ٴزابۇر 89:1—52
ماسكيل*. ەزاراحتىق ەتاننىڭ+ جىرى.
89 مەن ەحوبانىڭ كورسەتكەن اينىماس سۇيىسپەنشىلىگى جايلى ماڭگى جىرلايمىن.
سەنىڭ ادالدىعىڭدى اۋزىمنان تاستاماي، كۇللى ۇرپاققا ايتامىن.
2 ويتكەنى مەن: «اينىماس سۇيىسپەنشىلىك ماڭگى باقي نىعايا بەرەدى*+؛سەن ادالدىعىڭدى كوكتە بەرىك ورناتتىڭ»،— دەدىم.
3 سەن بىلاي دەدىڭ: «مەن ٶزىم تاڭداعان قىزمەتشىم داۋىتپەن كەلىسىم جاساستىم+،وعان بىلاي دەپ انت ەتتىم+:
4 —سەنىڭ ۇرپاعىڭدى ماڭگىگە قالدىرامىن+،تاعىڭدى ۇرپاقتان ۇرپاققا بەرىك تۇرعىزامىن+». (سەلا)
5 ۋا، ەحوبا، كوك سەنىڭ كەرەمەتتەرىڭدى داڭقتايدى،ٴيا، قاسيەتتىلەردىڭ قاۋىمىندا ادالدىعىڭدى ماداقتايدى.
6 اسپاندا ەحوبامەن كىم تەڭەسە الادى+؟
قۇداي ۇلدارىنىڭ+ اراسىندا ەحوبا سياقتى كىم بار؟
7 قۇداي قاسيەتتىلەردىڭ كەڭەسىندە قاستەرلى قورقىنىش تۋدىرادى+،ول اينالاسىنداعىلار ٷشىن ۇلى دا ايبىندى+.
8 ۋا، اسكەرباسى ەحوبا،وزىڭدەي قۇدىرەتتى كىم بار، ۋا، ەحوبا*+؟
سەن ٵردايىم ادالدىق تانىتاسىڭ+.
9 بۋىرقانعان تەڭىزگە بيلىك جۇرگىزەسىڭ+،كوتەرىلگەن تولقىندارىن تىنىشتاندىراسىڭ+.
10 سەن ادامدى سۇلاتقانداي، راحابتى+ تالقاندادىڭ+،مىقتى قولىڭمەن جاۋلارىڭدى بىتىراتتىڭ+.
11 كوك تە، جەر دە سەنىكى+،قۇنارلى جەر مەن ونداعىنىڭ ٴبارى دە سەنىكى+؛ولاردىڭ نەگىزىن قالاعان ٶزىڭسىڭ.
12 سەن سولتۇستىك پەن وڭتۇستىكتى جاراتتىڭ؛تابور+ مەن حەرمون+ ەسىمىڭدى دارىپتەيدى.
13 سەنىڭ بىلەگىڭ قۇدىرەتتى+، قولىڭ كۇشتى+،وڭ قولىڭ جوعارى كوتەرۋلى+.
14 تاعىڭنىڭ نەگىزى — ادىلدىك پەن ادىلەتتىلىك+.
الدىڭدا تۇرادى اينىماس سۇيىسپەنشىلىك پەن ادالدىق+.
15 شاتتىق ۇنىنە قوسىلاتىندار باقىتتى+.
ۋا، ەحوبا، ولار ٴجۇزىڭنىڭ نۇرىندا جۇرەدى.
16 كۇنى بويى ەسىمىڭە قۋانادى،ادىلدىگىڭ ارقىلى اسقاقتايدى.
17 ويتكەنى كۇشتەرىنىڭ كوركى ٶزىڭسىڭ+.
ٴبىزدىڭ كۇشىمىز سەنىڭ ىقىلاسىڭنىڭ ارقاسىندا اسقاقتايدى+.
18 سەبەبى قالقانىمىز ەحوباعا تيەسىلى،پاتشامىز دا يسرايلدىڭ كيەلى قۇدايىنىڭ مەنشىگى+.
19 سول ۋاقىتتا سەن ادال قىزمەتشىلەرىڭە ايان بەرىپ، مىنانى ايتتىڭ:
«مەن مىقتىعا كۇش دارىتتىم+،حالىق اراسىنان تاڭداپ الىپ، جوعارىلاتتىم+.
20 قىزمەتشىم ٴداۋىتتى تاپتىم+،وعان قاسيەتتى مايىمدى جاقتىم+.
21 ونى قولىممەن دەمەيمىن+،بىلەگىممەن وعان كۇش بەرەمىن.
22 ەشبىر جاۋ وعان سالىق سالمايدى،ادىلەتسىز ادام قىسىم جاسامايدى+.
23 الدىندا ٴجۇرىپ، دۇشپاندارىن تاس-تالقان قىلامىن+،ونى جەك كورەتىندەردى سۇلاتىپ سالامىن+.
24 وعان ادالدىق تانىتامىن، اينىماس سۇيىسپەنشىلىك كورسەتەمىن+،مەنىڭ ەسىمىم ارقىلى ونىڭ كۇشى اسقاقتايتىن بولادى.
25 ونى تەڭىزدىڭ ۇستىنەن،وزەندەردىڭ ۇستىنەن بيلىك ەتكىزەمىن+.
