ٴزابۇر 31:1—24
ٵن-كۇي جەتەكشىسىنە. ٴداۋىتتىڭ جىرى.
31 ٶزىڭدى پانالادىم، ۋا، ەحوبا+،لايىم ەشقاشان ۇياتقا قالمايىن+.
ٵدىل بولعانىڭ ٷشىن مەنى قۇتقارا كورشى+.
2 ەڭكەيىپ ماعان قۇلاق ٴتۇرشى،تەزىرەك مەنى قۇتقارشى+.
مەن ٷشىن تاس قامال، باسساۋعالايتىن بەكىنىس بولشى+.
3 ويتكەنى سەن اسقار تاۋىم ٵرى قورعانىمسىڭ+،ٶز ەسىمىڭ ٷشىن+ مەنى جەتەلەيسىڭ، جول سىلتەيسىڭ+.
4 ماعان جاسىرىن قۇرىلعان توردان مەنى بوساتاسىڭ+،سەن مەنىڭ قامالىمسىڭ+.
5 رۋحىمدى ٶز قولىڭا تابىستايمىن+،ادال قۇداي* ەحوبا+، سەن قۇنىمدى وتەپ الدىڭ.
6 پايداسىز ٵرى تۇككە تۇرعىسىز پۇتتارعا تابىناتىنداردى جەك كورەمىن؛مەن ەحوباعا ارقا سۇيەيمىن.
7 اينىماس سۇيىسپەنشىلىگىڭە قاتتى قۋانامىن،ويتكەنى سەن مەنىڭ قاسىرەتىمدى بايقادىڭ+،جانىمنىڭ ازابىنا نازار اۋداردىڭ.
8 مەنى جاۋىمنىڭ قولىنا بەرمەدىڭ،قايتا، قاۋىپسىز جەرگە تۇرعىزدىڭ.
9 مەن قاسىرەتكە قالدىم، ۋا، ەحوبا، ىقىلاسىڭدى تۇسىرە كور،قايعى-مۇڭنان كوزىم دە، تۇلا بويىم دا السىرەدى+.
10 قايعىدان ٶمىرىم،كۇرسىنۋدەن جىلدارىم قىسقارىپ بارادى+.
كۇنامنىڭ كەسىرىنەن قۋاتىم قايتىپ،سۇيەكتەرىم السىرەپ بارادى+.
11 دۇشپاندارىمنىڭ ٴبارى،اسىرەسە جاقىندارىم مەنى مازاق ەتەدى+.
تانىستارىم بولسا مەنەن قورقادى،جۇرت الدىندا كورسە، قاشادى+.
12 ٶلىپ قالعانىمداي، مەنى جۇرەكتەرىنەن الىپ تاستادى، ۇمىتتى؛مەن سىنىپ قالعان قۇمىراعا ۇقسايمىن.
13 ٶزىم جايلى لاقاپتى كوپ ەستيمىن،قايدا قاراسام دا، بويىمدى ۇرەي بيلەيدى+.
ولار ٴبىرى قالماي ماعان قارسى باس قوسىپ،جانىمدى الۋدى ويلاستىرۋدا+.
14 ٴبىراق مەن، ۋا، ەحوبا، وزىڭە ارقا سۇيەيمىن+؛وزىڭە جۇگىنىپ: «سەن مەنىڭ قۇدايىمسىڭ!»— دەيمىن+.
15 كۇندەرىم سەنىڭ قولىڭدا.
مەنى جاۋلارىم مەن قۋدالاۋشىلارىمنان ساقتاشى+.
16 قىزمەتشىڭە ٴجۇزىڭنىڭ نۇرىن تۇسىرە كور+،اينىماس سۇيىسپەنشىلىگىڭمەن قۇتقارا كور.
17 ۋا، ەحوبا، ٶزىڭدى شاقىرعانىمدا ۇياتقا قالمايىنشى+،قايتا زۇلىمدار ۇياتقا قالسىن+،كورگە* ٴتۇسىپ، ۇندەرى ٶشسىن+.
18 ٵدىل جانعا قارسى پاڭدانا جالعان سويلەيتىندەردىڭ،تاكاپپارلىق پەن جەككورۋشىلىكتىڭ شەگىن بىلمەيتىندەردىڭ، اۋزىنا قۇم قۇيىلسىن+.
19 ىزگىلىگىڭ نەتكەن مول ەدى+!
سەن ونى وزىڭنەن قورقاتىندار ٷشىن جينايسىڭ+،ٶزىڭدى پانالاعاندارعا كۇللى جۇرت الدىندا سيلايسىڭ+.
20 ولاردى زۇلىمداردىڭ ارام پيعىلىنانقۇپيا جەرىڭە تىعىپ قوياسىڭ+،اشتى تىلدەن قورعاپ، پاناڭا جاسىراسىڭ+.
21 لايىم ەحوبا ماداقتالسىن!
ويتكەنى ول قورشاۋعا الىنعان قالادا+
ماعان كەرەمەت اينىماس سۇيىسپەنشىلىگىن كورسەتتى+.
22 مەن ابىرجىپ: «كوز الدىڭدا قۇرىپ كەتەرمىن، ٴسىرا»،— دەگەن ەدىم+،ٴبىراق سەن كومەك سۇراپ جالبارىنعان ٷنىمدى ەستىدىڭ+.
23 ەحوباعا ادال جاندار، ٴبارىڭ دە ونى جاقسى كورىڭدەر+!
ەحوبا ادالداردى قورعايدى+،ال تاكاپپارلاردىڭ بارىنە قارىمتاسىن تولىق قايتارادى+.
24 ەي، ەحوباعا ارقا سۇيەيتىندەر+،باتىل بولىڭدار، جۇرەكتەرىڭ دە مىعىم بولسىن+!