Naahooma 2:1-13
2 Nena* laaliyagee yiichchiis.
Qatota naaga.
Ogiyakka naaga.
Ne gittaa* mintta, qassi olettanawu minna.
2 Ayssi giikko, Yihoowi Yaaqooba gitatettaa,Israaꞌeela bonchchuwakka zaarana,Bashshiyageeti eta bashshidosona;Qassi eta woyniya turaa xayssidosona.
3 A wolqqaama asatu gonddalleti zoꞌuwa tiyettidosona,A olanchchati dulkka zoꞌo maayuwa maayidosona.
I olawu giigettiyo gallassi,A para gaaretu birata ola miishshati tamaadan pholqqattoosona.Qassi eti berohish giyo xiiddaappe giigida bantta tooraa qaattoosona.*
4 Eta olaa para gaareti ogiyara jaamiiddi boosona.
Eti ogeti gayttiyo sohotun pudenne duge bichchaaroosona.
Eti tamaa pooꞌuwadan pozhzhattoosonanne wolqqanttaadan wolqqammoosona.
5 I* ba sunttidoogeeta xeegana.
Eti sinttawu biiddi xubettana.
Eti I dirssaa gimbbiyakko eesuwan boosona;Eti teqqiyabaa essoosona.
6 Shaafatu penggeti dooyettana,Qassi kawo garoy xayana.*
7 Hagaadan maacettiis:* A kallottaasu,A omooddettaasu, qassi I macca aylleti zilaaloosona;Eti bantta tiraa* bubbuxiiddi haraphphetudan waassoosona.
8 Nanawe katamiya ba deꞌido wode ubban dalbbanttaa* haattaa mala,Shin eti haꞌꞌi baqatoosona.
Issoti issoti, “Eqqi bayite! Eqqi bayite!” giidi alaahoosona.
Shin ooninne guyye xeellenna.
9 Biraa bonqqite, worqqaakka bonqqite!
Buquraa wottiyosay qoodin wurenna.
Alꞌꞌobay ubbay hegeetu giddon kumiis.
10 Katamay mela attiis, baysa gidiisinne bayiis!
Eta wozanay yashshan maashiis, eta gaadee kokkoriis, eta xeessay gajigajiis;Eti ubbay hirggoosona.*
11 Ooninne yashissennan wodala gaammoti* yan miyo,Qassi gaammoy ba maraa kaalettidi kiyiyo,Gaammotu geessoy* awan deꞌii?
12 Gaammoy ba maratussi gidiyagaa keena doꞌaa woriis,Ba macca gaammotussikka cuullidi woriis.
I oyqqido doꞌan ba geessuwa,Qassi worido doꞌan ba qosettiyosaa awudekka kuntti wottees.
13 Olanchchatu Goday Yihoowi hagaadan gees: “Hekko! Taani ne bolli denddaas,Taani I olaa gaareta xuuggada cuwayana,Qassi ne wodala gaammota* bisoy maana.
Taani ne miyo doꞌaa biittaappe xayssana,Qassi neeni kiittiyogeetu cenggurssay hegaappe guyyiyan siyettenna.”
Footnotes
^ Hegeekka, Nanawe.
^ Mise, “Xeessaa.”
^ Woykko “maggulssoosona.”
^ Asoore kawuwa gidennan aggenna.
^ Woykko “laalettana.”
^ Woykko “azazettiis.”
^ Mise, “wozanata.”
^ Woykko “dagattida.”
^ Woykko “Eta ubbaa somꞌꞌoy zoꞌꞌiis.”
^ Woykko “gotoshuwa kessida yelaga gaammoti.”
^ Gaammoti geemmiyo sohuwa.
^ Woykko “gotoshuwa kessida ne yelaga gaammota.”
