2024
Cikumbuso ca Infa ya Jezu
Kodi Infa Yace Ingakubweresereni Phindu Liponi?
Tikukucemerani kuti mudzagumanike pa misinda miwiri ya fovolo:
-
Nkhani ya m’Bibliya yakupambulika ya msolo wakuti: “Kulamusidwa kwa Anyakufa ni Kukundidwa kwa Infa!”
-
Cikumbuso ca Infa ya Jezu
Cikumbuso ca Infa ya Jezu
Dumingu, 24 Março, 2024
Mboni za Yahova zimbakumbukira infa ya Jezu kabodzi pa gole pakubvera lamulo lomwe iye adapereka lakuti: “Pitirizani kumbacita bzimwebzi pakundikumbukira.” — Luka 22:19.
NKHANI YA M’BIBLIYA YAKUPAMBULIKA
“Kulamusidwa kwa Anyakufa — ni Kukundidwa kwa Infa!”
Nkhaniyi in’dzafotokozedwa pakadzandosala sumana ibodzi kuti Cikumbuso cicitike. Nkhaniyi in’dzafotokoza phindu lomwe imwepo na adzinza wanu mungakhale nalo thangwe ra infa ya Jezu.
Mibvunzo Yakubvunzidwa Kawiri-kawiri
Kodi mtsonkhanoyu umbamala nthawe zingasi?
Umbamala ora ibodzi basi.
Kodi mtsonkhanoyu un’dzacitikira kuponi?
Kuti mudziwe bza mbuto yomwe unkacitikira mtsonkhanoyu cezani na Mboni za Yahova.
Kodi nin’funika kupagali kobiri kuti ndidzagumanikembo?
Ne.
Kodi kumweko kumbafambisidwa palato yakukumbirira kobiri?
Ne. Mboni za Yahova zimbafambisa lini palato yakukumbirira kobiri pa mitsonkhano yawo.
Kodi ni mtundu wanyi wa bzakubvala omwe umbabvalidwa pakuyenda kumweko?
Napo kuti palibe kuikhidwiratu mtundu wa bzakubvala, koma Mboni za Yahova zimbaphatisa basa mtemo wa m’Bibliya wakulewa bza kubvala bwino na mwakuthemera. (1 Timotio 2:9) Tsono bzakubvalabzo bzin’funika lini kukhala bzakuumira kwene-kwene.
Kodi n’ciyani cin’dzacitika pa mtsonkhano wa Cikumbuso?
Pa mtsonkhanoyu tin’dzayamba na kuimba nyimbo ndipo tin’dzamalizambo na kuimba nyimbo. Pambacitidwambo mpembo na mtumiki m’bodzi wa Mboni za Yahova. Ndipo nkhani yakucokera m’Bibliya, in’dzafotokoza kufunika kwa infa ya Jezu na momwe ifepano tingagumanire phindu na bzomwe Yahova pabodzi na Jezu adaticitira.
Kodi ni lini pomwe pan’dzacitika Cikumbuso ca magole yakutsogolo?
2024: Dumingu, 24 Março
2025: Sabudu, 12 Abril
2026: Cinai, 2 Abril
Kuti mudziwe bzizinji, onani nkhani yakuti: “N’chifukwa chiyani a Mboni za Yehova Mumachita Mwambo wa Mgonero wa Ambuye Mosiyana ndi Zipembedzo Zina?”
Kuti mupfunze bzizinji, onani mavidiyoya.
Onani moyo wabwino omwe tin’dzakhala nawo kutsogolo thangwe ra kutifera komwe Jezu adacita.
Pinango imwepo mudabva kale kuti iye adafera pikado zathu. Tsono, kodi bzingakwanisike tani kuti infa ya munthu m’bodzi ipulumuse wanthu azinjisa?