nirgaman 36:1-38
36 “baslel, oholeeab aur un sabhi kushal kaareegaron* ke saath milkar kaam karega jinhein yahova ne buddhi aur samajh di hai taaki woh pavitra jagah ke sabhi kaam theek usi tarah karein, jaise yahova ne aagya di hai.”+
2 fir moosa ne baslel, oholeeab aur sabhi hunarmand aadmiyon ko bulaya jinhein yahova ne is kaam ke liye buddhi di thi.+ unmein se harek ke dil ne use udhaara ki woh aage badhkar is kaam mein haath bataye.+
3 fir unhonne moosa ke paas aakaar woh saari cheezen lin jo israeliyon ne pavitra jagah ke kaam ke liye daan mein di thi.+ iske baad bhi log har subah apni khushi se cheezen laa-laakaar daan karte rahe.
4 fir sabhi hunarmand kaareegaron ne pavitra kaam shuroo kar diya. aur woh ek-ek karke moosa ke paas aane lage aur
5 usse kehne lage, “log daan mein cheezen laate hi jaa rahe hain. yahova ne jis kaam ki aagya di hai, uske liye ab zaroorat se zyada saaman ikattha ho gaya hai.”
6 tab moosa ne aagya di ki poori chhaavni mein ailan kiya jaaye ki ab se koi bhi aadmi ya aurat pavitra dere ke liye aur daan na laaye. is tarah logon ko aur cheezen laane se mana kiya gaya.
7 pavitra dere se jude sabhi kaamon ke liye kaafi saaman ikattha ho gaya, yahaan tak ki zaroorat se zyada ho gaya tha.
8 sab hunarmand kaareegaron+ ne bate huye badhiya malmal, neele dhaage, bainjni oon aur surkh laal dhaage se dere+ ke liye das kapde banaye. usne* in kapdon par kadhai karke karoob banaye.+
9 har kapda 28 haath* lamba aur 4 haath chauda tha. dason kapde ek hi naap ke the.
10 fir usne inmein se paanch kapdon ko ek-doosre se jod diya aur baaki paanch ko bhi ek-doosre se jod diya.
11 iske baad usne paanch kapdon ke ek bhaag ke us chhor par neele dhaage ke fande banaye, jahaan doosra bhaag usse joda jaata. usne doosre bhaag ke us chhor par bhi fande banaye, jahaan woh pehale bhaag se joda jaata.
12 usne donon bhaagon ke chhor par pachas-pachas fande banaye taaki ye fande ek-doosre ke aamne-saamne hon aur donon bhaagon ko jod sakein.
13 aakhir mein usne sone ki 50 chimtiyaan banayin aur unse donon bhaagon ko jod diya. is tarah ek bada kapda taiyar ho gaya.
14 fir usne pavitra dere ko dhakne ke liye bakri ke baalon se bunkar kapde banaye. usne is tarah ke 11 kapde banaye.+
15 har kapda 30 haath lamba aur 4 haath chauda tha. ye 11 kapde ek hi naap ke the.
16 usne inmein se paanch kapdon ko ek-doosre se jod diya aur baaki chhe ko bhi ek-doosre se jod diya.
17 usne paanch kapdon se bane bhaag ke chhor par 50 fande banaye aur usi tarah chhe kapdon se bane bhaag ke chhor par bhi 50 fande banaye taaki donon bhaag ek-doosre se jud jaayen.
18 usne tambe ki 50 chimtiyaan banayin taaki unse donon bhaagon ko jodkar ek bada kapda taiyar ho jaaye.
19 usne dere ko dhakne ke liye laal rang se rangi hui medhe ki khaal se ek chaadar banayi aur uske oopar daalne ke liye doosri chaadar seel machhli ki khaal se banayi.+
20 fir usne babool ki lakdi+ se dere ke liye aisi chaukhatein banayin jo seedhi khadi ki jaa sakti thi.+
21 har chaukhat ki unchai das haath aur chaudai dedh haath thi.
22 har chaukhat ke neeche do choolein banayi gayin* jo ek seedh mein thi. usne dere ki sabhi chaukhatein isi tarah banayin.
23 usne dere ke dakshini hisse ke liye 20 chaukhatein banayin. yah hissa dakshin ki taraf tha.
24 fir usne in 20 chaukhaton ko khada karne ke liye chaandi ki 40 khaanchedar chaukiyaan banayin jinmein choolon ko bithaya jaana tha. har chaukhat ki do choolon ke liye do chaukiyaan.+
25 dere ke doosri taraf yaani uttari hisse ke liye usne 20 chaukhatein banayin
26 aur unhein khada karne ke liye chaandi ki 40 khaanchedar chaukiyaan banayin. har chaukhat ke neeche do chaukiyaan.
27 dere ke peechhe ke hisse yaani pashchimi hisse ke liye usne chhe chaukhatein banayin.+
28 usi hisse mein usne tikone aakaar mein do chaukhatein banayin jo dere ke liye kone ke khambhon ka kaam kartin.
29 kone ki har chaukhat ke donon bhaag neeche se jaakaar oopri sire par ek-doosre se mil gaye aur vahaan pehale kade par jud gaye. usne donon konon ke liye aisi hi chaukhatein banayin.
30 is tarah kul aath chaukhatein aur unhein khada karne ke liye chaandi ki 16 khaanchedar chaukiyaan banayin. har chaukhat ke neeche do chaukiyaan.
31 fir usne dere ki chaukhaton ko jodne ke liye babool ki lakdi ke dande banaye. dere ke ek taraf ki chaukhaton ko jodne ke liye paanch dande,+
32 doosri taraf ki chaukhaton ko jodne ke liye paanch dande aur peechhe yaani pashchimi hisse ki chaukhaton ko jodne ke liye paanch dande.
33 usne beechvala danda itna lamba banaya ki woh chaukhaton ke beech mein se hokar unhein ek kone se doosre kone tak jode.
34 usne chaukhaton ko aur unhein jodnevale dandon ko sone se madha. fir usne sone ke kade banaye taaki unke andar dande daalkar chaukhaton ko joda jaaye.+
35 fir usne neele dhaage, bainjni oon, surkh laal dhaage aur bate huye badhiya malmal se ek parda+ banaya aur us par kadhai karke karoob banaye.+
36 fir usne yah parda latkane ke liye babool ki lakdi se chaar khambhe banaye aur un par sona madha. usne khambhon ke liye sone ke ankade aur chaandi ki chaar khaanchedar chaukiyaan dhaalkar banayin.
37 fir usne tamboo ke dvar ke liye bhi ek parda banaya. yah parda usne neele dhaage, bainjni oon, surkh laal dhaage aur bate huye badhiya malmal se bunkar taiyar kiya.+
38 usne tamboo ke dvar ke liye paanch khambhe aur unke ankade banaye. usne khambhon ke oopri siron aur unke chhallon par sona madha, magar unki paanch khaanchedar chaukiyaan tambe ki banayin.
