Yelemia 30:1-24
-
Milao ya kujokejibwa ne kundapwa (1-24)
30 Kinenwa kya Yehova kyaiya kudi Yelemia amba:
2 “Yehova Leza wa Isalela wanena namino amba, ‘Lemba mu mukanda binenwa byonso byonkulombola.
3 Mwanda “tala! mafuku āyanga,” i Yehova unena, “onkakongakanya misungi ya bantu bami, Isalela ne Yuda,”+ i Yehova unena, “kadi nkeijokeja ku ntanda yonapele bakulutuba babo, bakeiyata monka ke yabo.”’”+
4 Bino’bi byo binenwa byanenene Yehova kudi Isalela ne Yuda.
5 Yehova wanena namino amba:
“Tubaivwana lunwa lwa kutetema;Kudi luzakalo, ino i kutupu ndoe.
6 Nemwisāshila, ipangulai shi mwana-mulume ubwanya kubutula.
Penepo, mwanda waka namone mwana-mulume ense mukomo utūdile kuboko kwandi munda*Pamo bwa mwana-mukaji ubutula?+
Mwanda waka mapala onso abatōkoloka?
7 Yō! Mwanda dyodya difuku i difuku dya malwa.*+
I kutupu nansha dimo didingakene nadyo,Kitatyi kya tusua twa Yakoba.
Ino aye ukapanda’ko.”
8 “Kadi mu dyodya difuku,” i Yehova wa bibumbo unena, “nkatyumuna lupungu mu nshingo yobe, kadi nkatyiba myonji* yobe pabidi; beni* kebakamumunapo* monka bupika.
9 Bakengidila Yehova Leza wabo ne Davida mulopwe wabo, onkebalupwila.”+
10 “Ino abe mwingidi wami Yakoba, kokakwatwa moyo,” i Yehova unena,“Kadi kokizakala, abe Isalela.+
Mwanda nkakupandija kulampeKadi lutundu lobe nkelupandija ku ntanda ya bu misungi bwabo.+
Yakoba ukajoka ne kwikala talala kukambakanibwa mpika,Kwampikwa muntu nansha umo wa kwibakwatyija moyo.”+
11 “Mwanda ami ngidi nobe,” i Yehova unena, “mwanda wa kukupandija.
Ino nkakubija mizo yonso konakupalakeninye;+Inoko, abe nkikakukubijapo.+
Nkakulemununa* mobyendele,Kadi nkikakulekapo kwampikwa kukupa mfuto.”+
12 Mwanda Yehova wanena namino amba:
“Kutyumuka kobe kekukondapibwapo.+
Kilonda kyobe kekikakomapo.
13 I kutupu wa kukunenena,I kutupu muswelo wa kundapa kilonda kyobe.
I kutupu bundapi bwa kukundapa.
14 Boba bonso bakukenene abakwilwa.+
Kebakikukimbangapo.
Mwanda nakukupila na kikupilwa kya walwana,+Na mfuto ya muntu mubimubi,Mwanda wa mambo obe makatampe ne bubi bobe buvule.+
15 I kika le kyodidila pa mwanda wa kutyumuka kobe?
Misanshi yobe keikapupo!
Mambo obe byoadi makatampe ne bubi bobe buvule+Nakulonga kino’ki.
16 O mwanda boba bonso bakusasamuna bakasasamunwa,+Kadi balwana nobe bonso nabo bakenda bu misungi.+
Boba bakutūta, bakatūtwa,Kadi nkapāna boba bonso bakutūta ku kutūtwa.”+
17 “Ino nkakundapa ne kukomeja bilonda byobe,”+ i Yehova unena,“Nansha byobakwityile bu kisumbule:
‘Ziona, okebakimbepo kudi muntu nansha umo.’”+
18 Yehova wanena namino amba:
“Nsa kukongakanya misungi ya mapema a Yakoba,+Kadi nkafwila bipema byandi lusa.
Kibundi kikobakululwa pa ndunduma yakyo,+Kadi kiteba kikomejibwe kikemana pa kifuko kyakyo kifwaninwe.
19 Kufwija’ko ne lunwa lwa tusepo bikatamba kobadi.+
Nkebavudija, kebakatyepapo;+Nkebavudija* bya binebine,Kadi kebakekalapo batyutyu.+
20 Bandi bana bakekala pamo bwa pa kala,Kadi kitango kyandi kikakomejibwa pototo ku meso ami.+
Nkamwesha malwa boba bonso bamumwesha malwa.+
21 Mukatampe wandi ukatamba kwadi aye mwine,Kadi mulopwe wandi ukalupuka mu bukata mwandi.
Nkamufwenya pabwipi, nandi ukamfwena.”
“Mwanda shi bitupu, i ani wadi wa kusomonwa* kumfwena?” i Yehova unena.
22 “Mukekalanga bantu bami,+ nami nkekalanga Leza wenu.”+
23 Tala! Kimpumpu kya luvula kya Yehova kikatetuka na bukalabale,+Luvula lukatampe lukomba lwinyenga ku mutwe wa babi.
24 Bulobo bwa Yehova budyendyemuka kebukajokapoKufika ne byavuija ne kufikidija milangwe ya mutyima wandi.+
Mukevwanija kino’ki ku mfulo ya mafuku.+
