ٴزابۇر 119:1—176
-
باعالى ٴسوزى ٷشىن قۇدايعا ريزاشىلىق ٴبىلدىرۋ
-
«جاس جىگىت جولىن قالاي تازا ساقتاي الادى؟» (9)
-
«مەن ەسكەرتۋلەرىڭدى باعالايمىن» (24)
-
«زاڭىڭدى سونداي قاتتى سۇيەمىن» (97)
-
«بارلىق ۇستازدارىمدىكىنەن دە مول تۇسىنىككە يەمىن» (99)
-
«سەنىڭ ٴسوزىڭ — شىراعدان» (105)
-
«سەنىڭ ٴسوزىڭ — تۇپتامىرىمەن شىندىق» (160)
-
قۇداي زاڭىن سۇيەتىندەر تىنىشتىققا كەنەلەدى (165)
-
א [الەف]
119 ٴمىنسىز جولمەن جۇرەتىندەر،ەحوبانىڭ زاڭىمەن جۇرەتىندەر باقىتتى+.
2 ونىڭ ەسكەرتۋلەرىن ورىندايتىندار+،ونى بار جۇرەگىمەن ىزدەيتىندەر باقىتتى+.
3 ولار ادىلەتسىزدىك ىستەمەيدى،قايتا، قۇدايدىڭ جولدارىمەن جۇرەدى+.
4 ۋا، قۇداي، ٶزىڭ بۇيرىق بەردىڭ،نۇسقاۋلارىڭدى مۇقيات ورىنداۋدى تالاپ ەتتىڭ+.
5 جارلىقتارىڭدى ورىنداۋ ٷشىن،جولىمدا بەرىك تۇرا السام عوي، شىركىن+!
6 سوندا وسيەتتەرىڭە دەن قويعانىمدا،ەش ۇياتقا قالماس ەدىم+.
7 ٵدىل شەشىمدەرىڭە تەرەڭ بويلايمىن،تازا جۇرەكپەن ٶزىڭدى ماداقتايمىن.
8 مەن جارلىقتارىڭدى ورىندايمىن.
مەنى ەشقاشان ٴبىرجولاتا تاستاماشى.
ב [بەت]
9 جاس جىگىت ٶمىر جولىن قالاي تازا ساقتاي الادى؟
سەنىڭ ٴسوزىڭ بويىنشا قادامىن اڭداپ باسسا، سولاي بولادى+.
10 مەن بار جۇرەگىممەن ٶزىڭدى ىزدەيمىن،وسيەتتەرىڭنەن اۋىتقىپ كەتۋىمە جول بەرمەشى+.
11 وزىڭە قارسى كۇنا جاساپ قويماۋ ٷشىن،ايتقان ٴسوزىڭدى جۇرەگىمدە ساقتايمىن+.
12 ۋا، ەحوبا، ماداقتالا بەرشى،ماعان جارلىقتارىڭدى ۇيرەتشى.
13 سەنىڭ ايتقان بار شەشىمدەرىڭدىمەنىڭ اۋزىم جاريا ەتەدى.
14 جۇرت باعالى زاتتارىنا قالاي قۋانسا،مەن سەنىڭ ەسكەرتۋلەرىڭە سولاي قۋانامىن+.
15 نۇسقاۋلارىڭ جونىندە تەرەڭ ويلانامىن+،جولدارىڭا مۇقيات دەن قويامىن+.
16 جارلىقتارىڭدى جاقسى كورەمىن،ٴسوزىڭدى ەشقاشان ۇمىتپايمىن+.
ג [گيمەل]
17 قىزمەتشىڭە شاپاعاتىڭدى ٴتۇسىرشى،امان ٴجۇرىپ، ٴسوزىڭدى ورىندايىن+.
18 كوزىمدى اشا كورشى،زاڭىڭداعى كەرەمەت جايتتاردى انىق كورەيىن.
19 مىنا ەلدە مەن نەبارى جاتجەرلىكپىن+،وسيەتتەرىڭدى مەنەن جاسىرماشى.
20 ٵردايىم شەشىمدەرىڭدى كۇتىپ زارىعامىن،سولاردى اڭساپ ساعىنامىن.
