Yelemia 31:1-40
31 “Mu kine kitatyi’kya,” i Yehova unena, “nkekalanga Leza ku bisaka byonso bya Isalela, nabo bakekalanga bantu bami.”+
2 Yehova wanena namino amba:
“Bantu bapandile ku kipete bebatōkelwe mutyima mu ntanda mutuputupuPadi penda Isalela ku kifuko kyandi kya kukōkolokwa.”
3 Yehova waumwekēle kulampe, kanena’mba:
“Nakusanswa buswe bwa nyeke.
O mwanda nakukokela kondi na buswe bwa ndamatyidile.*+
4 Ino nkakūbakulula monka, nobe ukōbakululwa.+
A mujike wa Isalela, ukasela monka mañoma obeKadi ukenda uja na nsangaji.*+
5 Ukadima monka madimi a mañanza mu ngulu ya Samadia;+Babidimye bakakuna ne kudya bipa byabo.+
6 Mwanda difuku dikāyanga, dikela balami ba mu ngulu ya Efelaimi lubila’mba:
‘Imanai tukande ku Ziona, kudi Yehova Leza wetu.’”+
7 Mwanda Yehova wanena namino amba:
“Abijai Yakoba na nsangaji.
Elai nsadi ya tusepo mwanda mudi peulu pa mizo.+
Sapulai’kyo; tendelai munene amba,A Yehova pandija bantu bobe, bashele’ko ba Isalela.’+
8 Nsa kwibajokeja ku ntanda ya kungala.+
Nkebakongakenya pamo tamba ku bipindi bya kulampe bininge bya ntanda.+
Mu bukata mwabo mukekala bampofu ne babilema,+Mwana-mukaji wa dīmi ne yewa ubutula, bonso pamo.
Bakajokela kuno pamo bwa kipwilo kikatampe.+
9 Bakāya badila.+
Nkebaludika pobakalomba kutōkelwa mutyima.
Nkebendeja ku tuminonga* twa mema,+Mu kashinda kaseneje kekakebakukajapo.
Mwanda amiwa ne Shandya Isalela, Efelaimi nandi i wami mwana umbedi.”+
10 A mizo, ivwanai kinenwa kya Yehova,Kadi sapulai’kyo mu bisanga bya kulampe amba:+
“Yewa wapalakenye Isalela ukamukongakenya pamo.
Ukamulama pamo bwa mukumbi ulama luombe lwandi.+
11 Mwanda Yehova ukanyongolola Yakoba+Ne kumukūla* ku kuboko kwa yewa mukomo kumupita.+
12 Bakāya ne kwela nsadi ya tusepo peulu pa Ziona+Kadi bakasangela buyampe bwa* Yehova,Ne miseke ne vinyu mipya+ ne māni,Ne twana twa mikōko ne twa bañombe.+
Bakekala* pamo bwa budimi busangilwe senene,+Kadi kebakakōkapo monka nansha dimo.”+
13 “Mu kine kitatyi’kya mujike ukaja na nsangaji,Ne bansongwalume ne banunu bene pamo.+
Nkalamuna madilo abo ke kusepelela.+
Nkebasenga ne kupingakenya nsangaji pa njia yabo.+
14 Nkekutyija babitobo* bintu bivule,*Kadi bantu bami bakekuta buyampe bwami,”+ i Yehova unena.
15 “Yehova wanena namino amba:
‘Diwi dibaivwanwa mu Lama,+ madilo ne kudila kukatampe:
Letyela udilanga bandi bana bana-balume.*+
Wapele ne kusengwa kwine pa mwanda wa bandi bana,Mwanda kebakidi’kopo.’”+
16 Yehova wanena namino amba:
“‘Diwi dyobe dileke kudila ne meso obe nao aleke kusūmija impolo,Mwanda mwingilo obe udi na mpalo,’ i Yehova unena.
‘Bakajoka ku ntanda ya walwana.’+
17 ‘Kudi lukulupilo lwa būmi bobe bwa kumeso,’+ i Yehova unena.’
‘Bobe bana bakajokela ku ntanda yabo.’”+
18 “Bine naivwana Efelaimi utompola’mba,‘Ubaungolola, nami naololwa,Pamo bwa kyana kya ñombe kyampikwa kufundijibwa.
Njokeje, nami nkajoka bukidibukidi,Mwanda abe wi Yehova Leza wami.
19 Mwanda ami pa kupwa kujoka naivwene mutyima kusansa;+Ami pa kupwa kwivwanijibwa nakupile ditangatanga dyami na njia.
Nafwijibwe bumvu ne kuzobejibwa,+Mwanda naselele mutonko wa bunkasampe bwami.’”
20 “Mwene Efelaimi i wami mwana mulēme, mwana muswedibwe?+
Mwanda kitatyi kyonso kyomunenena bibi, muvulukanga.
O mwanda milangwe* yami ijinanga pa mwanda wandi.+
Kadi bine nkamufwila lusa,” i Yehova unena.+
21 “Witūdile’ko biyukeno bya mu dishinda,Kadi imika biyukeno bilombola dishinda.+
Tá mutyima ku dishinda dikatampe, dishinda dyofwaninwe kwenda’mo.+
Joka, abe mujike wa Isalela, jokela ku bino byobe bibundi.
22 A mwana mwana-mukaji wampikwa kikōkeji, le ukalumbakana kufika ne kitatyi’ka?
Mwanda Yehova wapange kintu kipya pa ntanda:
Mwana-mukaji ukapēlakana kulonda mwana-mulume.”
