TELE JW
Enstale aplikasyon pou Tele JW sou Roku
Anvan w ka gade Tele JW sou Roku, ou bezwen enstale Roku w la epi enstale aplikasyon JW Broadcasting nan sou li. Suiv etap ki pi ba yo pou w kòmanse:
Enstale aparèy Roku a
Aparèy Roku a ta dwe gen enstriksyon pou ede w enstale l e pou ede w konekte l sou Entènèt. Lè w fin konekte aparèy Roku a, suiv enstriksyon ki parèt sou ekran an pou w fin fè enstalasyon an.
Note sa: Pou w jwenn enstriksyon pou w fè enstalasyon an, w ap bezwen konekte sou Entènèt apati yon òdinatè oswa yon aparèy elektwonik mobil.
Pandan w ap suiv gid pou enstalasyon an, yo pral mande w fè lyen ant aparèy Roku w la ak yon kont Roku. Pou w fè sa, ale sou www.roku.com/link epi mete kòd ki parèt sou ekran televizyon an. Apre sa, suiv enstriksyon yo sou òdinatè w la oswa sou aparèy mobil la pou w ka kreye yon kont Roku.
Ekran televizyon w lan ap renouvle lè w reyisi konekte aparèy Roku a avèk kont ou an.
Pou plis enfòmasyon sou fason pou w enstale aparèy Roku w la, ale nan pati Èd ki nan sit Roku a.
Enstale Tele JW sou li apati yon òdinatè
Aparèy Roku a se yon aparèy ki gen yon lojisyèl ki ka li videyo (oswa “chèn”). Ou bezwen ajoute chèn ki gen videyo w vle gade ladan l. Se pa mwayen òdinatè w pou w ajoute lòt chèn yo.
Ou mèt sèvi ak nenpòt navigatè Entènèt pou w al nan paj JW Broadcasting ki nan Roku Channel Store la.
Antre nan kont Roku pa w, si w potko fè sa.
Klike sou bouton ki Add Channel la (ajoute chèn). Lè w reyisi ajoute chèn nan, bouton Add Channel vèt la pral ranplase ak mo Installed.
Lè w ajoute yon chèn apati navigatè Web la, ou potko enstale l sou aparèy Roku w la, li jis ajoute l nan lis ou. Kounye a, ou bezwen enstale chèn ou fèk ajoute a sou aparèy Roku w la.
Peze bouton Home ki sou rimòt Roku w la.
Sèvi ak flèch Monte oswa flèch Desann pou w ale nan Settings (paramèt).
Peze OK.
Sou paj Settings nan, monte oswa desann jiskaske w seleksyone System Update (mizajou sistèm nan), apre sa, peze OK. Paj System Update la pral monte. Ou ta dwe wè mo Check Now (verifye tousuit), ki seleksyone adwat ekran an.
Peze OK.
Kounye a aparèy Roku a pral verifye chèn ou fèk ajoute a epi l ap enstale l.
Retounen nan paj akèy Roku a epi chwazi My Channels (Chèn mwen yo) sou meni prensipal la. Ekran sa a pral montre tout chèn ou te enstale sou aparèy Roku pa w la, sa gen ladan l JW Broadcasting.
Ale nan logo pou jw.org la epi peze OK pou l ale sou JW Broadcasting.
Enstale Tele JW apati Roku
Ou kapab enstale Tele JW dirèkteman apati aparèy Roku a.
Ale nan paj akèy Roku a.
Itilize flèch Monte oswa Desann rimòt Roku w la pou w chèche nan meni prensipal la jiskaske Search vin parèt
Peze OK.
Bouton Search Roku a pèmèt ou chèche fim, emisyon televizyon, aktè, direktè sinema, jwèt ak chèn ki matche avèk sa w tape. Tele JW se yon chèn, donk, chèche yon rezilta nan search la ki gen yon senbòl Chèn akote l. Mete youn nan mo kle ki pi ba yo pou w jwenn Tele JW:
jw broadcasting
jw.org
jwtv
Jehovah
Lè JW Broadcasting parèt nan lis rezilta yo, peze flèch Adwat la jiskaske w seleksyone non chèn nan, apre sa, peze OK. Opsyon pou w Ajoute chèn nan dwe parèt.
Peze OK ankò pou w enstale Tele JW.
Pou w gade Tele JW seleksyone Go to channel (Ale nan chèn) oswa retounen nan akèy Roku epi chèche Tele JW anba Chèn Pa m.