Memorial de xcalgoity Jesús
Lonyx 22 de marz íz 2027
Tibuelt ló tobiz, testigos xtuny Jehová radopyibu par guisetnaladxyibu xcalgoity Jesús, mod buny mandarybu. Láabu goniʼbu: «Diti guisian gonyto láani par guisetnaladxto naʼ» (Lucas 22:19).
Raruʼdo looy né xfamilo guidopto né lóodo.
Ni más ranabdiitz buñ
¿Chú labúu guieed?
Guirá buñ labúu guieed. Labúu guieedlo né xfamilo.
¿Balac ór raclani?
Raclani midid tip ór.
¿Pu lagary gacni?
Goniné toib testigo xtuny Jehová de xcudxlo par ganlo púti gacni.
¿Non quiix buñ par tzoʼ la?
Yaca.
¿Ranabyibu bidxiich la?
Yaca, ló xireunión testigos xtuny Jehová dipa ranabyibu bidxiich (Mateo 10:8).
¿Xí clas lairy guaca?
Diti fuerspa guaclo toibtica clas lairy. Per lóodo ni nacdo testigos xtuny Jehová ronydo rutirigaʼlni lóodo par guacdo lairy ni rien sacró né ni raslooy respet.
¿Xí rac ló Memorial?
Órni rasaló reunión, buñ rony cantar toib canción né toib testigo xtuny Jehová rony oración. De ngú radudy toib discurs ni raniʼ balaati rasac xcalgoity Jesús né ximod racné lóono ni buny Dios né Cristo. Órni ma biloxni, buñ rony cantar stoib canción né raloxni né oración.
Pal nainy looy ganlo más, bíil artículo ni laa, «¿Xigony testigos xtuny Jehová diti ronyibu xilanii xcalgoity Jesús xomodpa rony stipnés religión láani?».
¿Pu dzú gac stipnés Memorial?
2027: lonyx 22 de marz.
2028: doming 9 de abril.
2029: juevy 29 de marz.
Sigory láaca sioladxlo ndeʼ
MEMORIAL
Guisetnaladxno xcalgoity Jesús
Reunión reʼ nigolú rasacni, por ngú raruʼdo looy guidoplo né lóodo. Cú sasuidylo ximod xcalgoity Jesús né ni cayonybu ló naareʼ sacnéni looy.
VIDEOS XTUNY LA BIBLIA: GALRRASUIDY NI DITI NAGAN
¿Xigony goity Jesús?
La Biblia rasetlaa que nigolú rasac xcalgoity Jesús. ¿Noʼ xi portín goitybu la?
STIPNÉS TEMAS
¿Ximod labúu gacné xcalgoity Jesús looy?
¿Xí chop cós ni rasac bisuidy Jesús par labúu gacné xcalgoitybu lóono?
