Proverbio 9:1-18
9 Ang matuod nga kaalam+ nagtukod sa iyang balay;+ kini naghulma sa iyang pito ka haligi.
2 Kini naghikay sa iyang pagpangihaw sa mga hayop; kini nagsagol sa iyang bino; labaw pa niana, kini nag-andam sa iyang lamesa.+
3 Kini nagpadala sa iyang tig-alagad nga mga babaye, aron makatawag kini sa tumoy sa hatag-as nga mga dapit sa lungsod:
4 “Bisan kinsa nga walay kasinatian, paanhia siya dinhi.”+ Bisan kinsa kansang kasingkasing nakulangan+—siya miingon kaniya:
5 “Umari kamo, kaon kamo sa akong tinapay ug ambit sa pag-inom sa bino nga akong gisagol.+
6 Biyai ang mga walay kasinatian ug magpadayong buhi,+ ug lakaw nga tul-id sa dalan sa pagsabot.”+
7 Siya nga nagatul-id sa mabiaybiayon makadawat ug kaulawan,+ ug siya nga nagabadlong sa usa ka tawong daotan—ang kasaypanan anaa kaniya.+
8 Ayaw badlonga ang usa ka mabiaybiayon, aron dili siya magdumot kanimo.+ Badlonga ang usa ka tawong maalamon ug mahigugma siya kanimo.+
9 Hatagi ang usa ka maalamong tawo ug siya mahimong mas maalamon pa.+ Hatagig kahibalo ang matarong ug mouswag siya sa kinaadman.
10 Ang pagkahadlok kang Jehova maoy sinugdanan sa kaalam,+ ug ang kahibalo bahin sa Labing Balaang Usa mao ang pagsabot.+
11 Kay pinaagi kanako ang imong mga adlaw modaghan,+ ug igadugang kanimo ang mga tuig sa kinabuhi.+
12 Kon ikaw nahimong maalamon, ikaw nahimong maalamon alang sa imong kaugalingon;+ ug kon ikaw nagbiaybiay, ikaw lamang usa ang magaantos niana.+
13 Ang usa ka babayeng hungog maoy sabaan.+ Siya walay buot ug walay hibangkaagan.+
14 Ug siya naglingkod sa ganghaan sa iyang balay, sa usa ka lingkoranan, sa hatag-as nga mga dapit sa lungsod,+
15 aron sa pagtawag niadtong moagi sa dalan, niadtong mga nagalakaw nga matul-id sa ilang mga alagianan:+
16 “Bisan kinsa nga walay kasinatian, paanhia siya dinhi.”+ Ug bisan kinsa kansang kasingkasing nakulangan+—siya nag-ingon usab kaniya:
17 “Matam-is ang kinawat nga tubig,+ ug lami ang tinapay nga gikaon sa tago.”+
18 Apan wala siya mahibalo nga kadtong walay gahom sa kamatayon atua didto, nga kadtong mga gitawag niya anaa sa ubos nga mga dapit sa Sheol.+