23 Yehova wa bibumbo, Leza wa Isalela wanena namino amba: “Bakanena monka bino binenwa mu ntanda ya Yuda ne mu bibundi byandi ponkajokeja misungi yabo amba: ‘A kīkalo kyoloke, lūlu lujila,+ Yehova akwesele dyese.’+
24 Kadi mukekalanga Yuda pamo ne bibundi byandi byonso, ne babidimye ne boba bendeja luombe.+
25 Mwanda nkekutyija yewa* mupungile ne kuyuja yewa ense* mukōke.”+
26 Ponkapo nabūka kentale, tulo twami twadi tusangaja.
27 “Tala! Mafuku āyanga,” i Yehova unena, “onkakuna njibo ya Isalela ne njibo ya Yuda na lukunwa* lwa mwana-mulume ne lukunwa lwa bimunanwa.”+
28 “Kadi monka monebatadile mwanda wa kutukuna, kupomona, kutyumuna, konakanya ne kusanshija,+ mo monkebatadila mwanda wa kūbaka ne kukuna,”+ i Yehova unena.
29 “Mu oa mafuku kebakanenapo monka amba, ‘Bashabana badile mañanza asosoma, ino meno a bana akwatwa buyeye.’*+
30 Ino muntu ense ukafwa mwanda wa kilubo kya aye mwine. Muntu ense udya mañanza asosoma ukevwana buyeye ku meno andi aye mwine.”
31 “Tala! Mafuku āyanga,” i Yehova unena, “onkasamba kipwano kipya na njibo ya Isalela ne na njibo ya Yuda.+
32 Kekikekalapo pamo bwa kipwano kyonasambile na bakulutuba babo mu difuku dyonebakwete ku kuboko nebatambija mu ntanda ya Edipito,+ ‘kipwano kyami kyobatyumwine,+ nansha byonadi mfumwabo* wa bine,’ i Yehova unena.”
33 “Mwanda kino’ki i kipwano kyonkasamba na njibo ya Isalela pakapwa oa mafuku,” i Yehova unena. “Nkatūla bijila byami munda mwabo,+ kadi nkalemba’byo mu mutyima wabo.+ Ami nkekalanga Leza wabo, nabo bakekalanga bantu bami.”+
34 “Kadi kebakefundijapo monka, au ufundija mukwabo, au nandi ufundija mwanabo amba, ‘Yuka Yehova!’+ mwanda bonso bakandyuka, kushilwila ku mutyetye bininge kutūla ne ku mukatampe bininge mobadi,”+ i Yehova unena. “Mwanda nkebalekela kilubo kyabo, kadi nkikavulukapo monka bubi bwabo.”+
35 Yehova,Mwine uletanga dyuba mwanda wa kumunika mu dyuba,Ne bijila* bya kweji ne ñenyenye mwanda wa kumunika bufuku,Mwine ujinyanga dijiba ne kusalukija mantanki adyo,Wa dijina dya bu Yehova wa bibumbo wanena namino amba:+
36 “‘Shi ino misoñanya yadi ya kukankalwa,’ i Yehova unena,‘Longa lutundu lwa Isalela nalo lwadi lwa kuleka kwikala nyeke bu muzo ku meso ami.’”+
37 Yehova wanena namino amba: “‘Shi madiulu mūlu adi abwanya kupimwa, ne shi byalwilo bya ntanda panshi byadi bibwanya kusokolwa, longa nadi mbwanya kwela lutundu lonso lwa Isalela pa mwanda wa byonso byobalonga,’ i Yehova unena.”+
38 “Tala! Mafuku āyanga,” i Yehova unena, “akobakilwa Yehova kibundi+ tamba ku Kiteba kya Hananela+ kutūla ku Kibelo kya Difinko.+
39 Kadi lukamba lwa kupima nalo+ lukenda ntā kufika ne ku mukuna wa Ngaleba, ebiya lukalamukila dya ku Ngoa.
40 Kadi musanza* onso wa imbidi mifwe ne wa buto,* ne madimi onso kutūla ne ku Musanza wa Kidelone+ kufika ne ku difinko dya Kibelo kya Tubalwe,+ dya kutunduka, ukekala ke kintu kijila kudi Yehova.+ Keukatukunwapo monka nansha kupomonwa.”
Kunshi kwa Dyani
^ Nansha’mba “nkulombolanga nyeke buswe bwa ndamatyidile.”
^ Nansha’mba “ukenda mu luja lwa boba basepa.”
^ Nansha’mba “binekaneka.”
^ Nansha’mba “kumulomba.”
^ Nansha’mba “bintu biyampe bitamba kudi.”
^ Nansha’mba “Muya wabo ukekala.”
^ Nansha’mba “muya wa babitobo.”
^ Kishima pa kishima i, “bya māni.”
^ Nansha’mba “bana.”
^ Kishima pa kishima i, “milá.”
^ Nansha’mba “muya onso.”
^ Nansha’mba “muya.”
^ Nansha’mba “lutundu.”
^ Kishima pa kishima i, “abashisa.”
^ Bibwanika padi i, “wabo mulume.”
^ Nansha’mba “bitungo.”
^ Nansha’mba “dilungu dya musanza.”
^ Nansha’mba “buto bwa māni,” ko kunena’mba, buto busūmine’ko māni a bitapwa.
