Ou Invite
Komemorasion Lamor Zezi
Zedi 2 Avril 2026
Nou invit ou pou sa de levennman gratis la
Diskour Spesial
“Kisann-la Pou Fer Later Vinn enn Paradi?”
Ou pou konn plis lor zoli lavenir ki Bondie ena pou later ek pou bann dimounn.
Komemorasion Lamor Zezi
Pou sa levennman inportan la, bann Temwin Zeova komemor lamor Zezi, parey kouma Zezi ti donn so bann disip lord pou fer.—Lik 22:19.
Kestion ki Poze Souvan
Kisann-la kapav asiste sa levennman-la?
Tou dimounn kapav vini. Amenn ou fami.
Komie letan program-la dire?
Diskour spesial pou dire trant minit. Apre sa, pandan enn-er-tan, pou ena enn konferans lor enn size ki ena dan Labib.
Komemorasion Lamor Zezi pou dire anviron enn-er-tan.
Kotsa pou fer sa?
Pou kone kotsa pou fer sa dan ou landrwa, klik lor “Rod enn Plas kot Pou Fer Komemorasion Lamor Zezi” ouswa “Rod enn Plas kot Pou Fer Diskour Spesial” ki ena lao.
Si ou asiste sa levennman-la, eski sa vedir ki ou oblize vinn nou bann lezot renion, etidie Labib ar nou, ouswa vinn enn Temwin Zeova?
Non.
Eski pou pas laket?
Non. Bann Temwin Zeova zame pa pas laket dan zot bann renion.—Matie 10:8.
Eski ena enn fason ki mo bizin abiye pou sa levennman-la?
Non. Selman, bann Temwin Zeova fer zefor pou abiy avek modesti ek respe.
Kouma sa komemorasion-la pase?
Renion-la koumans ek fini avek enn kantik ek enn lapriyer ki fer par enn Temwin Zeova. Parti prinsipal sa komemorasion-la, se enn diskour ki koz lor kifer lamor Zezi li inportan ek kouma nou kapav gagn bann bienfe gras-a seki Bondie ek Zezi inn fer pou nou.
Pou konn plis lor la, get lartik “Kifer Fason ki Bann Temwin Zeova Fer Repa Nou Segner Diferan Avek Fason ki Lezot Relizion Fer?”
Ki dat pou fer bann prosin Komemorasion Lamor Zezi?
2026: Zedi 2 Avril
2027: Lindi 22 Mars
2028: Dimans 9 Avril
Pou aprann plis, get sa bann video-la.
Dan sa video-la, ou pou trouve seki pou pase pandan Komemorasion Lamor Zezi, ek ou pou gagn enn avangou zoli lavenir ki nou gagne gras-a lamor Zezi.
Kitfwa ou’nn tann dir ki li’nn mor pou ki nou gagn pardon pou nou bann pese. Me eski vremem lamor enn sel zom kapav fer bann milyon dimounn gagn bann bienfe?
Ki Pase dan Lasal Bann Temwin Zeova?
Nou invit ou pou gete par oumem.
Download version papie sa linvitasion-la.