21 سەن مەنمەندەردى،وسيەتتەرىڭنەن اۋىتقىپ، قارعىس اتقانداردى ايىپتايسىڭ+.
22 ماسقارا مەن قورلىقتان مەنى ارىلتا كورشى*،ويتكەنى ەسكەرتۋلەرىڭدى ورىنداپ ٴجۇرمىن.
23 بەكزادالار جيىلىپ، ماعان قارسى سويلەسە دە،قىزمەتشىڭ جارلىقتارىڭ جايلى ويلانادى.
24 مەن ەسكەرتۋلەرىڭدى باعالايمىن+،ولار ماعان ٵردايىم اقىل بەرەدى+.
ד [دالەت]
25 مەن ەتپەتىمنەن توپىراقتا جاتىرمىن+،ايتقان سوزىڭە ساي مەنى امان ساقتاشى+.
26 جولدارىم جايلى وزىڭە اشىپ ايتتىم، ال سەن جاۋاپ بەردىڭ،ماعان جارلىقتارىڭدى ۇيرەتشى+.
27 نۇسقاۋلارىڭنىڭ ٴمانىن ٴتۇسىندىرشى،كەرەمەت ىستەرىڭ جونىندە تەرەڭ ويلانايىن+.
28 قايعى مەڭدەپ، ۇيقىدان قالدىم،ايتقان سوزىڭە ساي مەنى نىعايتشى.
29 زاڭىڭدى ۇيرەتىپ، ىقىلاسىڭدى ٴتۇسىرشى،جالعاندىق جولىنان ساقتاشى+.
30 مەن ادالدىق جولىن تاڭدادىم+،شەشىمدەرىڭنىڭ دۇرىس ەكەنىن مويىندايمىن.
31 ەسكەرتۋلەرىڭدى بەرىك ۇستانامىن+،ۋا، ەحوبا، ۇياتقا قالۋىما* جول بەرمەشى+.
32 تالماي وسيەتتەرىڭنىڭ جولىمەن جۇرەمىن،سەبەبى سەن جۇرەگىمە مول تۇسىنىك* دارىتتىڭ.
ה [حە]
33 ۋا، ەحوبا، جارلىقتارىڭنىڭ جولىمەن ٴجۇرۋدى ۇيرەتشى+،ونى سوڭىنا دەيىن بەرىك ۇستانايىن+.
34 تۇسىنىك سيلاشى، زاڭىڭدى ورىندايىن،بار جۇرەگىممەن سوعان مويىنسۇنايىن.
35 وسيەتتەرىڭنىڭ جولىمەن جەتەلەشى+،سەبەبى سودان قۋانىش تابامىن.
36 جۇرەگىمدى قارا باسىمدى ويلاۋعا ەمەس*+،ەسكەرتۋلەرىڭدى ۇستانۋعا بەيىمدەشى.
37 كوزىمدى تۇككە تۇرعىسىز نارسەگە تۇسىرمەشى+،جولىڭدا اماندىقپەن جۇرگىزە كورشى.
38 قىزمەتشىڭە بەرگەن ۋادەڭدى ورىنداشى،ادامدار سەنەن قورقاتىن بولسىن*.
39 ٶزىم قورقاتىن ماسقارالىقتان مەنى ساقتاشى،ويتكەنى سەنىڭ شەشىمدەرىڭ يگى+.
40 نۇسقاۋلارىڭدى قالاي زارىعا اڭسايتىنىما قاراشى.
ادىلدىگىڭە ساي مەنى امان ساقتاشى.
ו [ۆاۆ]
41 ۋا، ەحوبا، اينىماس سۇيىسپەنشىلىگىڭدى سەزىنەيىنشى+،ۋادەڭە ساي قۇتقارعانىڭدى كورەيىنشى+.
42 سوندا مەنى تابالاعانعا جاۋاپ بەرەمىن،ويتكەنى سەنىڭ سوزىڭە سەنەمىن.
43 شىندىق ٴسوزىن اۋزىمنان الىپ قويماشى،سەبەبى شەشىمىڭە ٷمىت ارتامىن.
44 زاڭىڭدى ٵردايىم ۇستانامىن،ماڭگى باقي ودان تايمايمىن+.
