ENUKPLAKPLA 2
Mi yí nyi Mawuɔ?
1. Nyi yí taɖo ele mɔ mìasɛn Mawuɔ?
Mawu adodwi lɔ yí wa enushianu. Gɔnmɛjeje deli ni o yí vɔxu dani ni o. (Ehajiji Wema 90:2) Eyi gbɔ yí eŋɛnywi ciwo yí le Bibla mɛ so. (1 Timɔte 1:11) Ci enyi eyina agbe mìɔ, yiɖekɛ kpaŋ yí mìasɛn.—Hlɛn Enyɔdasɛ 4:11.
2. Lé Mawu leɔ?
Mɛɖe dekpɔ Mawu kpɔ o, ɖo Gbɔngbɔn yí enyi. Edasɛ mɔ ényi agbe alɔkpaɖe ci yí kɔyiji sugbɔ wu enulagbu ciwo yí le nyigban ji. (Ӡan 1:18; 4:24) Ganŋkeɔ, mìatɛnŋ akpɔ Mawu nɔnɔmɛ nywiwo to enu ciwo yí ewa ji. Le kpɔwɛ mɛ, acikusɛnsɛn koɖo flawa hamɛhamɛ ciwo yí ewa dasɛ yi lɔnlɔn koɖo yi nunya. Lé xexe lɔ le gblagada do dasɛ yi ŋsɛn nɔ mì.—Hlɛn Ӡeremi 10:12.
Mìagbetɛnŋ akpla enu sugbɔ so Mawu nɔnɔmɛwo nu nɔ mìhlɛnnɔ Bibla. Le kpɔwɛ mɛ, Bibla nu enu ciwo Mawu lɔnnɔ koɖo enu ciwo yí délɔnnɔ o nɔ mì. Égbenu lé ewanɔ nu ɖaɖa agbetɔwo gbɔ do koɖo lé ewanɔ nu do le nɔnɔmɛ vovovowo mɛ nɔ mì.—Hlɛn Ehajiji Wema 103:7-10.
3. Ŋkɔ le Mawu shia?
Yesu nu mɔ: “Mìwo Da ci yí le jeŋkwi mɛ, Ao ŋkɔ le kɔ”. (Matie 6:9) Bubu ŋkɔwo sugbɔ le Mawu shi, vɔ ŋkɔ ŋtɔŋtɔ ɖeka kpaŋ yí le shi. Egbe ɖekaɖeka koɖo lé ayɔɛ do. Woyɔɛni le Ajagbe mɛ mɔ “Yehowa”. Vɔ mɛɖewo yɔɛni mɔ “Yawe”.—Hlɛn Ezai 42:8.
Woɖe Mawu ŋkɔ si le Bibla sugbɔ mɛ yí sɔ bubu ŋkɔwo shigbe Axwetɔ alo Mawu do yi tɔxu. Vɔ hwecinu yí woŋwlɛn Biblaɔ, Mawu ŋkɔ ze le mɛ wu 7 000. Hwecinu yí Yesu kpla nu amɛwo so Mawu nuɔ, éna yí wojeshi yi ŋkɔ.—Hlɛn Ӡan 17:6.
Kpɔ video ci yí nyi Ŋkɔ le Mawu shia?
4. Yehowa sɔnɔ eɖe le mɛ nɔ mìa?
Shigbe evida lɔn-amɛ cɛ han nɛɔ, Mawu wawa enu ciwo yí ahɛn nyɔna mavɔwo vɛ nɔ mì
Lé efunkpekpewo bɔ do dasɛ mɔ Mawu desɔnɔ eɖe le mɛ nɔ mìa? Mɛɖewo nunɔ mɔ Yehowa hɛnnɔ vevisesewo va mì ji yí sɔ donɔ mì kpɔ. Vɔ ŋsu aditi yɔ.—Hlɛn Ӡaki 1:13.
Mawu na amɛɖekishinɔnɔblɔɖe agbetɔwo yí sɔ do bubu wo nu. Denyi jijɔ nɔ mì mɔ Mawu ɖe mɔ mɔ mìwoŋtɔwo le sɔ gbeta kɛŋ asɛn ye ba? (Ӡozue 24:15) Vɔ mɛɖewo ɖui koŋ mɔ yewoawa enuvwinwo do mɛbuwo nu, eyi na taɖo yí efunkpekpewo bɔ. Enumajɔmajɔ wawa cɛwo venɔ Yehowa nu sugbɔ.—Hlɛn Gɔnmɛjeje 6: 5, 6.
Yehowa sɔnɔ eɖe le mɛ nɔ mì. Éji mɔ mìwo le se vivi nɔ agbe lɔ. Dajinjin o, Mawu agu efunkpekpewo koɖo mɛ ciwo gbɔ wosonɔ. Susu nywi ɖe ŋci yí eɖe mɔ yí efunkpekpewo li nɔ hwenu kleŋ ɖe do. Le enukplakpla 8 tɔ lɔ mɛɔ, mìase susu lɔ gɔnmɛ.—Hlɛn 2 Piɛ 2:9; 3: 7, 13.
5. Lé mìate gogo Mawu doɔ?
Yehowa ji mɔ amɛshiamɛ le te gogo ye to gbedodoɖa ji. Ésɔnɔ eɖe le mɛ nɔ mìwo domɛtɔ ɖekaɖeka. (Ehajiji Wema 65:2; 145:18) Éle gbesɔsɔ mɛ mɔ yeasɔ mìwo nuvɔnwo ke mì. Édonɔ jeshi egbla ciwo mìdonɔ mɔ mìawa enunywi nɔ mìwa afɛn hweɖewonu can. Amɛ makpemakpewo mìnyi, ganŋke mìatɛnŋ ate gogo Mawu yí anyi yi xlɔ.—Hlɛn Ehajiji Wema 103:12-14; Ӡaki 4:8.
Ci enyi Yehowa yí na agbe mìɔ, eyi mìalɔn wu enushianu. (Maki 12:30) Nɔ èdasɛ ao lɔnlɔn nɔ Yehowa sɔ to enukplakpla so nu koɖo wawa do yi sewo jiɔ, eo koɖo yɛ avanyi exlɔ bakpomadɔnwo.—Hlɛn 1 Timɔte 2:4; 1 Ӡan 5:3.
