Psonm 96:1-13

  • “Sant en nouvo sanson pour Zeova”

    • Zeova i merit ganny loue (4)

    • Bann bondye lezot pep i napa valer (5)

    • Ador Zeova dan ou lenz ki sen (9)

96  Sant en nouvo sanson pour Zeova. Tou dimoun lo later, sant pour Zeova!   Sant pour Zeova, loue son non. Anons sa bon nouvel lo son delivrans tou le zour.   Anons son laglwar avek bann nasyon.Fer tou pep konn bann keksoz merveye ki i’n fer.   Zeova i gran e i merit ganny loue. I pli enpresyonan ki tou lezot bondye.   Tou bondye lezot pep i bann bondye ki napa valer,Me Zeova i sa enn ki’n fer lesyel.   Devan li i annan laglwar* ek labote.Dan son landrwa sen i annan lafors ek labote.   Donn Zeova sa ki i merite, tou fanmir lo later.Donn Zeova sa ki i merite pour son laglwar ek son lafors.   Donn Zeova laglwar ki son non i merite,Anmenn en kado e vin dan bann lakour son lakaz.   Tonm azenou devan* Zeova dan ou lenz ki sen.*Tou dimoun lo later, tranble devan li! 10  Anons avek bann nasyon: “Zeova in vin Lerwa! Later in ganny byen etabli. Nanryen pa kapab bouz* li dan son plas. I pou ziz* lepep avek lazistis.” 11  Ki lesyel i dan lazwa e ki later i zwaye.Ki lanmer ek tou sa ki ladan i fer tapaz. 12  Ki lakanpanny ek tou sa ki ladan i dan lazwa. An menm tan, ki tou bann pye dibwa dan lafore i kriye dan lazwa 13  Devan Zeova, parski i pe vini,*I pe vin ziz later. I pou ziz later antye* avek ladrwatirE bann pep avek son fidelite.

Bann not

Oubyen “dinyite.”
Oubyen “Ador.”
Oubyen posibleman, “akoz i vreman sen.”
Oubyen “sekwe.”
Oubyen “pled dan faver.”
Oubyen “i’n vini.”
Oubyen “later kot i annan dimoun.”