8 LEKCIJA
Vaker sporedbe kolendar so sikljovela pe
Mat. 13:34, 35
SO TE KERE: Sikav e javeren pošukar agjaar so ka koristine ednostavna sporedbe kola so bajrarena o interes e manušengoro hem pomožinena lenge te haljoven o važna pouke.
SAR TE KERE ADAVA:
-
Koristin ednostavna sporedbe. Ov sar o Isus, koristin ednostavna bukja kola soj pendžarde e manušenge te šaj te objasnine lenge pophare bukja. Ma vaker detalija kola so ka keren i sporedba pophari te haljovel pe. Trudin tut ki sporedba te oven bukja soj povrzime e poukaja. Ako na kerea agjaar, tegani o manuša šaj te oven bunime taro detalija kola so nane povrzime e glavno poukaja.
-
Mislin ko okola so šunena tut. Ko tle sporedbe ker lafi bašo bukja soj pendžarde hem so interesinena e manušen. Pazin tle sporedbencar te na ladžakere ili te vredžine okolen so šunena tut.
-
Sikav i glavno pouka. Razmislin sar te istaknine o glavna misle, a na nesave tikne detalija. Trudin tut o javera te na pamtinen samo i sporedba nego isto agjaar i glavno pouka da.