Yelemia 4:1-31
4 “A Isalela, shi ukajoke,” i Yehova unena,“Shi ukajokele kondiKadi shi ukatalule byobe bilezaleza bya mukenye ku meso ami,Nabya kukanyemakanapo.+
2 Kadi shi utyipe amba,‘Bine ne Yehova byadi’ko mūmi!’ mu bubine, ne bululame, ne boloke,Nabya mizo ikamonanga dyese dyayo ayo mine kwadi,Kadi iketumbija mwadi.”+
3 Mwanda Yehova wanena bantu ba Yuda ne ba Yelusalema namino amba:
“Dimai ntanda idimwa’mo,Kemwakakunai mu miba.+
4 Twelai kwisao kudi Yehova,Kadi talulai bikoba bya ngitu ya bwana-bulume bya mityima yenu,+Banwe bantu ba Yuda ne bekadi ba Yelusalema,Kutyina’mba bukalabale bwami bwakāka pamo bwa mudiloNe kusōka pampikwa muntu wa kubula’o,Pa mwanda wa bilongwa byenu bibi.”+
5 Nenai’kyo mu Yuda, kadi sapulai’kyo mu Yelusalema.
Elai nsadi ne kwila lusengo mu ntanda yonso.+
Elai mbila na diwi dikatampe, munene’mba: “Mwibungei pamo,Tunyemene mu bibundi bikomejibwe.+
6 Shimikai kiyukeno* dya ku Ziona.
Kimbai mwa kufyama, kemwakimanai bitupu,”Mwanda nsa kuleta kyamalwa kungala,+ kinya kikatampe.
7 Walupuka pamo bwa ntambo mu kivunda* kyandi;+Yewa onakanya mizo wataluka.+
Watambe ku kifuko kyandi mwanda wa kwalamuna ntanda yobe ke kintu kya nzuba.
Bibundi byobe bikasalwa, ke mwampikwa mwikadi.+
8 O mwanda, vwalai masāka,+Dilai madilo* ne kuyoyokota miyoa,Mwanda bulobo budyendyemuka bwa Yehova kebutalukilepo kotudi.
9 “Mu dyodya difuku,” i Yehova unena, “mutyima wa* mulopwe ukatyumuka,+Ne mutyima wa* bamfumu mwine;Babitobo bakevwana nzuba, bapolofeto nabo bakatulumuka.”+
10 Penepo nanena’mba: “Yō, a Mfumu Mwinē Lupusa Lonso Yehova! Ubaongola binebine bano bantu+ ne Yelusalema amba, ‘Mukekala na ndoe,’+ akyo papo kipete pa midibu yetu.”*
11 Mu kine kitatyi’kya bakanena bano bantu ne Yelusalema amba:
“Kivula kya kyanga kitamba ku mikuna yampikwa bumeni ya mu ntanda mutuputupuKikapitula mwana mwana-mukaji wa* bantu bami;Kekiyangapo kupēpa nansha kutōkeja.
12 Kivula kikomokomo kitambanga ku bino bifuko ku kusaka kwami.
Pano nkasapula butyibi pobadi.
13 Talai! Aye ukāya pamo bwa makumbi a mvula,Kadi makalo andi adi pamo bwa luvula lwa kimpumpu.+
Tubalwe twandi tudi na lubilo kupita mikebo.+
Yō malwa etu, mwanda tubasadika!
14 A Yelusalema, oija mutyima obe utōke ku bubi, amba upande.+
Lelo ukatamija milangwe mibi kufika ne kitatyi’ka?
15 Mwanda diwi disapulanga myanda tamba ku Dani,+Kadi disapulanga kyamalwa tamba ku ngulu ya Efelaimi.
16 Bine, lombolai’kyo mizo;Sapulai’kyo pa mwanda wa Yelusalema.”
“Banzamu* batambanga ku ntanda ya kulampe,Kadi bakatulwila bibundi bya Yuda mawi abo.
17 Bāyanga kulwa nandi ku mitamba yonso pamo bwa balami ba mu ntanda,+Mwanda wauntombokela,”+ i Yehova unena.
18 “Ukalubwilwa mungya mashinda obe ne bilongwa byobe.+
Bine kyamalwa kyobe i kibi,Mwanda kibafika ne ku mutyima obe!”
