LESIONY 21
¿Ximod caniʼ buñ diitz sacró ló naareʼ?
Mápa mer saquiin Jehová Gobierno xtuny par cueʼ guirá galnagan ni noʼ ló Gudxlio. ¡Né buñ raquiin gan guirá diitz sacró reʼ! Jesús goniiny que xpiimbu naniʼ diitz sacró reʼ ló guidopynac Gudxlio (Mateo 28:19, 20). ¿Xí ma buny testigos xtuny Jehová par guisobyibu ni goniʼ Jesús?
1. ¿Ximod cayac cumplir ló naareʼ ni ná Mateo 24:14?
Jesús goniʼ: «Buñ saniʼ diitz sacró xtuny Gobierno ló guidopynac gudxlio» (Mateo 24:14). Lóodo ni nacdo testigos xtuny Jehová rioladxdo gonydo dxiinreʼ. Ranido diitz sacró reʼ ló guidopynac Gudxlio ló más de 1.000 diitz. Raquiin gac organizardo né gonydo xiroʼ xtem par labúu gonydo dxiin rodann reʼ. Diti labúu ñonydo láani pal diti ñacné Jehová lóodo.
2. ¿Xí xtem ronydo par labúu guisuidydo buñ diitz sacró reʼ?
Rasuidydo buñ rotísi lagary. Ronydo láani xomod buny cristianos ni goyoʼ ló siglo primero, rasaado «yoʼ por yoʼ» (Hechos 5:42). Ndeʼ nac toib mod ni racné lóodo par guinido diitz sacró reʼ tibrodiguieʼ. Rioʼ ór diti rigaʼldo buñ rioʼ, por ngú láaca ranido diitz sacró reʼ rotísi lagary. Guirá ór rayopydo mod par labúu gaibydo stipnés buñ de Jehová né ni nábu gonybu.
3. ¿Chú layibu non guiniʼ diitz sacró reʼ?
Guirá ni nac cristianos ni rasuidy xinésni layibu non guiniʼyibu diitz sacró reʼ. Dxiinreʼ nigolú rasacni par lóodo. Ronydo rutirigaʼlni lóodo par guinido diitz sacró reʼ par labúu guilaa buñ (bíil 1 Timoteo 4:16). Diti noʼ chú raguiix lóodo par gonydo dxiinreʼ, portín la Biblia ná: «Cuaʼto scásiʼ, colguidudy scásiʼ» (Mateo 10:7, 8). Ná diti racacuent buñ ni ranido diti rareʼgando, portín nacni toib mod ni rony adorardo Jehová né modreʼ ragoʼ nakitdo xcalnabanybu.
NANOY GUISUIDYNO LÁANI
Guienno xi guirá cayonydo lóodo ni nacdo testigos xtuny Jehová ló guidopynac Gudxlio né ximod cayacné Jehová lóodo.
Ranido xtiitz Dios ló guidopynac Gudxlio: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. Ronydo rutirigaʼlni lóodo par guisuidydo buñ tibrodiguieʼ
Lóodo ni nacdo testigos xtuny Jehová ronydo xtem por guinido diitz sacró reʼ rotísi lagary ro dxee buñ. Colguibiʼ VIDEO reʼ né colgooy xtiitzni:
-
¿Xí láani más radziguiaʼlo ni ronydo lóodo ni nacdo testigos xtuny Jehová par guinido xtiitz Dios?
Colgoʼol Mateo 22:39 né Romanos 10:13-15, né colgooy xtiitzni:
-
¿Ximod raslooy dxiinreʼ que nadxiʼdo buñ?
-
¿Ximod rabiʼ Jehová buñ ni raniʼ diitz sacró reʼ? (Colguibiʼ ni ná versículo 15).
5. Ronydo dxiin né Dios
Noʼ xidal experiencias ni raslooy que Jehová rasanir ló dxiinreʼ. Guibiʼno xi láani góc lainy gudx Nueva Zelanda. Lainy gudx Nueva Zelanda toib Testigo ni laa Paul bidzelbu toib buñgonaʼ órni caniʼbu xtiitz Dios por godzu. Rosilcú buñgonaʼ reʼ buny oración né biquiimbu laa Dios, Jehová, né gonabbu lóo Jehová que ñoʼ ni niguen láabu. Paul ná: «Tzón ór después godapa xitz xpuertbu».
Colgoʼol 1 Corintios 3:9 né colgooy xtiitzni:
-
¿Ximod raslooy experiencia reʼ que Jehová rasanir ló dxiinreʼ?
Colgoʼol Hechos 1:8 né colgooy xtiitzni:
-
¿Xigony raquiindo que Jehová gacné lóodo par gony cumplirdo né dxiinreʼ?
¿Nanlo ndeʼ la?
Guirá reunión ni rac lainy xomal rasuidydo ximod guinido xtiitz Dios. Pal ma goyeelo reunión toibtica buelt, ¿xí ronylo pensary mod rasuidyibu lóodo par guinido xtiitz Dios?
6. Ranido diitz sacró reʼ portín rasobdo ni rony mandary Dios
Ló siglo primero, buñ ni bianladx a Jesús biyopyibu mod nacaayibu lóo xpiin Jesús par diti naniʼyibu diitz sacró. Cristianos ni goyoʼ ló siglo primero bunyibu rutigoygaʼlni layibu par goniʼyibu xtiitz Dios (Filipenses 1:7). Ló naareʼ lóodo ni nacdo testigos xtuny Jehová ronydo scúca. a
Colgoʼol Hechos 5:27-42 né colgooy xtiitzni:
-
¿Xigony diti rasiando ranido xtiitz Dios? (Colguibiʼ ni ná versículos 29, 38 né 39).
TIPNÉS BUÑ RANABDIITZ: «¿Xigony testigos xtuny Jehová rasaa yoʼ por yoʼ?».
-
¿Xí láani nacapylo?
¿XÍ BISUIDYLO?
Jesús gochbu xpiimbu naniʼ diitz sacró ló guidopynac Gudxlio. Jehová cayacnébu xcudxbu gony dxiinreʼ.
Repas
-
¿Ximod canido xtiitz Dios ló guidopynac Gudxlio?
-
¿Ximod raslooy dxiinreʼ que nadxiʼdo buñ?
-
Xpensarylo, ¿órni ranino xtiitz Dios labúu coʼ nakitni xcalnabanyno la? ¿Xigony?
PAR GANLO MÁS
Bibiʼ ximod testigos xtuny Jehová rony predicaryibu lainy gudxrop.
¿Xí láani ma buny testigos xtuny Jehová par gacnéyibu buñ ni diti noʼ lidx?
Bibiʼ xi galnasác racaʼ toib hermana ni nodieʼ lóo xchiin Jehová.
Bíil ximod testigos xtuny Jehová ma buny gan nisló buñchiin né modreʼ labúu raniʼyibu xtiitz Dios.
a Dios raxel lóodo guisuidydo buñ. Por ngú, lóodo ni nacdo testigos xtuny Jehová diti raquiindo permís xtuny buñchiin par guinido xtiitz Dios.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
