[Ang Akong Katawhan Andam (Hamili; Mahinatagon)].

1. Usa ka anak nga lalaki ni Ram sa banay ni Hesron, sa tribo ni Juda. (1Cr 2:10) Ang iyang anak nga lalaki nga si Nason maoy pangulo sa Juda panahon sa pagpanaw didto sa kamingawan (Num 1:7; 7:​11, 12); ang iyang anak nga babaye nga si Eliseba nahimong asawa ni Aaron. (Ex 6:23) Si Aminadab maoy usa ka katigulangan ni Haring David ug ni Kristo Jesus.​—Ru 4:19-22; Mat 1:4-16; Luc 3:23-33.

2. Lagmit laing ngalan ni Izar, usa ka anak nga lalaki ni Kohat ug amahan ni Kore. (1Cr 6:22; itandi ang ber 2, 18, 37, 38; Ex 6:​18, 21; Num 3:​19, 27.) Ang pipila ka kopya sa Gregong Septuagint naghisgot kang “Izar” inay kang “Aminadab” sa 1 Cronicas 6:22 (6:​7, LXX).

3. Usa ka Levihanon sa mga anak nga lalaki ni Uziel; usa ka pangulo sa banay sa panahon ni David. Mitabang siya sa pagdala sa arka sa pakigsaad ngadto sa Jerusalem.​—1Cr 15:10-12.