Imbbaaqooma 3:1-19
3 Hiraagaa yootiya Imbbaaqoomi zilaassa meran woossidobaa:
2 Godaa Yihoowaa, taani nebaa odettidabaa siyaas.
Godaa Yihoowaa, taani ne oosuwan anggati gaas.
Layttatu giddon,* hegaa zaarettada ootta!
Layttatu giddon,* hegee erettanaadan ootta.
Shabbirssaa wodiyan nuna hassaya, qassi nuuyyo maarotaa bessa.
3 Xoossay Temanappe,Geeshshay Parana Deriyappe yiis. (Sela)*
A gitatettay salota kammiis;Saꞌay A saban kumiis.
4 A pooꞌoy gallassa pooꞌuwa mala.
A minotettay geemmidosanNaaꞌꞌu xomppee A kushiyappe xomppettiis.
5 Appe sinttaara eesuwan laaꞌiya harggee biis,Qassi qoxoynne mishoy A tohuwa kaalliis.
6 I eqqi bayiis, qassi saꞌaa qaattiis.
I issitoo xeellidi, dereta gufissiis.
Merinaa dereti meqerettidosona,Qassi beniisappe deꞌiya zumbbullati gufannidosona.
A ogeti daro wodeesappe deꞌiyageeta.
7 Taani Kushana dunkkaanetun waayiya beꞌaas.
Midiyama biittaa dunkkaaniya carqqeti kokkoridosona.
8 Hegee shaafatu bollaanee, Godaa Yihoowaa,Ne hanqqoy eexxiyoy shaafatu bollaanee?
Woy ne suulliya hanqqoy abbaa bollaanee?
Neeni ne parata toggadasa;Ne gaareti xoonidaageeta.*
9 Ne wonddafee kamettibeenna, qassi giigi uttiis.
Xamꞌꞌati* caaquwan moodettidosona.* (Sela)
Neeni saꞌaa shaafatun shaakkadasa.
10 Dereti A beꞌido wode seelettidi xirixiridosona.
Iray soosin diꞌoy shokkidi kanttiis.
Ciimma haattay wolqqappe guummiis.
I ba kusheta xoqqissidi denttiis.
11 Awaynne aginay bantta xoqqa manꞌꞌiyan eqqi bayidosona.
Ne zubbeti pooꞌuwadan kiyidi biidosona.
Ne tooray phaphalqqattiis.
12 Neeni saꞌaara yiilluwan yuuyadasa.
Neeni dereta hanqquwan yedhdhadasa.*
13 Neeni ne asaa atotettawu, ne doorettidaageeta ashshanawu kiyadasa.
Neeni iitaa keettaa kaalettiyagaa* kinchchadasa.
Keettay baasuwappe xeeraa* gakkanaashin qaarettiis. (Sela)
14 A olanchchati tana laalanawu gotiyadan yiido wode,Neeni A olanchchatu huuphiya A ola miishshatun* caddadasa.
Eti metootiyagaa geeman xayssanawu keehi ufayttidosona.
15 Neeni ne paratun abbaara,Shohattiya aaho haattatu giddoora kanttadasa.
16 Taani siyaas, qassi ta garssan kokkoraas;*Odettiyabaa gaasuwan ta menttershshay kokkoriis.
Ta meqettay musiis;Ta tohoti gajigajidosona.
Shin taani woppu gaada unꞌꞌo gallassaa naagays,Ayssi giikko, he gallassay nuna qohiya asaa bolli yiiddi deꞌees.
17 Balasiya mittay ciiyyennaba gidiyakkokka,Qassi woyniyan ayfee xayiyakkokka,Wogaray ayfennaba gidiyakkokka,Qassi goshshay ayba kattanne murutennaakkokka,Birddiyappe wudee timꞌꞌi giyakkokka,Qassi aqon mehee xayiyakkokka,
18 Yaaniyakkokka, tana gidikko, taani Yihoowan ufayttana;Taani ta atotettaa Xoossan poocammana.
19 Ubbaa Haariya Goday Yihoowi ta minotettaa;I ta tohuwa gaaraagaa mala kessana,Qassi taani xoqqa sohota yedhdhanaadan oottana.
Footnotes
^ Woykko geella, “Nu wodiyan.”
^ Woykko geella, “Nu wodiyan.”
^ Qonccissuwa xeella.
^ Woykko “atotetta.”
^ Woykko geella, “Zubbeti.”
^ Woykko geella, “Yaratu caaqoti odettidosona.”
^ Mise, “qoxxadasa.”
^ Mise, “huuphiya.”
^ Mise, “qooriya.”
^ Mise, “A xamꞌꞌatun.”
^ Mise, “qassi ta uloy kokkoriis.”
