Proverbio 20:1-30
20 Ang bino mabiaybiayon,+ ang makahubog nga ilimnon sabaan,+ ug ang matag usa nga mapahisalaag niini dili maalamon.+
2 Ang pagkamakalilisang sa hari maoy pagngulob sama nianang sa may-lambungay nga nating leyon.+ Si bisan kinsa nga nagapukaw sa iyang kaaligutgot batok sa iyang kaugalingon nagapakasala batok sa iyang kaugalingong kalag.+
3 Maoy usa ka himaya alang sa usa ka tawo ang paglikay sa pakiglalis,+ apan ang tagsatagsa nga buangbuang moapil dayon niini.+
4 Tungod sa tingtugnaw ang tapolan dili modaro;+ siya magapakilimos sa ting-ani, apan walay maiya.+
5 Ang laraw diha sa kasingkasing sa tawo ingon sa halawom nga katubigan,+ apan ang tawo nga may katakos sa pag-ila maoy magatimba niini.+
6 Ang panon sa mga tawo magamantala nga tagsatagsa sa iyang kaugalingong mahigugmaong-kalulot,+ apan kinsay makakaplag sa usa ka matinumanong tawo?+
7 Ang matarong nagalakaw diha sa iyang integridad.+ Malipayon ang iyang mga anak sunod kaniya.+
8 Ang hari nagalingkod sa trono sa paghukom,+ nga nagapatibulaag sa tanang pagkadaotan pinaagi sa iyang mga mata.+
9 Kinsay makaingon: “Gihinloan ko na ang akong kasingkasing;+ ako nahimong lunsay gikan sa akong sala”?+
10 Ang duha ka matang sa bato sa timbangan ug ang duha ka matang sa taksanan nga ephah+—kini sila dulumtanan kang Jehova.+
11 Pinaagi sa iyang mga binuhatan ang usa ka bata magpaila sa iyang kaugalingon kon ang iyang kalihokan maoy lunsay ug matul-id.+
12 Ang mapatalinghogong igdulungog ug ang matinan-awong mata—kining duha gibuhat ni Jehova.+
13 Ayaw higugmaa ang pagkatulog, aron dili ka modangat sa pagkakabos.+ Bukha ang imong mga mata; mabusog ka sa tinapay.+
14 “Dili maayo, dili maayo!” nagaingon ang pumapalit, ug siya molakaw.+ Unya siya manghambog sa iyang kaugalingon.+
15 Adunay bulawan, ingon man daghang korales; apan ang mga ngabil sa kahibalo maoy bililhong mga sudlanan.+
16 Kuhaa ang besti sa usa ka tawo, kon kini nahimong garantiya alang sa usa ka estranyo;+ ug kon may kalabotan sa usa ka langyawng babaye, sakmita gikan kaniya ang usa ka pasalig.+
17 Ang tinapay nga nabatonan pinaagi sa kabakakan makapahimuot sa usa ka tawo,+ apan human niana ang iyang baba mapuno sa graba.+
18 Pinaagi sa tambag ang mga plano lig-on nga matukod,+ ug pinaagi sa mahanasong pagtultol makiggubat ka.+
19 Siya nga nagasuroysuroy ingon nga tigbutangbutang nagabutyag ug kompidensiyal nga panagsulti;+ ug ayaw pagpakig-uban kaniya nga nahaylo sa iyang mga ngabil.+
20 Bisan kinsa nga manghimaraot sa iyang amahan ug sa iyang inahan,+ ang iyang lampara mapalong inig-abot sa kangitngit.+
21 Ang usa ka panulondon ginakuha pinaagig kadalo sa sinugdan,+ apan ang kaugmaon niini dili panalanginan.+
22 Ayaw pag-ingon: “Mobalos ako sa daotan!”+ Paglaom kang Jehova,+ ug siya magaluwas kanimo.+
23 Ang duha ka matang sa bato sa timbangan dulumtanan kang Jehova,+ ug ang limbongan nga timbangan dili maayo.+
24 Gikan kang Jehova ang mga lakang sa tawo nga lig-on ug lawas.+ Kon mahitungod sa yutan-ong tawo, sa unsang paagi makaila siya sa iyang dalan?+
25 Usa ka lit-ag kon ang yutan-ong tawo hinanaling nagpatugbaw, “Balaan!”+ ug tapos sa mga panaad+ diha pa siya magausisa.+
26 Ang usa ka maalamong hari magapatibulaag sa mga tawong daotan,+ ug paligiron niya ibabaw nila ang usa ka ligid.+
27 Ang gininhawa+ sa yutan-ong tawo mao ang lampara ni Jehova, nga maampingong nagasusi sa tanang kinahiladmang mga bahin sa tiyan.+
28 Ang mahigugmaong-kalulot ug kamatinud-anon—sila magapanalipod sa hari;+ ug pinaagi sa mahigugmaong-kalulot iyang gipalig-on ang iyang trono.+
29 Ang katahom sa batan-ong mga lalaki mao ang ilang kusog,+ ug ang kahalangdon sa mga tigulang mao ang ilang pagkaubanon.+
30 Ang mga samad mao ang magahinis sa daotan;+ ug ang mga pagbunal, sa kinahiladmang mga bahin sa tiyan.+