45 مەن قاۋىپسىز جەرمەن جۇرەمىن+،ويتكەنى نۇسقاۋلارىڭدى ورىنداۋدى قالايمىن.
46 پاتشالار الدىندا ەسكەرتۋلەرىڭدى ايتامىن،ەش ۇياتقا قالمايمىن+.
47 وسيەتتەرىڭدى جاقسى كورەمىن،ٴيا، مەن ولاردى سۇيەمىن+.
48 وسيەتتەرىڭدى سۇيگەندىكتەن+ قول جايىپ سيىنامىن،جارلىقتارىڭ جونىندە تەرەڭ ويلانامىن+.
ז [زاين]
49 قىزمەتشىڭە بەرگەن ٴسوزىڭدى ەسىڭە الا كور،سول ارقىلى ماعان ٷمىت بەردىڭ عوي.
50 ول قاسىرەت شەككەنىمدە، جۇبانىش بەرەدى+،ويتكەنى بەرگەن ٴسوزىڭ مەنى امان ساقتاپ كەلەدى.
51 مەنمەندەر مەنى مازاق قىلادى،ٴبىراق مەن سەنىڭ زاڭىڭنان اۋىتقىمايمىن+.
52 ۋا، ەحوبا، ەجەلگى شەشىمدەرىڭدى ەسكە الامىن+،سولاردان جۇبانىش تابامىن+.
53 زاڭىڭدى ۇستانبايتىن زۇلىمدارعا قاتتى اشۋىم كەلەدى+.
54 قاي جەردە مەكەن ەتسەم دە،جارلىقتارىڭدى ٵن قىلىپ ايتىپ جۇرەمىن.
55 ۋا، ەحوبا، زاڭىڭنان تايماۋ ٷشىن،تۇندە اتىڭدى ەسىمە الامىن+.
56 نۇسقاۋلارىڭدى ورىنداعاندىقتان،مەن وسىنىڭ ٴبارىن باستان كەشىردىم.
ח [حەت]
57 ەحوبا — مەنىڭ ۇلەسىم+.
مەن سوزدەرىڭدى ورىنداۋدى ۋادە ەتتىم+.
58 بار جۇرەگىممەن وزىڭە جالبارىنامىن+،ۋادەڭە ساي ماعان ىقىلاسىڭدى ٴتۇسىرشى+.
59 اياعىمدى قايتادان جارلىقتارىڭا باعىتتاۋ ٷشىن،ٶمىر جولىمدى سارالايمىن+.
60 وسيەتتەرىڭدى ورىنداۋعا اسىعامىن،مۇنى كەيىنگە قالدىرمايمىن+.
61 مەنى زۇلىمداردىڭ ارقاندارى شىرمادى،ٴبىراق مەن زاڭىڭدى ۇمىت قالدىرمايمىن+.
62 ٴتۇن ورتاسىندا تۇرىپ الامىن،ٵدىل شەشىمدەرىڭ ٷشىن العىس ايتامىن+.
63 مەن وزىڭنەن قورقاتىنداردىڭ،نۇسقاۋلارىڭدى ورىندايتىنداردىڭ دوسىمىن+.
64 ۋا، ەحوبا، جەر سەنىڭ اينىماس سۇيىسپەنشىلىگىڭە تولى+.
ماعان جارلىقتارىڭدى ۇيرەتشى.
ט [تەت]
65 ۋا، ەحوبا، ايتقان سوزىڭە ساي قىزمەتشىڭە جاقسىلىق جاساپ كەلەسىڭ.
66 ماعان اقىل-پاراسات پەن ٴبىلىم بەرشى+،ويتكەنى وسيەتتەرىڭە سەنىم ارتامىن.
67 ازاپ شەكپەس بۇرىن، بىلمەي كۇنا جاساپ ٴجۇردىم،ال ەندى ايتقان ٴسوزىڭدى ۇستانامىن+.
68 قۇدايىم، سەن يگىسىڭ+، ىستەرىڭ دە يگى.
ماعان جارلىقتارىڭدى ۇيرەتشى+.
69 مەنمەندەر ماعان قارا كۇيە جاعادى،ٴبىراق مەن بار جۇرەگىممەن نۇسقاۋلارىڭدى ۇستانامىن.
