Yelemia 5:1-31
5 Nangakanai mu bipito bya Yelusalema.
Talai koku ne koku mumone.
Kimbai mu bīkwe byandi mutaleShi mubwanya kutana’mo muntu ulonga byoloke,+Ukimba kwikala wa kikōkeji,Nami nkamulekela.
2 Nansha shi banene amba: “Bine ne Yehova byadi’ko mūmi!”
Batyipanga bya bubela.+
3 A Yehova, mwene meso obe akimbanga kikōkeji?+Webakupile, ino kebyebalongelepo kintu.*
Webakubije, ino bapela kwitabija kulemununwa.+
Baumije mapala abo kutabuka dibwe,+Kadi bapelele kwalamuka.+
4 Ino neneneje amba: “Bine, bano bafwaninwe kwikala bantu bapēlulwe.
Baloñanga bya bulembakane, mwanda kebayukilepo dishinda dya Yehova,Butyibi bwa Leza wabo.
5 Nkenda ku bantu batumbe ne kwisamba nabo,Mwanda ye bano bayukile dishinda dya Yehova,Butyibi bwa Leza wabo.+
Ino abo bonso batyumwine lupunguNe kutyiba bijika.”*
6 O mwanda ntambo wa mu ditó wibatambanga,Mpumpi wa mu malungu mudi zolē wibonakanyanga,Ngé utengele ku bibundi byabo.
Ense utamba’mo usasamunwa bisesobiseso.
Mwanda kujilula kwabo i kuvule;Bilongwa byabo bya kubulwa kikōkeji i bingi.+
7 Le mbwanya kukulekela kino’ki namani?
Bobe bana abaundeka,Kadi batyipa mu dijina dya kyokya kekidipo bu Leza.+
Nebapele byobadi basaka,Ino abo badi balonga’nka makoji,Kadi batutyikīle ku njibo ya ndumba.
8 Badi’nka bwa tubalwe tusaka kutenteka,Ense upembelela mukaja mukwabo.+
9 “Mwene nkebeta beshintulwile pa mwanda wa bino bintu?” i Yehova unena.
“Mwene nkalubwila* uno muzo kinongo?”+
10 “Kandai ku madimi andi a mañanza mwiasale,Ino kemwakeonakanyai fututu.+
Posolai tumisambo twandi twandabile,Mwanda ketudipo twa Yehova.
11 Mwanda njibo ya Isalela ne njibo ya YudaAbanongela bya bundalandala bya binebine,” i Yehova unena.+
12 “Abatune Yehova, kebanena’nka kunena’mba,‘Kakalongapo kintu.*+
I kutupu kyamalwa kisa kwituponena,Ketusapo kumona kipete nansha kipupo kya nzala kine.’+
13 Bapolofeto i bayule luvula,Kadi kinenwa* kekidipo mobadiBino’bi bibafikile!”
14 O mwanda Yehova Leza wa bibumbo, wanena namino amba:
“Bano bantu byobanena namino,Nsa kwalamuna binenwa byami ke mudilo mu kyakanwa kyobe,+Bano bantu i nkuni,Kadi ao ukebasōka.”+
15 “A njibo ya Isalela, nsa kwimuletela muzo wa kulampe,”+ i Yehova unena.
“I muzo wa nyeke.
I muzo wa kala,Muzo wisamba ludimi lokuyukilepo,Kadi unena byokubwanyapo kwivwana.+
16 Luvungu lwabo ludi pamo bwa kibundu kidi pululu;Abo bonso i ba bulwi.
17 Bakadya mwangulo obe ne mikate yobe.+
Bakadya bobe bana bana-balume ne bana-bakaji.
Bakadya mikōko yobe ne bañombe bobe.
Bakadya mañanza obe ne bikuyu byobe.
Bakonakanya na kipete bibundi byobe bikomejibwe byokulupile.”
18 “Ino ne mu mene mafuku’a,” i Yehova unena, “nkikemutukijapo tukituki.+
19 Kadi shi abaipangula’mba, ‘Mwanda waka Yehova Leza wetu wetulonga bino bintu?’ ukebalondolola’mba, ‘Monka momwandekela ami kemwingidila leza wa kungi mu yenu ntanda, e momukengidila beni mu ntanda ke yenupo.’”+
20 Nenai kino’ki mu njibo ya Yakoba,Kadi sapulai’kyo mu Yuda amba:
21 “Banwe bantu balembakane kadi bampikwa ñeni,* ivwanai kino’ki:+
Badi na meso ino kebabwanyapo kumona;+Badi na matwi ino kebabwanyapo kwivwana.+
22 ‘Le kemuntyinangapo?’ i Yehova unena,‘Le kemuzakalangapo ku meso ami?
I ami watūdile musenga bu mukalo wa dijiba,Musoñanya wa lonso okedibwanyapo kutabuka.
Nansha mantanki adyo byoajina, keabwanyapo kunekenya;Nansha byoatūtanga, keabwanyapo kwiutabuka.+
23 Ino bano bantu badi na mutyima mūmu kadi wa butomboki;Abasāsuka kebenda dyabo.+
24 Kebanenangapo mu mutyima wabo amba:
“Pano tutyinei Yehova Leza wetu,Mwine uletanga mvula mu kitatyi kyandi,Mvula wa ku ngalwilo ne mvula wa ku muketeko,Mwine witulaminanga mayenga matungwe a mwangulo.”+
25 Bilubo byenu bibakankaja bino bintu bileke kwiya;Bubi bwenu bubemubudija kyokya kiyampe.+
26 Mwanda mu bantu bami mudi bantu babi.
Batadijanga, pamo bwa babiluwe ba byoni babatamine.
Batanga makinga a lufu.
I bantu bobakwata.
27 Pamo bwa kisapala kiyule byoni,Mobo abo nao i mayule bongojani.+
O mwanda abekomeja ne kwikala bampeta.
28 Abanuna ne kufufuma;Abamwangala bubi.
Kebanenenangapo mwana wampikwa shandi mu kisambo,+Amba bintu bibendekele;Kadi kebabingijangapo balanda.’”+
29 “Mwene nkebeta beshintulwile pa mwanda wa bino bintu?” i Yehova unena.
“Mwene nkalubwila* uno muzo kinongo?
30 Kintu kibi mpata kadi kya mwiko kibalongeka mu ntanda’ya:
31 Bapolofeto banena bupolofeto bwa bubela,+Kadi babitobo batādila bantu na lupusa lwabo.
Bantu bami basenswe’kyo uno muswelo.+
Ino le mukalonga namani shi mfulo ibafika?”
Kunshi kwa Dyani
^ Kishima pa kishima i, “kebazozelepo.”
^ Kishima pa kishima i, “myonji.”
^ Nansha’mba “muya wami ukalubwila.”
^ Bibwanika padi i, “Kadi’kopo.”
^ Ko kunena’mba, kinenwa kya Leza.
^ Kishima pa kishima i, “Banwe bantu balembakane bampikwa mutyima.”
^ Nansha’mba “muya wami ukalubwila.”
