[lagmit pinamubo sa Hananias].

1. Usa sa 14 ka anak nga lalaki ni Heman. Si Hanani gitudlo pinaagig ripa nga manguna sa ika-18 nga grupo sa mga maghohoni sa sangtuwaryo sa panahon ni Haring David.​—1Cr 25:4-6, 9, 25.

2. Ang tigpatin-aw sa panan-awon, o bisyonaryo, kinsa nagbadlong kang Haring Asa sa Juda tungod sa pagpakig-alyansa sa hari sa Sirya inay nga mosalig kang Jehova, ug kinsa gibutang sa balay sa sepohan tungod kay ang hari nasuko sa iyang gisulti. (2Cr 16:1-3, 7-10) Mopatim-aw nga si Hanani mao ang amahan ni Jehu, ang manalagna nga nagbadlong kang Baasa nga hari sa Israel ug kang Jehosapat nga hari sa Juda.​—1Ha 16:1-4, 7; 2Cr 19:​2, 3; 20:34.

3. Usa ka saserdote sa “mga anak ni Imer” nga lakip niadtong nagpapahawa sa ilang langyawng mga asawa agig pagsunod sa awhag ni Esdras.​—Esd 2:​36, 37; 10:​10, 11, 20, 44.

4. Igsoong lalaki ni Nehemias. Sa iyang pag-adto sa Susan, si Hanani, duyog sa ubang mga lalaki sa Juda, nagpahibalo kang Nehemias sa kahimtang sa paril sa Jerusalem. (Neh 1:​2, 3) Human matukod pag-usab ang paril, gitudlo ni Nehemias ang iyang igsoon nga si Hanani ug ingon man si Hananias nga mangulo sa Jerusalem.​—Neh 7:​1, 2.

5. Usa ka Levihanong saserdote ug maghohoni nga miduyog sa parada nga gihikay ni Nehemias sa panahon sa inagurasyon sa paril sa Jerusalem.​—Neh 12:31-36.