70 ولاردىڭ جۇرەكتەرى سەزىمسىز بولىپ قالعان+،ال مەن سەنىڭ زاڭىڭدى جاقسى كورەمىن+.
71 جارلىقتارىڭدى ۇيرەنۋ ٷشىن،پالەگە ۇشىراعانىم جاقسى بولدى+.
72 ٶزىڭ جاريا ەتكەن زاڭ مەن ٷشىن يگى+،ول كوپتەگەن التىن مەن كۇمىستەن دە جاقسى+.
י [يود]
73 مەنى سەنىڭ قولىڭ جاراتتى، قالىپتاستىردى،ماعان تۇسىنىك سيلاشى، وسيەتتەرىڭدى ۇيرەنەيىن+.
74 وزىڭنەن قورقاتىندار مەنى كورىپ قۋانادى،ويتكەنى مەن سەنىڭ سوزىڭە ٷمىت ارتامىن+.
75 ۋا، ەحوبا، شەشىمدەرىڭنىڭ ٵدىل ەكەنىن بىلەمىن+،ادالدىعىڭا ساي سەن مەنى جونگە سالدىڭ+.
76 قىزمەتشىڭە بەرگەن ۋادەڭ بويىنشا،اينىماس سۇيىسپەنشىلىگىڭ+ ماعان جۇبانىش بەرسىنشى.
77 امان جۇرەيىن، مەيىرىمىڭدى ٴتۇسىرشى+،ويتكەنى مەن سەنىڭ زاڭىڭدى جاقسى كورەمىن+.
78 مەنمەندەر ماسقارا بولسىنشى،سەبەبى ولار ەش سەبەپسىز* مەنى اداستىرىپ ٴجۇر.
ال مەن نۇسقاۋلارىڭ جايلى تەرەڭ ويلانامىن+.
79 وزىڭنەن قورقاتىندار، ەسكەرتۋلەرىڭدى بىلەتىندەر،ماعان قايتا ورالسىنشى.
80 ۇياتقا قالماي، جارلىقتارىڭدى ٴمىنسىز جۇرەكپەن ورىندايىنشى+.
כ [كاف]
81 قۇتقارۋىڭدى اڭساپ توسامىن+،ويتكەنى سەنىڭ سوزىڭە ٷمىت ارتامىن.
82 مەنى قاشان جۇباتار ەكەنسىڭ دەپ+،ٴسوزىڭنىڭ ورىندالۋىن كۇتۋدەن كوزىم تالدى+.
83 مەن تۇتىنگە قاقتالعان مەسكە ۇقسايمىن،ٴبىراق جارلىقتارىڭدى ەش ۇمىتپايمىن+.
84 قىزمەتشىڭ تاعى قانشا كۇتسىن؟
قۋدالاۋشىلارىما قاشان ۇكىم شىعاراسىڭ+؟
85 زاڭىڭدى اياقاستى ەتەتىن مەنمەندەر ماعان ور قازادى.
86 سەنىڭ بارلىق وسيەتتەرىڭ سەنىم ارتۋعا تۇرارلىق.
مەن ەش سەبەپسىز قۋدالانىپ ٴجۇرمىن، كومەكتەسە كورشى+!
87 ولار مەنى جەر بەتىنەن قۇرتىپ جىبەرۋگە شاق قالدى،ٴبىراق مەن نۇسقاۋلارىڭنان باس تارتقان جوقپىن.
88 اينىماس سۇيىسپەنشىلىگىڭە ساي مەنى امان ساقتاشى،ايتقان ەسكەرتۋلەرىڭدى ۇستانىپ جۇرەيىن.
ל [لامەد]
89 سەنىڭ ٴسوزىڭ، ۋا، ەحوبا،كوكتە ماڭگىگە بەكىتىلگەن+.
90 سەن ۇرپاقتان ۇرپاققا ادالدىق تانىتاسىڭ+.
ماڭگى مىزعىماي تۇرسىن دەپ، جەردى بەرىك ورناتتىڭ+.
91 شەشىمدەرىڭ بويىنشا ولار* كۇنى بۇگىنگە دەيىن تۇر،ولاردىڭ ٴبارى سەنىڭ قىزمەتشىلەرىڭ.
