Yelemia 6:1-30
6 A bana ba Benjemani, kafyamei kulampe na Yelusalema.
Ilai lusengo+ mu Tekoa;+Akijai kiyukeno kya mudilo pa Bete-Hakeleme!
Mwanda kyamalwa kibamweka kungala, kyamalwa kikatampe.+
2 Mwanā Ziona mwana-mukaji wifwene mwana-mukaji mutūkanye kadi muyampe mpala.+
3 Bakumbi bakāya na luombe lwabo.
Bakashimika mapema abo kufulakufula kwandi konso,+Ense udisha luombe lwandi lwatala.+
4 “Mwilongololei* mukalwe nandi divita!
Imanai, twendei tukamutambe’dyo dyuba mu mitwe!”
“Yō, malwa etu, mwanda dyuba kedikapone,Mwanda minjiñininya ya kyolwa ibalepela’ko!”
5 “Imanai, twendei tukamutambe’dyo bufuku,Tukonakanye ne biteba byandi bikomejibwe.”+
6 Mwanda Yehova wa bibumbo wanena namino amba:
“Tētai mityi, mulongele Yelusalema dibunda.+
I kibundi kifwaninwe kwishintulwila;Munda mwandi mudi enka kumweshañana malwa.+
7 Monka mutalejanga kyumbu mema akyo,Aye nandi utalajanga bubi bwandi.
Lūma ne bonakani bibaivwanwa mwadi;+Misongo ne kipupo bidi ku meso ami kyaba kyonso.
8 A Yelusalema, itabija kidyumu, shi bitupu nsa* kukuvundamina bya mukenye;+Nkakwalamuna kodi masala, ntanda yampikwa’mo bekadi.”+
9 Yehova wa bibumbo wanena namino amba:
“Bakakōkolola bya binebine bashele’ko ba Isalela pamo bwa mañanza a mfulo a ku muñanza.
Pityija monka kuboko kobe pamo bwa muntu ukongakanya mañanza ku muñanza.”
10 “Le onkesamba nandi ne onkadyumuna i ani?
Le i ani ukevwana?
Tala! Matwi abo i majike,* kebabwanyapo kuta’ko mutyima.+
Tala! Kinenwa kya Yehova kibaikala ke kintu kya kuzobejibwa kobadi;+Kebasangelanga’kyopo.
11 O mwanda nayulwa bukalabale bwa Yehova,Kadi nakōka kwibulama.”+“Wibupungulwile padi mwana mu kipito,+Pa bibumbo bya bansongwalume bebungile pamo.
Bakakwatwa abo bonso, mwana-mulume pamo ne wandi mukaji,Banunu pamo ne banunu bininge.*+
12 Mobo abo akapebwa bantu bakwabo,Pamo ne madimi abo ne bakaji babo.+
Mwanda nkōlola kuboko kwami pa bekadi ba ntanda’ya,” i Yehova unena.
13 “Mwanda kushilwila ku mutyetye bininge kutūla ne ku mukatampe bininge, ense umwenanga mu bya budimbidimbi;+Kushilwila ku mupolofeto kutūla ku kitobo, ense uloñanga bya manyengenyenge.+
14 Kadi batompanga kundapa bityetye* bantu bami batyumuke, kebanena’mba,‘Kudi ndoe! Kudi ndoe!’
Ako papo kutupu ndoe.+
15 Le bevwananga bumvu bwa bintu bya munyanji byobalonga?
Kebevwanangapo bumvu nansha dimo!
Kebayukilepo ne mwa kufwila bumvu mwine!+O mwanda bakapona mu bukata mwa boba bapone.
Bakakukala ponkebapa mfuto,” i Yehova unena.
16 Yehova wanena namino amba:
“Imanai pa mansanka mumone.
Ipangulai mashinda a kala,Ipangulai kokwa kudi dishinda diyampe, mwende’mo,+Mutane ne kukōkolokwa kwenu.”*
Ino abo banenanga’mba: “Ketukenda’mopo.”+
17 “Kadi natūdile balami+ badi banena’mba,‘Tai mutyima ku kuvuma kwa lusengo!’”+
Ino abo banenene amba: “Ketukate’kopo mutyima.”+
18 “O mwanda, a mizo, ivwanai!
A kitango, yukaKyokya kikebafikila.
19 A ntanda, ivwana!
Nsa kuletela bano bantu kyamalwa+Bu bipa bya nkuku yabo,Mwanda kebatelepo mutyima ku binenwa byamiKadi bapelele kijila kyami.”*
20 “Le ensense itōka ya ku Sheba yoleta idi na kamweno’ka kondi,Ne kanele kanunka biya* ka ku ntanda ya kulampe?
Byamulambu byenu bisōkwe bituntulu kebitabijibwepo,Kadi bitapwa byenu kebinsangejepo.”+
21 O mwanda Yehova wanena namino amba:
“Nsa kutūdila bano bantu bikukaja,Kadi bakakukala’ko,Bashabantu ne bana pamo,Mulondakani na mulunda nandi,Kadi bakoneka bonso.”+
22 Yehova wanena namino amba:
“Tala! bantu bakatamba ku ntanda ya kungala,Kadi muzo mukatampe ukalanguka ku bipindi bya kulampe bininge bya ntanda.+
23 Bakakwata buta bwa miketo ne musungu.
I babibabi kadi kebakekalapo na lusa.
Diwi dyabo dikatūta pamo bwa dijiba,Kadi bakandile pa tubalwe.+
Bepangile mu milongo ya bulwi pamo bwa muntu ukutamba divita, abe mwanā Ziona mwana-mukaji.”
24 Tubaivwana myanda yakyo.
Makasa etu abapone;+Tusua tubetukwata,Malwa* pamo bwa a mwana-mukaji ubutula.+
25 Kokenda mu ntanda,Kadi kokenda mu dishinda,Mwanda walwana udi na kipete;Konsokonso kudi luzakalo.
26 A mwanā bantu bami mwana-mukaji,Vwala sāka,+ wialañanye mu buto.
Dila madilo koku uyoyokota miyoa pamo bwa muntu udila mwana umo kete,+Mwanda yewa onakanya uketwiila mu kitulumukila.+
27 “Nakutūla* kodi pamo bwa muntu wa kutompa byuma mu bantu bami,Muntu wa kukimbidila;Ufwaninwe kutadija ne kubandaula dishinda dyabo.
28 Abo bonso i bantu ba mitwe myūmu,+Banangakana pamo bwa bavubavuba.+
Badi pamo bwa mukuba ne kyuma;Abo bonso i boneke.
29 Lwanzo lubatēma.
Mu mudilo walo mubatambe fweta.
Muntu ukundulanga’tu bininge bya bitupu,+Kadi boba babi kebasansanibwepo.+
30 Bine, bantu bakebeta bu ndalama mipelwe,Mwanda Yehova webapele.”+
Kunshi kwa Dyani
^ Kishima pa kishima i, “Mwipandulei.”
^ Nansha’mba “muya wami usa.”
^ Kishima pa kishima i, “Kutwi kwabo i kwampikwa kutwela kwisao.”
^ Kishima pa kishima i, “boba ba mafuku mangi.”
^ Nansha’mba “bya kūlukūlu.”
^ Nansha’mba “kwa myuya yenu.”
^ Nansha’mba “bulombodi bwami.”
^ Dibungu dinunka biyampe.
^ Kishima pa kishima i, “Bisanso bya lubutulo.”
^ Ko kunena’mba, Yelemia.
