Jeremias 1:1-19
1 Ini an mga tataramon ni Jeremias* na aki ni Hilkias, saro sa mga saserdote sa Anatot+ sa daga nin Benjamin.
2 Uminabot sa saiya an tataramon ni Jehova kan panahon kan hadi kan Juda na si Josias+ na aki ni Amon,+ kan ika-13 taon kan saiyang paghadi.
3 Uminabot man iyan kan panahon kan hadi kan Juda na si Jehoiakim+ na aki ni Josias, sagkod sa pagtatapos kan ika-11 taon kan hadi kan Juda na si Zedekias+ na aki ni Josias, sagkod na puwersahan na dinara* an Jerusalem kan ikalimang bulan.+
4 Uminabot sa sako an tataramon ni Jehova, na an sabi:
5 “Bago taka pa pinorma sa tulak midbid* taka na,+Asin bago ka pa iminundag* pinabanal* taka na.+
Ginibo takang propeta sa mga nasyon.”
6 Pero sinabi ko: “Ay dai, O Soberanong Kagurangnan* na Jehova!
Dai ako tataong magtaram,+ ta aki* pa ako.”+
7 Dangan sinabi ni Jehova sa sako:
“Dai ka magsabing, ‘Aki pa ako.’
Ta dapat kang magduman sa gabos na pagsusuguan ko sa saimo,Asin dapat mong itaram an gabos na bagay na ipagbubuot ko sa saimo.+
8 Dai ka matakot sa sainda,*+Ta ‘kaibanan mo ako tanganing iligtas ka,’+ an sabi ni Jehova.”
9 Dangan iinunat ni Jehova an saiyang kamot asin dinutan an sakong nguso.+ Asin sinabi ni Jehova sa sako: “Ibinugtak ko sa nguso mo an mga tataramon ko.+
10 Uya, sa aldaw na ini, isinugo taka sa mga nasyon asin sa mga kahadian, tanganing manggabot asin mambagsak, tanganing manglaglag asin manggaba, tanganing magtugdok asin magtanom.”+
11 Uminabot giraray sa sako an tataramon ni Jehova, na an sabi: “Ano an nahihiling mo, Jeremias?” Kaya sinabi ko: “Nahihiling ko an sanga nin sarong puon nin almendras.”*
12 Sinabi ni Jehova sa sako: “Tama an nahihiling mo, huling nagdadanay akong mata tanganing maisagibo an tataramon ko.”
13 Uminabot sa sako an tataramon ni Jehova sa ikaduwang pagkakataon, na an sabi: “Ano an nahihiling mo?” Kaya sinabi ko: “May nahihiling akong sarong nagkakalakagang* lutuan,* asin nakatagilid parayo sa norte an bunganga kaiyan.”
14 Dangan sinabi ni Jehova sa sako:
“Hali sa norte bubutasan an kapahamakanLaban sa gabos na nag-iistar sa kadagaan.+
15 Huli ta ‘aapudon ko an gabos na pamilya kan mga kahadian sa norte,’ an sabi ni Jehova,+‘Asin maarabot sinda; an kada saro mabugtak kan trono niyaSa may entrada kan mga trangkahan kan Jerusalem,+Laban sa gabos na pader niya sa palibotAsin laban sa gabos na siyudad kan Juda.+
16 Asin ipapahayag ko an sakong mga paghukom laban sa sainda dahil kan gabos nindang karatan,Huling binayaan ninda ako,+Asin nagdudulot sinda nin atang na aso sa ibang mga diyos+Saka nagduduko sa mga gibo kan saindang mga kamot.’+
17 Pero dapat kang mag-andam na humiro,*Asin dapat kang tumindog asin sabihon sainda an gabos na bagay na ipinagbuot ko sa saimo.
Dai ka matakot sa sainda,+Tanganing dai ko itugot na matakot ka sa atubangan ninda.
18 Huli ta ngunyan ginibo takang sarong siyudad na may matibay na depensa,Sarong hariging lansang,* asin mga pader na tanso laban sa bilog na daga,+Laban sa mga hadi kan Juda asin sa saiyang mga halangkaw na opisyal,*Laban sa saiyang mga saserdote asin sa mga namamanwaan sa dagang ini.*+
19 Asin siguradong makikipaglaban sinda sa saimo,Pero dai sinda manggagana sa saimo,*Ta ‘kaibanan mo ako,’+ an sabi ni Jehova, ‘tanganing iligtas ka.’”
Mga Footnote
^ Posibleng nangangahulugan na “Si Jehova an Naglalangkaw.”
^ O “sagkod na idinistiyero.”
^ Sa literal, “bago ka pa luminuwas sa matris.”
^ O “isinuway.”
^ O “pinili.”
^ O “hoben.”
^ O “sa itsura ninda.” Sa literal, “sa lalawgon ninda.”
^ Sa literal, “sarong nagmamata.”
^ Sa literal, “hinahayupan na,” na nagpaparisang may kalayo sa irarom na pighahayupan.
^ O “lutuan na dakula an bunganga.”
^ Sa literal, “dapat mong hagkusan an saimong piad.”
^ O “batbat.”
^ O “mga prinsipe.”
^ Sa literal, “sa mga tawo kan daga.”
^ O “dai ka ninda madadaog.”
