Órni rac toib desgrasy xidal buñ ranabdiitz: «¿Xigony?». Nigolú rabaladxno portín la Biblia nayadit rabexa galrranabdiitz reʼ.

1. ¿Xí buny Buñdzab par goloʼbu cós mal ló Gudxlio?

Buñdzab góc nayaʼbu nisló Dios. Buñdzab goniiny ñony mandarybu stipnés, por ngú biyopybu mod bikíilbu Adán né Eva par ñac toibsi né láabu. Biscúbu Eva né modcu birebuʼ ni bunybu pensary (Génesis 3:1-5). Bunybu que Eva ñony pensary que Jehová diti ná guidudy tipnés cós tzaay láabu. Modreʼ bidudybu diitz que buñ labúu sioʼ nakit ná diti rasobyibu Dios. Órni Buñdzab gochbu Eva que diti saity, ndeʼ góc primer galrrascú ni bunybu. Por ngú, la Biblia ná que «rascúbu né láabu ngú bixios guirá ni rascú» (Juan 8:44).

2. ¿Xí láani buny Adán né Eva?

Jehová bidudy guirá ni biquiin Adán né Eva. Gochbu biinreʼ que labúu ñooyibu nitisi cuánnax ni noʼ lagary móz, nosi goyoʼ toib ni diti labúu ñoʼyibu (Génesis 2:15-17). Ná scú, godoʼyibu cuánnax ni diti non ñooyibu. Eva «cuaʼbu cuánnaxcu né gosaló godóbu láani». Né Adán «láaca godoʼ láani» (Génesis 3:6). Guiropcayibu diti bisobyibu Dios. Adán né Eva diti gopyibu galkié, por ngú labúu ñonyibu xinésni. Bunyibu galkié ná gonyibu que mal ni cayonyibu, modreʼ bislooyibu que diti goniiny layibu gony mandary Dios layibu. Xtol guirá ndeʼ bunyni que nadudyibu ló galrrioʼob (Génesis 3:16-19).

3. ¿Ximod guirá ni buny Adán né Eva dada lóono raguiñani?

Órni Adán né Eva biché, gocyibu buñ galkié, né bitudyibu galkié reʼ guirá xiinyibu. La Biblia rasetlaa ndeʼ de Adán: «Por toibsi buñguieeu, galkié goyoʼni ló gudxlio né por galkié goyoʼ galgoity, né modreʼ galgoity golaani guirá buñgudxlio, portín guiráyibu bichéyibu» (Romanos 5:12).

Per ¿xigony radudyno ló galrrioʼob? Rioʼ ór portín diti ronyno ni nac xinésni. Né rioʼ ór por ni rony stipnés buñ. Radudyno ló galrrioʼob portín rasaclono toib desgrasy (bíil Eclesiastés 9:11).

 NANOY GUISUIDYNO LÁANI

4. Chú láabu nap dool por guirá galrrioʼob ni cadudyno ló Gudxlio

Xidal buñ ná que Dios rony mandary guidopynac Gudxlio. Per ¿nigolúni la? Colguibiʼ VIDEO reʼ.

Colgoʼol Santiago 1:13 né 1 Juan 5:19, né colgooy xtiitzni:

• ¿Dios nap dool de guirá galrrioʼob né cós mal ni cayac la?

5. Ganno xi guirá cayac xtol ni cayony mandary Buñdzab

1. Adán né Eva diti gopyibu galkié né golésyibu lainy lagary móz, per bisobyibu Buñdzab, né góc nayaʼyibu nisló Jehová.

2.   Después ni góc nayaʼyibu, galkié, galrrioʼob né galgoity goyoʼni ló guidopynac Gudxlio.

3. Jehová sanitlóbu galkié, galrrioʼob né galgoity. Buñgudxlio ma diti sapyibu galkié né sabanyibu ló toib lagary móz.

6. Rioʼobni Jehová ni cadudyno ló galrrioʼob

¿Diti noʼ xí rasac Dios ni cadudyno ló galrrioʼob la? Gon xi bicaʼ rey David né apóstol Pedro. Colgoʼol Salmo 31:7 né 1 Pedro 5:7, né colgooy xtiitzni:

• ¿Ximod rasaclo ni nanlo que Jehová rioʼ galrrasaʼ por galrrioʼob ni cadudyno ló né que rioʼobni láabu?

 ¿XÍ BISUIDYLO?

Buñdzab, Adán né Eva napyibu dool por guirá cós mal ni noʼ ló Gudxlio. Nigolú rioʼobni Jehová ni cadudyno ló galrrioʼob né mápa mer sabeʼbu láani.

Repas

• ¿Xí galrrascú góoch Buñdzab a Eva?

• ¿Ximod xcalnayaʼ Adán né Eva godiñani dada lóono?

• ¿Xigony ranino que rioʼobni Jehová ni cadudyno ló galrrioʼob?