Ini nga seksyon nagtututdo ha aton mahitungod ha mga batan-on, mga propeta, ngan mga hadi nga nagpakita hin daku gud nga pagtoo kan Jehova. Ha Sirya, natoo an usa nga Israelita nga daragita nga matatambal han propeta ni Jehova hi Naaman. Nasarig gud hi propeta Elias nga puproteksyonan hiya ni Jehova kontra ha kaaway nga mga kasundalohan. Iginbutang ha peligro han hitaas nga saserdote nga hi Jehoiada an iya kinabuhi basi proteksyonan an batan-on nga hi Jehoas tikang ha maraot nga lola hito nga hi Atalia. Nasarig hi Hadi Hezekias nga tatalwason ni Jehova an Jerusalem, ngan waray hiya magpadara ha tarhog han Asirya. Ginwara ni Hadi Josias ha nasud an idolatriya, gin-ayad an templo, ngan ginbuligan an nasud nga bumalik ha tinuod nga pagsingba.