nirgaman 25:1-40
25 fir yahova ne moosa se kaha,
2 “israel ke logon se kehna ki woh mere liye daan lekar aayen. aise har insan se, jiska dil use dene ke liye udhaarta hai, tum mere liye daan ikattha karna.+
3 logon se tum daan mein ye cheezen lena: sona,+ chaandi,+ taamba,+
4 neela dhaaga, bainjni oon,* surkh laal dhaaga,* badhiya malmal, bakri ke baal,
5 laal rang se rangi hui medhe ki khaal, seel machhli ki khaal, babool ki lakdi,+
6 deeyon ke liye tel,+ abhishek ke tel+ aur sugandhit dhoop+ ke liye balsan,
7 epod+ aur seeneband+ mein jadne ke liye sulemani patthar aur doosre ratna.
8 woh mere liye ek pavitra-sthan banayen aur main unke beech nivas* karoonga.+
9 main tujhe ek namoona dikhaunga aur tum log theek usi ke mutabik mere liye ek pavitra dera aur uske saare saajo-saaman banana.+
10 woh babool ki lakdi se ek sandook* banayen jiski lambai dhaai haath,* chaudai dedh haath aur unchai dedh haath ho.+
11 fir tu shuddh sone se sandook ko madhna.+ tu andar aur baahar se us par sona madhna aur uske chaaron taraf sone ka ek nakkasheedar kinara banana.+
12 aur tu sone ke chaar kade dhaalkar banana aur unhein sandook ke chaaron paayon ke oopar lagana, sandook ke ek taraf do kade hon aur doosri taraf do kade.
13 aur babool ki lakdi se lambe-lambe dande banana aur un par sona madhna.+
14 fir tu ye dande sandook ke donon taraf lage kadon mein daalna taaki unke sahare sandook uthaya jaa sake.
15 ye dande hamesha sandook ke kadon ke andar hi rahein, unhein kabhi kadon se baahar na nikaala jaaye.+
16 tu sandook ke andar gavahi ki woh patiyayen rakhna jo main tujhe doonga.+
17 tu sandook ke liye ek dhakna taiyar karna jo shuddh sone ka bana ho. iski lambai dhaai haath ho aur chaudai dedh haath.+
18 sandook ke dhakne ke donon kinaron par sone ke do karoob banana. sone ko hathaude se peetkar ye karoob banana.+
19 dhakne ke donon kinaron par karoob banana, ek kinare par ek karoob hoga aur doosre kinare par doosra karoob.
20 karoobon ke donon pankh oopar ki taraf faile huye hon aur sandook ke dhakne ko dhake huye hon.+ donon karoob aamne-saamne hon aur unke munh dhakne ki taraf neeche jhuke huye hon.
21 tu dhakne ko sandook ke oopar rakhna+ aur sandook ke andar gavahi ki woh patiyayen rakhna jo main tujhe doonga.
22 main sandook ke dhakne ke oopar tujh par prakat hounga aur vahin se tujhse baat kiya karoonga.+ main gavahi ke sandook ke oopar donon karoobon ke beech se tujhe woh saari aagyayen doonga jin par israeliyon ko chalna hai.
23 tu babool ki lakdi se ek mez bhi banana.+ uski lambai do haath, chaudai ek haath aur unchai dedh haath ho.+
24 mez ko shuddh sone se madhna aur uske chaaron taraf sone ka ek nakkasheedar kinara banana.
25 fir us kinare ke saath-saath mez ke chaaron taraf ek patti bhi banana. us patti ki chaudai chaar angul* ho. patti ke neeche sone ka ek nakkasheedar kinara banana.
26 mez ke liye sone ke chaar kade banana aur unhein mez ke chaaron konon par us jagah lagana jahaan uske chaar paaye jude hon.
27 ye kade mez ki patti ke bilkul paas hon taaki unke andar woh dande daale jaayen jinke sahare mez uthayi jaayegi.
28 tu ye dande babool ki lakdi se banana aur un par sona madhna. in dandon ke sahare hi mez uthayi jaayegi.
29 tu mez ke liye thaaliyaan aur pyale banana aur argh chadhane ke liye surahiyaan aur katore banana. tu ye saare bartan shuddh sone ke banana.+
30 tu mez par mere saamne nazrane ki roti niyamit taur par rakhna.+
31 tu shuddh sone ki ek deevat banana.+ sone ko hathaude se peetkar yah deevat banana. deevat ka paaya, uski dandi, daaliyaan, fool, kaliyaan aur pankhudiyaan, ye sab sone ke ek hi tukde ke bane hon.+
32 deevat ki dandi ke donon taraf se chhe daaliyaan nikleingi, ek taraf se teen aur doosri taraf se teen.
33 har daali par baadam ke fool jaise teen foolon ki banavat honi chahiye. aur in foolon ke beech ek kali aur ek pankhudi ki rachna honi chahiye. is tarah ki rachnayen deevat ki dandi se nikaalnevali chhe ki chhe daaliyon par honi chahiye.
34 deevat ki dandi par baadam ke fool jaise chaar foolon ki banavat honi chahiye aur foolon ke beech ek kali aur ek pankhudi honi chahiye.
35 deevat ki dandi ke jis hisse se daaliyon ka pehala joda paayenge hai uske neeche ek kali jaisi rachna honi chahiye. isi tarah jahaan se daaliyon ka doosra aur teesra joda nikalata hai, uske neeche bhi ek-ek kali jaisi rachna honi chahiye. kali jaisi rachnayen sabhi chhe daaliyon ke neeche honi chahiye.
36 shuddh sone ke ek hi tukde ko hathaude se peetkar kaliyaan, daaliyaan aur poori deevat banana.+
37 deevat par rakhne ke liye saat deeye banana jinke jalne se saamne ki poori jagah raushan ho jaayegi.+
38 deevat ke chimte aur aag uthane ke karchhe shuddh sone se banaye jaayen.+
39 deevat aur ye saari cheezen ek tode* shuddh sone se banayi jaayen.
40 dhyan rakhna ki ye saari cheezen theek usi namoone ke mutabik banayi jaayen jo tujhe is pahad par dikhaya gaya hai.+