92 سەنىڭ زاڭىڭدى جاقسى كورمەگەنىمدە،باسىما تۇسكەن قيىندىقتان قۇرىپ كەتەر ەدىم+.
93 نۇسقاۋلارىڭدى ەشقاشان ۇمىتپايمىن،ويتكەنى سولار ارقىلى مەنى امان ساقتاپ كەلەسىڭ+.
94 مەن سەنىڭ مەنشىگىڭمىن، قۇتقارا كور+،ويتكەنى نۇسقاۋلارىڭدى ىزدەپ كەلەمىن+.
95 زۇلىمدار مەنى قۇرتۋدى كوكسەيدى،ال مەن ەسكەرتۋلەرىڭە مۇقيات ۇڭىلەمىن.
96 مەن كەمەلدىلىك اتاۋلىنىڭ شەگى بار ەكەنىن كوردىم،ٴبىراق سەنىڭ وسيەتتەرىڭ ۇشان-تەڭىز.
מ [مەم]
97 سەنىڭ زاڭىڭدى سونداي قاتتى سۇيەمىن+،كۇنى بويى سول جايلى ويعا شومىپ جۇرەمىن+.
98 وسيەتىڭ مەنى جاۋلارىمنان دا دانا ەتەدى+،ويتكەنى مەنى ٵردايىم جەتەلەپ جۇرەدى.
99 سەنىڭ ەسكەرتۋلەرىڭ جايلى وي جۇگىرتەمىن،سوندىقتان بارلىق ۇستازدارىمدىكىنەن دە مول تۇسىنىككە يەمىن+.
100 جاسى ۇلكەندەرگە قاراعاندا اقىلمەن ارەكەت ەتەمىن،ويتكەنى نۇسقاۋلارىڭدى ۇستانىپ كەلەمىن.
101 ٴسوزىڭدى بەرىك ۇستانۋ ٷشىن،كەز كەلگەن زۇلىم جولدان اۋلاق جۇرەمىن+.
102 شەشىمدەرىڭنەن ەش تايمايمىن،ويتكەنى ٶزىڭ ٴتالىم بەرىپ كەلەسىڭ.
103 سوزدەرىڭ قانداي ٴدامدى،ٴتىل ۇيىرگەن بالدان دا ٴتاتتى+!
104 نۇسقاۋلارىڭنىڭ ارقاسىندا تۇسىنىكپەن ارەكەت ەتەمىن+،سوندىقتان كەز كەلگەن جالعان جولدى جەك كورەمىن+.
נ [نۋن]
105 سەنىڭ ٴسوزىڭ — شىراعدان،اياعىما جارىعىن، جۇرەر جولىما نۇرىن شاشادى+.
106 مەن ٵدىل شەشىمدەرىڭدى ۇستانۋدى انت ەتتىم،بەرگەن سەرتىمنەن ەندى ەش تايمايمىن.
107 مەن قاتتى قينالۋدامىن+،ۋا، ەحوبا، سوزىڭە ساي امان ساقتاي كورشى+.
108 اۋزىمنان شىققان ماداعىم، ۋا، ەحوبا!
ەرىكتى سي-تارتۋداي ساعان جاعىمدى بولسىنشى+،ماعان ٶز شەشىمدەرىڭدى ۇيرەتشى+.
109 ومىرىمە ۇنەمى قاۋىپ ٴتونىپ تۇرادى،ٴبىراق مەن سەنىڭ زاڭىڭدى ۇمىت قالدىرمادىم+.
110 زۇلىمدار ماعان تۇزاق قۇردى،ٴبىراق مەن نۇسقاۋلارىڭنان تايمادىم+.
111 ەسكەرتۋلەرىڭدى ماڭگىلىك مەنشىگىم ەتتىم،ويتكەنى ولار جۇرەگىمدى قۋانىشقا تولتىرادى+.
112 جارلىقتارىڭا مويىنسۇنۋعا جۇرەگىمدى بەيىمدەدىم،ارقاشان، اقىرىنا دەيىن، سولاي ەتۋگە بەل بۋدىم.
