Skip to content

Eski Labib i dir ki later i plat?

Eski Labib i dir ki later i plat?

Sa ki Labib i dir

Non, Labib pa dir ki later i plat. * Labib pa en liv lasyans. An menm tan, napa nanryen dan Labib ki kontredir bann levidans syantifik. Sa ki Labib i dir “in ganny etabli pour touzour.”​—Psonm 111:8.

 Ki Labib i oule dir par “kat kwen later”?

Sa lekspresyon “kat kwen later” ek “tou kwen later” ki ganny servi dan Labib pa devret ganny pran literalman, konmsi later ti kare oubyen i ti annan en finisyon. (Izai 11:12; Zob 37:3) Plito sa i en fason koze ki pe refer avek sirfas later antye. Labib i refer avek Nor, Sid, Was ek Les dan menm fason.​—Lik 13:29.

I paret ki sa mo Ebre ki’n ganny tradwir “kwen” i en lekspresyon ki sorti dan sa mo “lezel.” The International Standard Bible Encyclopedia i dir ki vi ki en zwazo i servi son lezel pour kouver son piti, [sa term Ebre] i osi kapab ganny servi pour dekri bordir en keksoz. Sa menm ansiklopedi i azoute ki dan Zob 37:3 ek Izai 11:12, “sa lekspresyon i vedir lakot, frontyer oubyen landrwa pli lwen lo later. *

 Ki nou pou dir konsernan tantasyon ki Zezi ti gannyen avek Dyab?

Pour tant Zezi, “Dyab ti anmenn li lo en montanny vreman o, i ti montre li tou bann rwayonm dan sa lemonn e zot laglwar.” (Matye 4:8) Serten i dir ki sa resi Labib i montre ki pour kapab vwar lemonn antye dan en sel landrwa, i bezwen ki later i plat. Par kont, i paret ki sa “montanny vreman o” dan sa resi i pa en landrwa literal. Annou vwar akoz sa konklizyon i rezonnab.

  • Napa okenn montanny lo later kot ou kapab vwar tou bann Rwayonm dan sa lemonn.

  • Dyab ti montre Zezi pa selman tou bann rwayonm me osi “zot laglwar.” I pou difisil pour vwar laglwar bann rwayonm dan lwen, alor i paret ki Dyab ti servi en vizyon pour montre tousala avek Zezi. Sa i kapab parey ler en dimoun i servi en prozekter pour montre en dimoun bann diferan landrwa lo later.

  • Sa lot resi dan Lik 4:5 i dir ki Dyab ti montre Zezi “tou bann rwayonm lo later antye en sel kou,” e sa pa ti pou posib vwar. Sa i vedir ki Dyab ti servi lezot mwayen pour ki Zezi i kapab vwar sa bann keksoz.

^ par. 3 Labib i refer avek Bondye konman sa Enn “ki reste par lao serk ki kouver later.” (Izai 40:22) Serten serser i dir ki sa mo “serk” i kapab vedir en ron, menm si pa tou ki dakor avek sa. An tou ka, Labib pa ansennyen ki later i plat.

^ par. 8 Edisyon revize, Volim 2, paz 4.