Izai 40:1-31
40 La sa ki zot Bondye i dir: “Konsol, konsol mon pep.”+
2 “Koz dan en fason ki pou tous leker* Zerizalenm
E dir li ki son travay dir ki i’n ganny forse pour fer, in fini.
Ki son det in fini ganny peye.+
Ki Zeova in fini fer li peye* pour tou son bann pese.”+
3 En dimoun pe kriye dan dezer:
“Netway* semen Zeova!+
Fer en gran semen drwat+ pas dan dezer pour nou Bondye.+
4 Ki tou bann vale i vin pli o,
Ki tou bann gran montanny ek pti montanny i ganny aplati.
Sa later ki annan bos i devret vin platE sa landrwa ki kabose i devret vin en laplenn.*+
5 Laglwar Zeova pou ganny revele+
E tou dimoun* pou vwar sa,+
Parski Zeova ki’n dir sa.”
6 Ekoute! En dimoun pe dir: “Kriye!”
En lot i demande: “Ki mon devret kriye?”
“Tou dimoun* i parey zerb.
Zot lanmour fidel i parey bann fler dan lakanpanny.+
7 Zerb i sek,
Fler i fletri,+
Parski Zeova in soufle son souf* lo zot.+
Vreman, bann dimoun i zis parey zerb.
8 Zerb i sek,
Fler i fletri,
Me parol nou Bondye i reste pour touzour.”+
9 Mont lo en gran montanny,
Ou madanm ki pe anmenn bon nouvel pour Siyon.+
Koz byen for,
Ou madanm ki pe anmenn bon nouvel pour Zerizalenm.
Koz for, pa bezwen per.
Dir bann lavil Zida: “La zot Bondye.”+
10 Gete! Souvren Senyer Zeova pou vini avek pwisans
E i pou diriz avek son lebra.+
Gete! Rekonpans ki i donnen i avek li
E sa saler ki i peye i devan li.+
11 I pou pran swen avek son troupo parey en berze.+
I pou rasanble bann pti mouton avek son lebra
E i pou anmenn zot lo son lestoman.
Avek ladouser i pou gid bann mouton ki pe donn tete zot piti.+
12 Lekel ki’n mezir delo lanmer dan son lanmen+
E mezir lesyel avek larzer son lanmen?*
Lekel ki’n met tou lapousyer later dan en resipyan ki mezire+
Oubyen pez bann montanny
E bann pti montanny dan balans?
13 Lekel ki’n mezir* lespri sen* Zeova?
Lekel ki kapab ansenny li e konsey li?+
14 Avek lekel ki i’n koze pour li konpran pli byen?
Lekel ki ansenny li semen lazistis,
Oubyen lekel ki ansenny li konnesans,
Oubyen lekel ki montre li semen vre lentelizans?+
15 Gete! Bann nasyon i parey en gout delo dan en seo
E zot ganny konsidere konman lapousyer lo en balans.+
Gete! I lev bann zil konmsi i lev lapousyer.
16 I napa ase dibwa Liban pour fer en dife kontinyen alimen
E i napa ase zannimo sovaz pour fer en lofrann brile.*
17 Tou bann nasyon i konmsi zot pa egziste devan li.+
Pour li, i konmsi zot en nanryen ditou, konmsi zot pa egziste.+
18 Avek lekel ki zot kapab konpar Bondye?+
Kwa ki zot pou dir i parey?+
19 En artizan i fer en zidol,*
En forzron* i kouver li avek lor+
E i fer bann lasenn annarzan.
20 En dimoun i swazir en pye dibwa pour fer en lofrann,+
En pye dibwa ki pa pou pouri.
I rod en artizan ki annan abilite
Pour fer en stati* ki pa pou tonbe.+
21 Eski zot pa konnen?
Eski zot pa’n tande?
Eski personn pa’n dir zot sa depi o konmansman?
Eski zot pa’n konpran depi ki fondasyon later ti ganny fer?+
22 I annan Enn ki reste par lao serk* later,+
Ki son bann zabitan i parey bann kasbol.
I pe redi lesyel parey en latwal fen
E i tal li parey en latant pour reste anba la.+
23 I fer bann o zofisye vin bann nanryen ditou.
Pour li, bann ziz* lo later i konmsi zot pa egziste.
24 Zot fek ganny plante,
Zot fek ganny senmen.
Zot rasin pa ankor byen pouse dan later,
En divan i soufle lo zot e zot vin sek.
Divan i fer zot anvole parey lapay.+
25 Sa Enn ki Sen i dir: “Avek lekel ki zot pou konpar mwan pour fer mwan vin egal avek li?”
26 “Lev zot lizye e get dan lesyel.
Lekel ki’n kree tou sa bann keksoz?+
I sa Enn ki fer zot sorti konman en larme, sakenn par son nimero.
I apel zot tou par zot non.+
Vi ki i annan en kantite lenerzi e son lafors i enpresyonan,+
Napa enn parmi zot ki manke.
27 Zakob, akoz ou dir sa, Izrael, akoz ou anonse,‘Zeova pa vwar sa ki arive avek mwan
E mon Bondye pa fer mwan ganny lazistis’?+
28 Eski zot pa konnen? Eski zot pa’n tande?
Zeova, Kreater later antye, i en Bondye pour touzour.+
I pa zanmen fatige oubyen perdi son lafors.+
Personn pa kapab konpran son lentelizans.+
29 I donn lafors sa enn ki fatige
E en kantite pwisans sa bann ki napa lenerzi.*+
30 Bann garson pou fatige e perdi zot lafors.
Bann zonm pou tonbe.
31 Me bann ki annan lespwar dan Zeova pou reganny lafors.
Zot pou anvole konmsi zot annan lezel parey bann leg.+
Zot pou taye e zot pa pou perdi zot lafors.
Zot pou marse e zot pa pou fatige.”+
Bann not
^ Oubyen, “Koz dan en fason ki pou konsol.”
^ Oubyen “pey de fwa.”
^ Oubyen “Prepar.”
^ Sa pe refer avek bann gran landrwa plat ki antoure avek bann montanny.
^ Oubyen “tou laser.”
^ Oubyen “Tou laser.”
^ Oubyen “lespri sen.”
^ Sa i zistans ki i annan ant bout pous ek bout pti ledwa, ler en lanmen i ouver. Vwar Lezot lenformasyon B14.
^ Oubyen “lespri.”
^ Oubyen posibleman, “konpran.”
^ Vwar Leksplikasyon bann mo.
^ En dimoun ki travay avek metal.
^ Oubyen “stati an metal ki’n ganny fonn.”
^ Oubyen “stati ki’n ganny skilpte.”
^ Oubyen “glob.”
^ Oubyen “dirizan.”
^ Oubyen “en kantite lenerzi.”
