KERECƐNW KA ƝƐNAMAYA
‘Dugukolo dayɛlɛla k’o jiba bɛɛ min’
Kabi wagatijan, faamanw ye Jehova sagokɛlaw dɛmɛ siɲɛ caaman (Ɛsid. 6:1-12; Ɛsit. 8:10-13). Bi fana, “Sogojugu” be “jiba” min bɔ ka Ala sagokɛlaw kɛlɛ, an y’a ye ko “dugukolo” b’a “daa yɛlɛ” k’o “min.” O kiraya kuma kɔnɔ, “dugukolo” ye duniɲa ka ɔriganisasiyɔnw ye minw sabarinin lo. “Sogojugu” wala Dragɔn min be “jiba” bɔ, o ye Sutana ye ani o “jiba” ye a ka kɔrɔbɔliw ye Ala sagokɛlaw kama (Yir. 12:16). Jehova, ale min ye “kisibaga Ala ye,” a be se ka tɛmɛ duniɲa nin kuntigiw fɛ k’a sagokɛlaw kisi.—Zab. 68:21; Talenw 21:1.
Ayiwa, n’u y’i don kaso la i ka limaniya kosɔn do? Kana sigasiga abada ko Jehova b’i latangara (Zɛnɛzi 39:21-23; Zab. 105:17-20). La a la ko Jehova bena i duga i ka limaniya kosɔn ani ko i ka kantigiya be balimaw jija duniɲa kuru bɛɛ kɔnɔ.—Filip. 1:12-14; Yir. 2:10.
VIDEWO NIN FILƐ: BALIMA MINW BƆRA KASO LA KORE JAMANA NA. O KƆ, ƝININGALI NUNU JAABI:
-
Saan tɛmɛninw na, mun na u y’an balima waa caaman don kaso la Kore worodugu fan fɛ?
-
Kititigɛlaw sɔnna mun lo ma min kɛra sababu ye u ye an balima dɔw bɔ kaso la?
-
An balima minw be duniɲa kuru bɛɛ kɔnɔ, u dɔw bele be kaso la u ka limaniya kosɔn. An be se ka mun lo kɛ walisa k’u dɛmɛ?
-
Ni faamanw t’an bali ka koo dɔw kɛ, an ka kan ka mun lo kɛ?
-
An ye joo sɔrɔ kitiko minw na, jɔn lo kɛra o sababu ye?
N’u tɛ n’ bali ka koo dɔ kɛ, n’ ka kan ka mun lo kɛ?