ס [سامەح]
113 مەن جۇرەگى جارىم* ادامداردى جەك كورەمىن+،ال سەنىڭ زاڭىڭدى سۇيەمىن+.
114 سەن مەنىڭ پانام ٵرى قالقانىمسىڭ+،ويتكەنى مەن سەنىڭ سوزىڭە ٷمىت ارتامىن+.
115 ەي، قياناتشىلدار، ماعان جولاماڭدار+!
مەن قۇدايىمنىڭ وسيەتتەرىن ورىندايىن.
116 ۋا، قۇداي، ۋادەڭە ساي قولداشى+،امان بولايىن.
وزىڭە ٷمىت ارتامىن، ۇياتقا قالۋىما* جول بەرمەشى+.
117 امان بولۋىم ٷشىن قولداشى+،ارقاشان جارلىقتارىڭا دەن قويايىن+.
118 جارلىقتارىڭنان بەزگەندەردىڭ بارىنەن سەن باس تارتاسىڭ+،ويتكەنى ولار الدامشى ٵرى ارامزا.
119 سەن جەردەگى زۇلىم اتاۋلىنى پايداسىز قوج سياقتى قۇرتاسىڭ+،مىنە، سوندىقتان مەن ەسكەرتۋلەرىڭدى سۇيەمىن.
120 وزىڭنەن قورقىپ، تۇلا بويىم قالتىرايدى،مەن شەشىمدەرىڭنەن قورقامىن.
ע [اين]
121 مەن ادىلەتتى دە ٵدىل ارەكەت ەتتىم،قاناۋشىلارىمنىڭ قولىنا تۇسىرە كورمەشى.
122 قىزمەتشىڭدى يگىلىككە جەتكىزەمىن دەپ كەپىلدىك بەرشى.
مەنمەندەر ماعان قىسىم كورسەتپەسىنشى.
123 قۇتقارۋىڭ مەن ٵدىل ۋادەڭنىڭ ورىندالۋىن زارىعا كۇتىپ+،كوزىم تالىپ قاراۋىتتى+.
124 قىزمەتشىڭە اينىماس سۇيىسپەنشىلىك تانىتشى+،ماعان جارلىقتارىڭدى ۇيرەتشى+.
125 مەن سەنىڭ قىزمەتشىڭمىن، ماعان تۇسىنىك بەرشى+،ەسكەرتۋلەرىڭدى ٴبىلىپ جۇرەيىن.
126 ۋا، ەحوبا، ارەكەت ەتەتىن ۋاقىتىڭ كەلدى+،ويتكەنى ولار سەنىڭ زاڭىڭدى بۇزدى.
127 ال مەن سەنىڭ وسيەتتەرىڭدى التىننان، ٴتىپتى ساف التىننان ارتىق سۇيەمىن+.
128 سوندىقتان ٵربىر نۇسقاۋىڭدى دۇرىس دەپ بىلەمىن+،ال بۇرىس جولدىڭ قاي-قايسىسىن دا جەك كورەمىن+.
פ [پە]
129 ەسكەرتۋلەرىڭ نەتكەن كەرەمەت!
سوندىقتان ولاردى ورىنداپ كەلەمىن.
130 سوزدەرىڭنىڭ ٴمانى اشىلعاندا، جارىق توگىلەدى+،تاجىريبەسىزدەرگە تۇسىنىك بەرەدى+.
131 وسيەتتەرىڭە شولىركەپ،اۋا جەتپەگەن ادامداي اۋزىمدى اشامىن+.
132 ەسىمىڭدى سۇيەتىندەرگە قاتىستى شەشىمىڭنەن تايماشى+،ماعان ٴجۇزىڭدى بۇرىپ، ىقىلاسىڭدى ٴتۇسىرشى+.
133 ٴسوزىڭ ارقىلى قادامىمدى باعىتتاشى،زۇلىمدىق اتاۋلى ماعان ۇستەمدىك جاساماسىن+.
134 مەنى قاناۋشىلاردان قۇتقارشى*،سوندا نۇسقاۋلارىڭدى ورىندايمىن.
135 قىزمەتشىڭە ٴجۇزىڭنىڭ نۇرىن توكشى+،ماعان جارلىقتارىڭدى ۇيرەتشى.
