Vazde hem tiknjar tlo glaso. Vazde tlo glaso keda mangea te istaknine o glavna misle hem te pottiknine okolen so šunena tut. Ker akava isto agjaar keda čitinea nesave osude tari Biblija. Tiknjar tlo glaso keda mangea te bajrare o interes e manušengoro so šunena tut, ili te sikave kaj nekoj darala ili sekirinela pe.

Menin tlo glaso. Keda siem bahtale ili tažna na keraja lafi ko isto način. Adaleske, tlo glaso valjani te menine le sprema adava dali kerea lafi bašo bukja so kerena amen tažna ili bahtale.

Ker posigate hem popohari lafi. Keda objasninea nešto so valjani te kerel o javera te oven vozbudime ili bahtale, ker posigate lafi. Keda istakninea važna misle ker popohari lafi.