AMBAHANON 69
Padayon nga Ibantala ang Ginharian!
-
1. Magpadayon sa pagbantala
Sa mga kadutaan.
Gugma aton nga ipakita,
Mga tawo buligan.
Ang pag-alagad kay Jehova,
Kalipay kag kadungganan.
Magpadayon sa pagbantala,
Dayawa ang iya ngalan.
(KORO)
Aton padayon nga
ibantala ang Ginharian.
Ang katutom kay Jehova
aton nga pamatud-an.
-
2. Yara ang iban nga karnero,
Sa hinaplas ’gadungan.
Tigulang man ukon lamharon,
Sa sugo nagatuman.
Ang Ginharian ’gagahom na,
Dapat mabal-an sang tanan.
Kabakod naton si Jehova,
Gani indi mahadlukan!
(KORO)
Aton padayon nga
ibantala ang Ginharian.
Ang katutom kay Jehova
aton nga pamatud-an.
(Tan-awa man ang Sal. 23:4; Binu. 4:29, 31; 1 Ped. 2:21.)