19 Yō malwa ami,* malwa ami!
Naivwana misanshi mikatampe mu mutyima wami.*
Mutyima wami utwanga munda mwami.
Nkibwanyapo kuba talala,Mwanda naivwana* kuvuma kwa lusengo,Diwi dya kidyumu kya divita.*+
20 Kyamalwa ne kyamalwa kibasapulwa,Mwanda ntanda yonso ibaonakanibwa.
Mapema ami abaonakanibwa mu kitulumukila,Ne bisandi bya pema wami mu kitatyi kityetye’tu.+
21 Le i kufika ne kitatyi’ka konkamona kiyukeno,*Ne kwivwana kuvuma kwa lusengo?+
22 “Mwanda bantu bami i balembakane;+Kebantelepo mutyima.
I bana babivila bampikwa ñeni,Badi na ñeni mingi* mu kulonga bibi,Ino kebayukilepo mwa kulongela biyampe.”
23 Namwene ntanda, ino tala! mwadi mutupu kintu kadi misalwe.+
Natadile mu madiulu, ino kemwakidipo kitōkeji kyao.+
24 Namwene ngulu, ino tala! yadi itenkana,Mikuna nayo yadi izakala.+
25 Namwene, ino tala! kekwadipo muntu nansha umo,Byoni bya mūlu nabyo byanyemene byonso.+
26 Namwene, ino tala! kitongo kyaalamuka ke mu ntanda mutuputupu,Kadi bibundi byakyo byatūtyilwe byonso.+
I pa mwanda wa Yehova,Mwanda wa bulobo bwandi budyendyemuka.
27 Mwanda Yehova wanena namino amba: “Ntanda yonso ikasalwa,+Ino nkikeitukijapo tukituki.
28 Pa mwanda wa kino’ki, ntanda yonso ikadila madilo,+Kadi madiulu mūlu akafīta.+
I mwanda nesambe’kyo, nakwata butyibi,Nkikashintapo milangwe yami* nansha kujokela kunyuma.+
29 Pa kwivwana lunwa lwa bakandanga pa tubalwe ne belanga miketo,Kibundi kyonso kinyema.+
Batwela mu bivunda,*Ne kukanda pa mabwe.+
Bibundi byonso i bishibwe,Kadi kekudipo muntu ushikete’mo.”
30 Pano powasalwa, le usa kulonga namani?
Wadi uvwala bityila pyā,Wineñenya na bya kwidyangula nabyo bya olo,*Ubaija meso obe na kwishinga bifīta.*
Ino weneñenye bya bitupu,+Mwanda boba badi bakwivwanina kilokoloko abakupele;Pano bakimbanga kuyata būmi bobe.*+
31 Mwanda naivwana diwi pamo bwa dya mwana-mukaji ubela,Tusua pamo bwa twa mwana-mukaji ubutula wandi mwana mubajinji,Diwi dya mwanā Ziona mwana-mukaji wesakana.
Wisamba koku ubāla makasa andi+ amba:
“Yō malwa ami, mwanda napungila* pa mwanda wa bantapañani!”
Kunshi kwa Dyani
^ Nansha’mba “mutyi wa kiyukeno.”
^ Nansha’mba “kifinga.”
^ Nansha’mba “Mwikupilei pa byadi.”
^ Nansha’mba “bukankamane bwa.”
^ Nansha’mba “bukankamane bwa.”
^ Nansha’mba “akyo papo kipete kibatenga muya wetu.”
^ Muneneno wa kusāsula wa kutela kintu bu muntu, ulombola padi lusa nansha lusalusa.
^ Kishima pa kishima i, “Balami,” ko kunena’mba, boba balamanga kibundi mwa kuyukila kitatyi kya kutamba bulwi.
^ Kishima pa kishima i, “milá yami.”
^ Kishima pa kishima i, “mu mumbu ya mutyima wami.”
^ Nansha’mba “muya wami ubaivwana.”
^ Bibwanika padi i, “Diwi dya lubila lwa divita.”
^ Nansha’mba “mutyi wa kiyukeno.”
^ Nansha’mba “tunangu.”
^ Nansha’mba “Nkikealakanyapo.”
^ Nansha’mba “bifinga.”
^ Nansha’mba “nsahabu.”
^ Nansha’mba “tupenta twa meso.”
^ Nansha’mba “bakimbanga muya obe.”
^ Nansha’mba “muya wami ubapungila.”
