Yelemia 10:1-25
10 A njibo ya Isalela, ivwanai kinenwa kyanena Yehova pomudi.
2 Yehova wanena namino amba:
“Kemwakefundai dishinda dya mizo,+Kadi kemwakatuyulwai na biyukeno bya mūluMwanda mizo ituyulwanga nabyo.+
3 Mwanda bibidiji bya bantu i bya bubelabubela.*
I mutyi’tu wa mu ditó mutētwe,Mwingilwe na makasa a sendwe na kingidilwa kyandi.*+
4 Beuneñenya na ndalama ne olo+Kadi babamba’ko misumadi na kitotwa kutyina wakapona.+
5 Kebīsambangapo’nka bwa byengo mu budimi bwa bibimbi;+Bifwaninwe’nka kuselwa mwanda kebyendangapo.+
Kemwakebityinai mwanda kebibwanyapo kulonga kibi,Kadi kebibwanyapo kulonga kiyampe nansha kimo.”+
6 A Yehova, kekudipo nansha umo udi bwa abe.+
Wi mukatampe, dijina dyobe i dikatampe kadi dikomokomo.
7 A Mulopwe wa mizo,+ i ani kakakutyinapo, mwanda i kyendele’mo;Mwanda mu bantu bonso ba tunangu ba mizo ne mu malopwe abo onso,I mutupu nansha umo udi pamo bwa abe.+
8 Abo bonso kebalañangapo kadi i balembakane.+
Bufundiji bwa mutyi i bwa bubelabubela’tu.*+
9 Bipāpo bya ndalama biselwanga ku Talashishi,+ olo nayo ku Ufaza,Mwingilo wa sendwe, wa makasa a mwingidi ufula byuma.
Bisandi byabo i nyushi ifītuluka ne myoya ityilakana.
Byonso i bilongwe na bengidi ba bwino.
10 Ino Yehova i Leza binebine.
I Leza mūmi+ kadi Mulopwe wa nyeke.+
Ntanda ikatenkana pa mwanda wa kufītwa mutyima kwandi.+
Kadi i kutupu muzo ukōminina kutuluja kwandi.
11 * Ukebasapwila namino amba:
“Baleza kebalongelepo diulu ne ntandaBakonekanga pa ntanda ne munshi mwa ano madiulu.”+
12 Aye ye Mulongi walongele ntanda na bukomo bwandi,Mwine wakomeje ntanda ipa bipa na tunangu twandi+Kadi watamwine madiulu na ñeni yandi.+
13 Palupulanga diwi dyandi,Mema mūlu atūtanga,+Kadi ukandijanga makumbi* tamba ku mafulo a ntanda.+
Upenejanga mapeni a* mvula,Kadi utambijanga kivula mu bibīko byandi.+
14 Muntu ense uloñanga bintu kwampikwa kulanga ne kwampikwa kuyuka.
Mwingidi ense ufula byuma ukafwijibwa bumvu pa mwanda wa nkishi musōnge;+Mwanda nkishi wandi wa kyuma* i wa bubela,Kadi munda mwabo i mutupu mushipiditu.*+
15 I ba bubelabubela,* mwingilo wa kuzobejibwa.+
Shi difuku dyabo dya mfuto dibafika, bakoneka.
16 Kyepelo kya Yakoba, aye kadipo pamo bwa bino bintu,Mwanda aye ye Mwine walongele bintu byonso,Kadi Isalela i mukombo wa bupyani bwandi.+
Dijina dyandi i Yehova wa bibumbo.+
17 Kongakanya bīta byobe pa nshi,Abe mwana-mukaji utēkelwe kasāla.
18 Mwanda Yehova wanena namino amba:
“Mu kino kitatyi nsa kwela* bekadi panja pa ntanda,+Kadi nkebamwesha malwa.”
19 Malwa ami pa mwanda wa kutyumuka kwami!+Kilonda kyami kekikomapo.
Kadi nanenene amba: “Bine ino i misongo yami, kadi nkekala nayo.
20 Pema wami wasalwa, kadi myonji ya pema wami yonso ibatyibwe.+
Bana bami abanshiye, kebakidi’kopo.+
I kutupu nansha umo ushele wa kutamuna pema wami nansha kumushimika.
21 Mwanda bakumbi beendejanga byampikwa ñeni,+Kadi kebepangulangapo Yehova.+
O mwanda kebaloñangapo bintu na bujinguludi,Kadi luombe lwabo lonso i lupalakane.”+
22 Teja! Mwanda wao wiya!
Kutenkana kukatampe kutamba ku ntanda ya kungala,+Mwanda wa kusala bibundi bya Yuda, bikale ke mutá wa mizeu.+
23 A Yehova, ndyukile biyampe amba dishinda dya muntu ke dyandipo, aa.
Muntu wenda kadipo na lupusa lwa kōlola ditabula dyandi.+
24 A Yehova, ngolole na butyibi,Ino ke na bulobo bobepo, aa,+ kutyina’mba wakanjimija.+
25 Pungulwila bukalabale bobe pa mizo keikuyukilepo+Ne pa bisaka kebitengapo dijina dyobe.
Mwanda ababokota Yakoba,+Bine, abamubokota ne byatukila tukituki,+Kadi abasala ntanda yandi.+
Kunshi kwa Dyani
^ Nansha’mba “bya bitupu.”
^ Nansha’mba “ntēto yandi.”
^ Nansha’mba “bwa bitupu.”
^ Vese 11 walembelwe dibajinji mu Kialamia.
^ Bibwanika padi i, “Uloñanga milango ya.”
^ Nansha’mba “kyungutu.”
^ Nansha’mba “nkishi musungululwe.”
^ Nansha’mba “umpuya.”
^ Nansha’mba “ba bituputupu.”
^ Nansha’mba “kusumbula.”