136 جۇرت زاڭىڭدى ورىندامايتىندىقتان،كوز جاسىمدى كول ەتەمىن+.
צ [سادي]
137 ۋا، ەحوبا، سەن ٵدىلسىڭ+،شەشىمدەرىڭ دە ادىلەتتى+.
138 بەرگەن ەسكەرتۋلەرىڭ دە ٵدىلٵرى تولىقتاي سەنىم ارتۋعا تۇرارلىق.
139 بويىمدى قۇلشىنىس بيلەپ الدى+،ويتكەنى دۇشپاندارىم سوزدەرىڭدى ۇمىت قالدىردى.
140 سەنىڭ ٴسوزىڭ ساف تازا+،قىزمەتشىڭ ونى جاقسى كورەدى+.
141 جۇرت مەنى مەنسىنبەيدى، تۇككە تۇرعىسىز ەسەپتەيدى+،ٴبىراق مەن نۇسقاۋلارىڭدى ەسىمنەن شىعارمادىم.
142 سەنىڭ ادىلدىگىڭ ماڭگىلىك+،زاڭىڭ — شىندىق+.
143 اۋىرتپالىق پەن قيىندىق كورىپ جۇرسەم دە،وسيەتتەرىڭدى جاقسى كورە بەرەمىن.
144 سەنىڭ ەسكەرتۋلەرىڭ ماڭگى ٵدىل بولىپ قالادى.
امان بولۋىم ٷشىن، ماعان تۇسىنىك سيلاشى+.
ק [كوف]
145 بار جۇرەگىممەن ٶزىڭدى شاقىرامىن، ۋا، ەحوبا، جاۋاپ بەرشى.
مەن جارلىقتارىڭدى ۇستانامىن.
146 ٶزىڭدى شاقىرۋدامىن، مەنى قۇتقارا كورشى.
مەن ەسكەرتۋلەرىڭدى ۇستاناتىن بولامىن.
147 كومەك سۇراۋ ٷشىن تاڭ شاپاعىنان بۇرىن تۇرامىن+،ويتكەنى سوزدەرىڭە ٷمىت ارتامىن.
148 ٴسوزىڭ جايلى ويلانىپ-تولعانايىن دەپ،تۇنگى كۇزەتتەردەن بۇرىن كوزىمدى اشىپ الامىن+.
149 اينىماس سۇيىسپەنشىلىگىڭە ساي، ۇنىمە قۇلاق اسشى+.
ۋا، ەحوبا، ادىلەتتىگىڭە ساي مەنى امان ساقتاشى.
150 ۇياتسىزدىق* جاسايتىندار تاياپ كەلەدى،ولار سەنىڭ زاڭىڭنان باس تارتتى.
151 ۋا، ەحوبا، سەن ماعان جاقىنسىڭ+،سەنىڭ بارلىق وسيەتتەرىڭ — شىندىق+.
152 مەن بۇرىننان ەرەجەلەرىڭدى بىلەمىن،سەن ولاردى ماڭگىلىككە ورناتتىڭ+.
ר [رەش]
153 قاسىرەتىمە نازار اۋدارىپ، مەنى قۇتقارشى+،سەبەبى سەنىڭ زاڭىڭدى ۇمىتقان جوقپىن.
154 مەنى قورعاشى*، قۇتقارشى+،ۋادەڭە ساي امان ساقتاشى.
155 زۇلىمدار قۇتقارىلا المايدى،ويتكەنى ولار جارلىقتارىڭدى ىزدەمەيدى+.
156 ۋا، ەحوبا، مەيىرىمىڭ نەتكەن زور+!
مەنى ادىلەتتىگىڭە ساي امان ساقتاي كورشى.
157 قۋدالاۋشىلارىم دا، جاۋلارىم دا كوپ+،ٴبىراق مەن ەسكەرتۋلەرىڭنەن تايعان جوقپىن.
158 وپاسىز ادامدارعا جيرەنە قارايمىن،ويتكەنى ولار ايتقان ٴسوزىڭدى ورىندامايدى+.
159 نۇسقاۋلارىڭدى قانشالىقتى جاقسى كورەتىنىمە قاراشى!
