Proverbio 3:1-35
3 Anak ko, ayaw kalimti ang akong balaod,+ ug bantayan unta sa imong kasingkasing ang akong kasugoan,+
2 tungod kay ang daghan nga mga adlaw ug mga tuig sa kinabuhi+ ug pakigdait igadugang kanimo.+
3 Hinaot ang mahigugmaong-kalulot ug ang kamatinud-anon dili mobiya kanimo.+ Ihikot mo sila sa imong liog.+ Isulat sila diha sa papan sa imong kasingkasing,+
4 ug sa ingon makakaplag ka ug pabor ug hait nga salabotan sa mga mata sa Diyos ug sa yutan-ong tawo.+
5 Salig kang Jehova sa bug-os mong kasingkasing+ ug ayaw pagsalig sa kaugalingon mong pagsabot.+
6 Sa tanan mong mga dalan tagda siya,+ ug siya magatul-id sa imong mga alagianan.+
7 Ayaw pagpakamaalamon sa kaugalingon mong mga mata.+ Kahadloki si Jehova ug pahilayo sa daotan.+
8 Kana mahimo untang kaayohan+ sa imong pusod ug pangpalagsik sa imong mga bukog.+
9 Pasidunggi si Jehova pinaagi sa imong bililhong mga butang+ ug pinaagi sa mga unang bunga sa tanan mong abot.+
10 Unya ang imong mga dapa mapuno sa kadagaya;+ ug ang imong mga pasong sa pug-anan magaawas sa bag-ong bino.+
11 Ang disiplina ni Jehova, Oh anak ko, ayaw isalikway;+ ug ayaw ayri ang iyang pagbadlong,+
12 tungod kay ang gihigugma ni Jehova iyang ginabadlong,+ ingon sa ginabuhat sa usa ka amahan sa anak nga iyang gikahimut-an.+
13 Malipayon ang tawo nga nakakaplag ug kaalam,+ ug ang tawo nga nakabaton ug katakos sa pag-ila,+
14 kay ang pagbaton niini ingon nga ganansiya labi pang maayo kay sa pagbaton ug plata ingon nga ganansiya ug ang pagbaton niini ingon nga abot labaw pa kay sa bulawan.+
15 Kini labi pang bililhon kay sa korales,+ ug ang tanang ubang butang nga makapahimuot kanimo dili makatumbas niini.
16 Ang daghan nga mga adlaw anaa sa tuong kamot niini;+ sa walang kamot niini anaa ang bahandi ug himaya.+
17 Ang mga dalan niini maoy mga dalan sa kahimuot, ug ang tanang alagianan niini maoy pakigdait.+
18 Kini maoy kahoy sa kinabuhi+ niadtong mga nagakupot niini, ug kadtong mga nagahawid niini+ pagatawgong malipayon.+
19 Si Jehova pinaagi sa kaalam nagtukod sa yuta.+ Siya lig-ong nagpahimutang sa kalangitan pinaagi sa katakos sa pag-ila.+
20 Pinaagi sa iyang kahibalo ang halawom nga katubigan nabahin,+ ug ang panganoron nga kalangitan nagpataligsik.+
21 Anak ko, dili unta sila mapahilayo gikan sa imong mga mata.+ Ampingi ang praktikal nga kaalam ug ang katakos sa panghunahuna,+
22 ug sila mahimong kinabuhi alang sa imong kalag+ ug katahom sa imong liog.+
23 Sa ingon ikaw magalakaw sa imong dalan nga may kasegurohan,+ ug ang imong tiil dili gayod mapandol.+
24 Sa diha nga ikaw mohigda dili ka mobati ug kalisang;+ ug ikaw mohigda gayod, ug ang imong pagkatulog makapahimuot.+
25 Dili ka angay nga mahadlok sa bisan unsang kalit nga makalilisang nga butang,+ ni sa bagyo nganha sa mga daotan, tungod kay kini moabot.+
26 Kay si Jehova mahimong imong pagsalig,+ ug siya magabantay gayod sa imong tiil nga dili hidakpan.+
27 Ayaw ihikaw ang maayo gikan kanila nga takos niini,+ sa dihang anaa sa gahom sa imong kamot ang pagbuhat niini.+
28 Ayaw pag-ingon sa imong isigkatawo: “Lakaw, ug balik lang ug ugma ako magahatag,” kon ikaw adunay imoha.+
29 Ayaw pagtumotumo ug bisan unsang daotan batok sa imong isigkatawo,+ sa dihang siya nagapuyo nga mibatig kasegurohan uban kanimo.+
30 Ayaw pagpakig-away sa usa ka tawo sa wala lamay hinungdan,+ kon wala siyay gibuhat nga daotan kanimo.+
31 Ayaw kasinahi ang mapintas nga tawo,+ ni pilia ang bisan unsa sa iyang mga dalan.+
32 Kay ang hiwi+ nga tawo maoy dulumtanan kang Jehova,+ apan ang Iyang pagpakigsuod anaa uban sa mga matul-id.+
33 Ang tunglo ni Jehova anaa sa balay sa daotan,+ apan ang puloy-anang dapit sa mga matarong iyang panalanginan.+
34 Kon maylabot sa mga mabiaybiayon,+ siya magayubit;+ apan sa mga maaghop siya magapakitag pabor.+
35 Ang kadungganan mapanag-iya sa mga maalamon,+ apan ang mga hungog nagabayaw sa kaulawan.+
