Amose 8:1-14
8 Yino ye mwene Yehova angusolwelele: Namwene chisoka cha mihuko ya ha lwiza.
2 Iye yanguhula ngwenyi: “Amose, yika unamono?” Yami yingumukumbulula ngwami: “Ngunamono chisoka cha mihuko ya ha lwiza.” Chocho Yehova yamba kuli yami ngwenyi: “Songo lia atu jami A-Izalele hiliaheta. Chichi kwakonekena nawa.
3 ‘Ha tangwa lize, miaso ya mu tembele muyikalumuka kulila,’ chocho anambe Mwene Yehova. ‘Mukukapwa afu anji akumbila-mbila sali lieswe. Mukukahola kuluu!’
4 Ivenu, yenu akwa-kuliata-liata yiswaleYenu akwa-kunongesa akwa-kulikehesa a hashi,
5 Waze nwakwamba ngwenu: ‘Tangwa lika yiwanyino ya kakweji mwaha muyihwa hanga tulanjise mbuto yetu?Tangwa lika Sambata muyihwa hanga tulanjise mbuto yetu?
Hanga tutepulule cheseko cha efaNi kuweza kulema cha shekele,Ni kwalumuna yeseko yetu twonge atu.
6 Hanga tulande mukwa-lamba ni prataTulande chiswale ni haku,Ni kulanjisa mbuto yipi yize te kutwatambile kulanjisa.’
7 Yehova halishinga mu ulemu wa Yakomba ngwenyi:‘Chichi keza kavulama yeswe yize ayo alingile.
8 Mumu lia chino, chifuchi chino muchikanyikaAtu eswe waze atwamamo makalila.
Chifuchi muchikazunduka ngwe lwiji Nilo,Muchikazala ni kuhuwa ngwe Nilo wa mu Engitu.’
9 Mwene Yehova kanambe ngwenyi: ‘Ha tangwa lize,’‘Mungukatokesa tangwa mwalwa-kachiMungukaneha milima hashi mwalwa-kachi.
10 Mungukalumuna yiwanyino yenu yipwe maliloMiaso yenu yeswe muyikalumuka lungungu,
Molu eswe mungukaafuka yikeleyi ni kutewula mitwe yeswe tuwewe,Mungukanulilisa ngwe nwafwisa mwanenu wa wika,Tangwa liacho mulikapwa tangwa lia lamba linji.’
11 Mwene Yehova kanambe ngwenyi: ‘Talenu! Mukwiza matangwa,’‘Waze mungukatuma zala mu chifuchi chino,Hi zala ya kulia ko hanji pwila ya meya, ka,Alioze, zala ni pwila ya kwiva maliji a Yehova.
12 Makendangana chize ku kalunga-lwiji umwe ndo ku kalunga-lwiji mukwoChize ku chivumbuko ndo ku chitokelo.
Makafupa liji lia Yehova ku yihela yeswe, alioze kechi kaliwana.
13 Ha tangwa lize, akweze a mapwo yilezaNi akweze a malunga, makalezumioka ni pwila.
14 Waze akulishinga mu shili ya Samaria ni kwamba ngwo:“Yena Ndane, ni mwono wa zambi ye!”
Ni kulishinga nawa ngwo: “Ni mwono wa jila ya Mbia-shipa!”
Ayo makalimbuka, kechi kakatuka nawa.’”