اينىماس سۇيىسپەنشىلىگىڭە ساي، ۋا، ەحوبا، مەنى امان ساقتاشى+.
160 سەنىڭ ٴسوزىڭ — تۇپتامىرىمەن شىندىق+،ٵدىل شەشىمدەرىڭنىڭ ٴبارى ماڭگىگە قالادى.
ש [سين] نە [شين]
161 بەكزادالار مەنى ەش سەبەپسىز قۋدالايدى+،ال مەنىڭ جۇرەگىم سوزدەرىڭدى قاستەر تۇتادى+.
162 مەن مول ولجاعا باتقان كىسىدەيسەنىڭ سوزىڭە قۋانىپ شاتتانامىن+.
163 وتىرىكتى جەك كورەمىن، جيرەنەمىن+،ال زاڭىڭدى سۇيەمىن+.
164 ٵدىل شەشىمدەرىڭ ٷشىن كۇنىنە جەتى رەت ٶزىڭدى ماداقتايمىن.
165 زاڭىڭدى سۇيەتىندەر زور تىنىشتىققا كەنەلەدى+،ەشتەڭەگە سۇرىنبەي، امان جۇرەدى.
166 ۋا، ەحوبا، مەنى قۇتقاراسىڭ دەپ ۇمىتتەنەمىن،وسيەتتەرىڭدى ورىنداپ جۇرەمىن.
167 ەسكەرتۋلەرىڭدى ۇستانىپ كەلەمىن،ولاردى سونداي قاتتى سۇيەمىن+!
168 نۇسقاۋلارىڭ مەن ەسكەرتۋلەرىڭدى ورىندايمىن،ويتكەنى بارلىق ىستەرىم وزىڭە ايان+.
ת [تاۆ]
169 جالبارىنعان ٷنىمدى ەستىشى، ۋا، ەحوبا+!
سوزىڭە ساي ماعان تۇسىنىك سيلاشى+.
170 وتىنىشىمە قۇلاق اسىپ، ىقىلاسىڭدى ٴتۇسىرشى،بەرگەن ۋادەڭە ساي قۇتقارا كورشى.
171 اۋزىمنان ماداق سوزدەر تۇسپەسىن+،سەبەبى سەن ماعان جارلىقتارىڭدى ۇيرەتەسىڭ.
172 ٴتىلىم ٴسوزىڭدى انگە قوسىپ تىزبەكتەسىن+،ويتكەنى وسيەتتەرىڭنىڭ ٴبارى ٵدىل.
173 لايىم قولىڭ ماعان كومەكتەسسىن+،ويتكەنى نۇسقاۋلارىڭا مويىنسۇنۋدى شەشتىم+.
174 ۋا، ەحوبا، قۇتقارۋىڭدى زارىعا كۇتەمىن،سەنىڭ زاڭىڭدى جاقسى كورەمىن+.
175 جانىمدى امان ساقتاشى، ٶزىڭدى ماداقتايىن+،شەشىمدەرىڭ ماعان قولعابىس بولسىن.
176 مەن جوعالعان قوي ىسپەتتى اداسىپ ٴجۇرمىن+.
قىزمەتشىڭدى ىزدەپ، تاۋىپ الشى،ويتكەنى وسيەتتەرىڭدى ۇمىت قالدىرمادىم+.
سىلتەمەلەر
^ سوزبە-ٴسوز «مەنەن دومالاتىپ اكەتشى».
^ نەمەسە «سەنىمىمنىڭ اقتالماي قالۋىنا».
^ مۇمكىن: «سەنىمدىلىك».
^ نەمەسە «پايدا كورۋگە ەمەس».
^ مۇمكىن: «بۇل ۋادە وزىڭنەن قورقاتىندارعا بەرىلگەن».
^ مۇمكىن: «جالعان سويلەپ».
^ ياعني جاراتىلىستارىنىڭ ٴبارى.
^ نەمەسە «جۇرەگى بولىنگەن».
^ نەمەسە «سەنىمىمنىڭ اقتالماي قالۋىنا».
^ سوزبە-ٴسوز «قۇنىمدى وتەپ الشى».
^ نەمەسە «سوراقى قىلىق».
^ نەمەسە «سوت ٸسىمدى جۇرگىزشى».
