Yelemia 1:1-19
1 Bino’bi byo binenwa bya Yelemia* mwanā Hilekia, kitobo wa mu Anatote+ mu ntanda ya Benjemani.
2 Kinenwa kya Yehova kyaile kwadi mu mafuku a Yoshia+ mwanā Amona,+ mulopwe wa Yuda, mu mwaka wa 13 wa bulopwe bwandi.
3 Kyaile ne mu mafuku a Yehoyakimi+ mwanā Yoshia, mulopwe wa Yuda, kufika ne ku mvuyo ya mwaka wa 11 wa Zedekia+ mwanā Yoshia, mulopwe wa Yuda, kufika ne byaendele Yelusalema mu bu misungi mu kweji wa butano.+
4 Kinenwa kya Yehova kyaiya kondi amba:
5 “Ponadi nkyakulongele munda, nakuyukile,*+Powadi kwabutwilwe* nakupandwile.*+
Nakulongele kodi mupolofeto ku mizo.”
6 Ino nanena’mba: “Yō, a Mfumu Mwinē Lupusa Lonso Yehova!
Nkiyukilepo kwisamba,+ mwanda nakidi mwanuke.”*+
7 Penepo Yehova waunena’mba:
“Kokinena’mba, ‘Nakidi mwanuke.’
Mwanda ufwaninwe kwenda ku bantu bonso konkutuma,Kadi ufwaninwe kunena bintu byonso byonkusoñanya.+
8 Kokakwatwa moyo pa mwanda wa mpala yabo,+Ke-pantu ‘ami ngidi nobe mwanda wa kukupandija,’+ i Yehova unena.”
9 Penepo Yehova waolola kuboko kwandi, watenga kyakanwa kyami.+ Kadi Yehova waunena’mba: “Natūla binenwa byami mu kyakanwa kyobe.+
10 Tala, nakutūla dyalelo dino’di pangala pa mizo ne malopwe, mwanda wa kutukuna ne kutūta, konakanya ne kupomona, kūbaka ne kukuna.”+
11 Kinenwa kya Yehova kyaiya monka kondi amba: “A Yelemia le ubamone bika?” Nami nanena’mba: “Namone musambo wa mutyi wa alemonde.”*
12 Yehova waunena’mba: “Ubamone bya bine, mwanda ami ne mulanguke bya binebine mwanda wa kufikidija kinenwa kyami.”
13 Kinenwa kya Yehova kyaiya kondi musunsa wa bubidi amba: “Le ubamone bika?” Nami nanena’mba: “Namone kisuku* kisaluka,* kadi milomo yakyo isendalele, kyelele nyuma kungala.”
14 Penepo Yehova waunena’mba:
“Kyamalwa kikatamba kungala ne kuponenaBekadi bonso ba ntanda.+
15 Mwanda ‘naityija bisaka byonso bya malopwe a kungala,’ i Yehova unena,+‘Bakāya; ense ukatūla lupona lwandiPa ntwelelo ya bibelo bya Yelusalema,+Ku mumbu yandi imujokolokele
Ne ku bibundi byonso bya Yuda.+
16 Kadi nkebatyibila mambo pangala pa bubi bwabo bonso,Mwanda abandeka,+Kadi bafitwilanga baleza bakwabo mwishi wa bitapwa+Ne kwivukwila ku mingilo ya makasa abo.’+
17 Ino abe ufwaninwe kwilongolola ulonge’po kintu,*Kadi ufwaninwe kwimana wibalombole bintu byonso byonkusoñanya.
Kokebazakala,+Kutyina’mba nakakuzakaja ku meso abo.
18 Mwanda dyalelo dino’di nakulonga kodi kibundi kikomejibwe,Kikomo kya kyuma, ne mumbu ya mukuba pa ntanda yonso,+Ku balopwe ba Yuda ne bamfumu bandi,Ku babitobo bandi ne bantu ba ntanda’ya.+
19 Kadi bine bakalwa nobe,Ino kebakakunekenyapo,*Mwanda ‘ami ngidi nobe,’+ i Yehova unena, ‘mwanda wa kukupandija.’”
Kunshi kwa Dyani
^ Pakwabo kishintulula’mba “Yehova Uzunzulanga.”
^ Kishima pa kishima i, “Powadi kwatambile munda.”
^ Nansha’mba “nakutūdile pafula.”
^ Nansha’mba “nakutongele.”
^ Nansha’mba “nkasampe.”
^ Kishima pa kishima i, “ulanguka.”
^ Nansha’mba “kisuku kya kutēkela’mo kikata ku milomo.”
^ Kishima pa kishima i, “kyobapuja,” kifunkila pa mudilo obapēpa munshi.
^ Kishima pa kishima i, “kwikuta mu kifuka kyobe.”
^ Nansha’mba “kebakakushindepo.”
