LEKCIJA 04
Koj tano o Devel?
Panda taro početok tari manušikani istorija, o manuša obožavinena sine bute devlen. Ama, i Biblija vakerela kaj postojnela samo jekh Devel kova soj tano „pobaro taro sa o javera devela“ (2. Letopisi 2:5). Koj tano adava Devel? Hem soske tano pobaro taro sa o javera devela kolen so obožavinena o manuša? Sikljov ki akaja lekcija so mangela o Devel te džane baši leste.
1. Kova tano e Devleskoro anav, hem soske šaj te ova sigurna kaj ov mangela te džana adava anav?
Ki Biblija, o Devel otkrinela amenge nesave bukja baši peste. Ov vakerela: „Me sium o Jehova. Adava tano mlo anav“. (Čitin Isaija 42:5, 8.) O anav Jehova, kova so avela tari hebrejsko čhib, najverojatno značinela „Ov kerela te ovel“. O Jehova mangela te džana leskoro anav (2. Mojseeva 3:15). Soske šaj te ova sigurna ko akava? Ov dengja ki Biblija leskoro anav te ovel pišimo poviše taro 7.000 puti! a O anav Jehova pripadinela „e čačutne Devleske upre ko nebo hem tele ki phuv“ (5. Mojseeva 4:39).
2. So vakerela amenge i Biblija bašo Jehova?
I Biblija vakerela amenge kaj o Jehova tano o edinstveno čačutno Devel, iako o manuša obožavinena bute javere devlen. Soske šaj te ova sigurna ko akava? Isi nekobor pričine. E Jehova isi le i najbari, javere lafencar i vrhovno vlast hem samo ov tano o „Najbaro upri celo phuv“. (Čitin Psalm 83:18.) Ov tano Semokjno, a adava značinela kaj isi le mokj te kerel sa so mangela. Ov stvoringja sa — o univerzum hem sa soj dživdo ki Phuv (Otkrovenie 4:8, 11). Hem samo o Jehova sekogaš postojnela sine hem ka postojnel (Psalm 90:2).
DOZNAJN POVIŠE
Dikh koja tani i razlika maškar e Devleskere titule hem leskoro anav. Isto agjaar, doznajn sar o Devel otkringja plo anav hem soske mangela te džane hem te koristine leskoro anav.
3. E Devle isi le but titule, ama samo jekh anav
Te šaj te dikhe savi tani i razlika maškar i titula hem o anav jekhe manušeskoro, dikh o VIDEOKLIPI, a palo adava keren lafi bašo akava pučibe:
-
Koja tani i razlika maškar jekh titula, sar soj „Gospod“, hem jekh anav?
I Biblija vakerela kaj o manuša služinena bute devlenge hem gospodarenge. Čitin Psalm 136:1-3, a palo adava keren lafi bašo akava pučibe:
-
Koj tano o Devel „kova tano najbaro taro sa o devela“ hem o Gospodari „kova tano najbaro taro sa o gospodarija“?
4. O Jehova mangela te džane hem te koristine leskoro anav
So sikavela kaj o Jehova mangela te džane leskoro anav? Dikh o VIDEOKLIPI, a palo adava keren lafi bašo akava pučibe:
-
So mislinea, soske o Jehova mangela te džana leskoro anav?
O Jehova mangela o manuša te koristinen leskoro anav. Čitin Rimjanite 10:13, a palo adava keren lafi bašo akala pučiba:
-
Soske tano važno te koristina e Devleskoro anav, Jehova?
-
Sar osetinea tut keda nekoj pamtinela hem koristinela tlo anav?
-
So mislinea, sar osetinela pe o Jehova keda koristinea leskoro anav?
5. O Jehova mangela te ove lea popaše
Jekh džuvli tari Kambodža so vikinela pe Soten vakergja kaj o najšužo čuvstvo ko životo sine lake keda doznajngja e Devleskoro anav. Dikh o VIDEOKLIPI, a palo adava keren lafi bašo akava pučibe:
-
Sar vlijajngja upri Soten adava so doznajngja e Devleskoro anav?
Angleder te ove nekasaja amal, obično prvo doznajnea leskoro anav. Čitin Jakov 4:8a, a palo adava keren lafi bašo akala pučiba:
-
Sprema akava stiho, ko so pottikninela tut o Jehova?
-
Sar adava so džanea hem koristinea e Devleskoro anav pomožinela tuke te ove lea popaše?
NESAVE ŠAJ VAKERENA: „Isi samo jekh Devel, adaleske nane važno sar ka vikine le“.
-
Dali verujnea kaj e Devleskoro anav tano Jehova?
-
Sar ka objasnine kaj o Devel mangela te koristina leskoro anav?
SO SIKLILEM
O edinstveno čačutno Devel vikinela pe Jehova. Ov mangela te džana hem te koristina leskoro anav te šaj te ova lea popaše.
Sar ka odgovorine?
-
Sar o Jehova razlikujnela pe taro sa o javera devela kolen so o manuša obožavinena?
-
Soske valjani te koristina e Devleskoro anav?
-
So sikavela kaj o Jehova mangela te ove lea popaše?
ISTRAŽIN
Dikh pandž pričine soske šaj te ova sigurna kaj postojnela Devel.
Soske tano logično te verujna kaj o Devel postojnela otsekogaš?
Doznajn soske valjani te koristina e Devleskoro anav iako na džanaja točno sar izgovorinela pe sine angleder.
Dali tano važno sar vikinaja e Devle? Čitin soske šaj te vakera kaj e Devle isi le samo jekh lično anav.
a Ako mangea te džane nešto poviše bašo adava so značinela e Devleskoro anav hem soske ko nesave prevodija tari Biblija nane čhivdo, šaj te čitine ko Del 1 tari brošurka Da ja istražuvame Božjata Reč.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
