HAROS ngatanan naatubang hin trahedya, bisan adton masisiring nga aada na ha ira an ngatanan.

AN BIBLIA NASIRING:

“An rumba diri ha malaksi, diri man an away ha makusog, diri ngani an tinapay ha makinaadmananon, diri ngani an bahandi ha mga tawo nga may sarabotan, diri ngani an pagpalabi ha mga tawo nga sinati; kondi an panahon ngan an higayon nahinanabo ha ira ngatanan.”—Eklesiastes 9:11.

An isyu dinhi diri kon makakaeksperyensya ka ba hin trahedya, kondi kon paonan-o mo aatubangon ito. Pananglitan:

• Ano an imo bubuhaton kon mawara an ngatanan nga imo gintatag-iya tungod hin kalamidad?

• Ano an imo hihimoon kon hibaroan mo nga may-ada ka grabe nga sakit?

• Ano an imo hihimoon kon mamatay an usa nga imo hinigugma?

An mga Saksi ni Jehova, an nagpupublikar hini nga magasin, natoo nga an Biblia diri la makakabulig kon paonan-o aatubangon an trahedya, kondi kon paonan-o liwat magkakaada marig-on nga basihan ha paglaom. (Roma 15:4) Tagda an tulo nga eksperyensya.