26 ول مەنى: —سەن مەنىڭ اكەمسىڭ،قۇدايىم ٵرى قۇتقارۋشى جارتاسىمسىڭ+،— دەپ شاقىرادى.
27 مەن ونى تۇڭعىشىم ەتىپ بەلگىلەيمىن+،جەر پاتشالارىنىڭ بارىنەن بيىكتەتەمىن+.
28 اينىماس سۇيىسپەنشىلىگىمدى وعان ماڭگى تانىتامىن+،ونىمەن جاساسقان كەلىسىمىم ەشقاشان بۇزىلمايدى+.
29 ونىڭ ۇرپاعىن ماڭگىگە قالدىرامىن،تاعىن كوك سياقتى ۇزاققا ورناتامىن+.
30 ال ەگەر ۇلدارى زاڭىمنان باس تارتسا،شەشىمدەرىمە ساي جۇرمەسە،
31 جارلىقتارىمدى بۇزسا،وسيەتتەرىمدى ورىنداماسا،
32 ٴتىلازارلىقتارى ٷشىن تاياقپەن،كۇنا جاساعاندارى ٷشىن قامشىمەن جازالايمىن+.
33 ٴبىراق وعان دەگەن اينىماس سۇيىسپەنشىلىگىمنەن ەش باس تارتپايمىن+،بەرگەن ۋادەمنەن دە تايمايمىن.
34 كەلىسىمىمدى بۇزبايمىن+،اۋزىمنان شىققان سوزىمنەن دە اينىمايمىن+.
35 مەن كيەلىلىگىممەن ٴبىرجولا انت ەتتىم،داۋىتكە جالعان سويلەمەيمىن+.
36 ونىڭ ۇرپاعى ماڭگى قالادى+،تاعى الدىمداعى كۇن سياقتى ۇزاققا ورنايدى+.
37 اي ىسپەتتى ماڭگى بەرىك تۇرادى،اسپانداعى ادال كۋاگەردەي بولادى». (سەلا)
38 ٴبىراق ٶزىڭ ودان تەرىس اينالدىڭ، باس تارتتىڭ+،مايلانعانىڭا اشۋلاندىڭ.
39 قىزمەتشىڭمەن جاساسقان كەلىسىمىڭنەن سىرت اينالدىڭ،باسىنداعى ٴتاجىن جەرگە لاقتىرىپ، ارامدادىڭ.
40 تاس دۋالدارىن بۇزىپ تاستادىڭ،بەكىنىستەرىن ۇيىندىگە اينالدىردىڭ.
41 جولشىباي وتكەندەر ونى تونايدى،كورشىلەرى كەلەكەلەپ مازاقتايدى+.
42 جاۋلارىنا جەڭىس سيلادىڭ+،دۇشپاندارىنىڭ ٴبارىن قۋانىشقا بولەدىڭ.
43 ونىڭ سەمسەرىنە تاعى دا قارسى شىقتىڭ،شايقاستا جەڭىسكە جەتكىزبەدىڭ.
44 ٴسان-سالتاناتىن جوق قىلدىڭ،تاعىن جەرگە الىپ ۇردىڭ.
45 جاستىق شاعىن قىسقارتتىڭ،ماسقارانى كيىم ەتىپ كيگىزدىڭ. (سەلا)
46 ۋا، ەحوبا، قاشانعى جاسىرىناسىڭ؟ ماڭگى مە+؟
قاھارىڭ وتتاي لاۋلاي بەرە مە؟
47 ٶمىرىمنىڭ قانشالىقتى قىسقا ەكەنىن ۇمىتپاشى+!
ادام اتاۋلىنى ەش ماقساتسىز جاراتقانىڭ با؟
48 كىم ٶلىم كورمەي، جاساي بەرە الادى+؟
كىم كوردىڭ* قۇدىرەتىنەن جانىن* ساقتاپ قالا الادى؟ (سەلا)
49 ۋا، ەحوبا، ادالدىعىڭمەن داۋىتكە انت ەتىپ،اينىماس سۇيىسپەنشىلىگىڭمەن جاساعان بۇرىنعى ىستەرىڭ قايدا+؟
50 ۋا، ەحوبا، قىزمەتشىلەرىڭنىڭ ابدەن مازاققا قالعانىن ەسىڭدە ۇستاشى،مەنىڭ كۇللى حالىقتىڭ مازاعىنا توزۋگە ٴماجبۇر ەكەنىمدى ۇمىتپاشى،
51 ۋا، ەحوبا، جاۋلارىڭنىڭ مايلانعانىڭدى ابدەن قورلاپ جاتقانىن،ونىڭ جاساعان ٵر ٸسىن قورلاپ جاتقانىن ۇمىتپاشى.
52 لايىم ەحوبا ماڭگى ماداقتالسىن! اۋمين، ٴيا، اۋمين+.
سىلتەمەلەر
^ تۇسىندىرمەنى قاراڭىز.
^ نەمەسە «مىزعىمايدى».
^ سوزبە-ٴسوز «ياح». ياح — ەحوبا دەگەن ەسىمنىڭ قىسقا ٴتۇرى.
^ ەۆرەيشە «شەول». تۇسىندىرمەنى قاراڭىز.
^ تۇسىندىرمەنى قاراڭىز.