Psonm 61:1-8
-
Bondye i en latour for kont lennmi
-
“Mon pou ganny envite dan ou latant” (4)
-
Pour direkter lanmizik. Sa sanson i devret ganny zwe avek bann lenstriman lakord. En sanson David.
61 O Bondye, ekout mwan ler mon demann ou led.
Ekout mon lapriyer.
2 Ler mon dezespere,* mon pou priy ouDepi dan bann landrwa pli lwen lo later.
Anmenn mwan lo en ros ki pli o ki mwan.
3 Parski ou mon landrwa kasyet,En latour for ki protez mwan kont mon lennmi.
4 Mon pou ganny envite dan ou latant pour touzour.Mon pou pran refiz anba ou lezel. (Sela)
5 Parski ou, O Bondye, ou’n tann mon bann ve.
Ou’n donn mwan leritaz bann ki annan en gran respe pour ou non.
6 Ou pou fer lerwa viv pli lontan*E i pou viv bokou letan, zenerasyon apre zenerasyon.
7 I pou asiz lo tronn* devan Bondye pour touzour.Donn li lanmour* ek fidelite pour ki zot protez li.
8 Alor mon pou sant kantik* pour loue ou non pour touzourE mon pou gard mon bann ve zour apre zour.
Bann not
^ Oubyen “Ler mon leker i feb.”
^ Oubyen “Ou pou azout bann zour avek lavi lerwa.”
^ Oubyen “pou reste.”
^ Oubyen “lanmour fidel.”
^ Oubyen “zwe lanmizik.”
