ka ova fizičko čista falinaja e Jehova hem dikh sar šaj te čhinave nesave nečista navikencar.
3. Keda siem fizičko čista falinaja e Jehova
Keda čitinaja o zakoni so dengja o Jehova e Izraelconge sikljovaja kobor tano leske važno leskoro narodo te ovel čisto. Čitin 2. Mojseeva 19:10 hem 30:17-19, a palo adava keren lafi bašo akala pučiba:
-
Sprema akala stihija, sar o Jehova dikhela ki fizičko čistota?
-
So mislinea, kola šukar navike baši higiena ka pomožinen tuke te ačhove fizičko čisto?
Te šaj te ova fizičko čista valjani vreme hem trudo. Ama, amen šaj te uspejna ko adava bizi razlika kote živinaja hem dali siem čorole ili barvale. Dikh o VIDEOKLIPI, a palo adava keren lafi bašo akava pučibe:
-
Soske tano važno te ova uredna hem čista keda propovedinaja?
4. Čhinav e lošna navikencar
O Jehova šaj te pomožinel amenge te pobedina bilo koja lošno navika
Ako pušinea ili lea droga, šaj džanea kobor tano pharo te čhinave asavke navikencar. Ama, so šaj te pomožinel tuke? Razmislin bašo adava sar adaja lošno navika vlijajnela upro tlo životo. Čitin Matej 22:37-39, a palo adava keren lafi bašo akala pučiba. Sar o cigare ili o koristibe droga vlijajnela...
-
upro tlo amalipe e Jehovaja?
-
upri tli familija hem o javera soj okolu tute?
Te šaj te čhinave nesave lošno navikaja valjani te kere tuke plani. a Dikh o VIDEOKLIPI.
Čitin Filipjanite 4:13, a palo adava keren lafi bašo akava pučibe:
-
Sar šaj i redovno molitva, o proučibe i Biblija hem o sostanokija te pomožinen nekaske te čhinavel nesave lošno navikaja?
5. Borin tut protiv o nečista misle hem postapke
Čitin Kološanite 3:5, a palo adava keren lafi bašo akala pučiba:
-
Kotar džanaja kaj i pornografija, o seksting b hem i masturbacija tane nečista anglo e Jehovaskere jakhja?
-
So mislinea, dali amen šaj te uspejna te ova moralno čista sar so rodela amendar o Jehova? Soske mislinea agjaar?
Doznajn so šaj te pomožinel amenge te borina amen protiv o nečista misle. Dikh o VIDEOKLIPI.
O Isus vakergja jekh sporedba te sikavel kaj mora te ova rešime te kera sa soj potrebno te šaj te ačhova moralno čista. Čitin Matej 5:29, 30, a palo adava keren lafi bašo akava pučibe:
-
O Isus na manglja te vakerel kaj amen valjani fizičko te povredina amaro telo, nego ov manglja te vakerel kaj valjani te ova rešime te kera sa so šaj. So valjani te ova rešime te kera te šaj te izbegina o nečista misle? c
Ako tu da borinea tut protiv o nečista misle, ma bistre kaj o Jehova but ceninela tlo trudo. Čitin Psalm 103:13, 14, a palo adava keren lafi bašo akava pučibe:
-
Ako tu da borinea tut te čhinave nesave nečisto navikaja, sar šaj akala stihija te ohrabrinen tut te na čhinave te borine tut?
Ma otkažin tut!
Ako kergjan nešto soj pogrešno šaj lokheste te misline tuke: „Palem na uspejngjum, na vredinela više te trudinav man“. Ama, razmislin bašo akava primer: Ako jekh trkači sopkinela pe hem perela, adava na značinela kaj ov našavgja i trka ili kaj valjani palem te iranel pe taro početok. Slično agjaar, ako palem kergjan nešto soj pogrešno adava na značinela kaj nikogaš nane te uspejne te pobedine adaja lošno navika, a ni palem kaj tlo trudo dži akana sine džabe. Normalno tano ponekogaš te pera ko amaro drumo dži ki cel. Ama, ma otkažin tut! O Jehova ka pomožinel tuke te čhinave e lošno navikaja.
NESAVE ŠAJ VAKERENA: „Me našti te čhinavav adale navikaja, adava tano posilno mandar“.
-
Kova biblisko stiho šaj te koristine te šaj te sikave okoleske so mislinela agjaar, kaj o Jehova šaj te pomožinel leske te čhinavel e lošno navikaja?
SO SIKLILEM
O Jehova tano bahtalo keda dikhela kaj amen pazinaja ki amari higiena hem keda daja amendar sa te ikera amare misle hem postapke čista.
Sar ka odgovorine?
-
Soske tano važno te ova čista?
-
Sar šaj te ova fizičko čista?
-
Sar šaj te ikera amare misle hem postapke čista?
ISTRAŽIN
Dikh nesave praktična čekorija so ka pomožinen tuke te mukhe o cigare.
Doznajn kobor lošno šaj te vlijajnel i pornografija upri tute.
„Pornografijata — bezopasna ili otrovna?“ (Stražarska kula taro 1 avgust 2013)
Dikh sar jekh manuš uspejngja te čhinavel te dikhel pornografija.
a Ko Razbudete se! e temaja „Kako da gi ostaviš cigarite“, soj ko delo „Istražin“ ki akaja lekcija, isi praktična čekorija so šaj te pomožinen tuke te mukhe o cigare.
b Keda bičhalena pe erotska ili pornografska porake, slike ili videoklipija preku telefoni ili javer elektronsko ured, adava vikinela pe seksting.
c Bašo nesave korisna sovetija dikh ki tema „Kako da prestanam so masturbiranje?“ ko lil Mladite prašuvaat — delotvorni odgovori (tom 1), poglavje 25.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
