Musi Yesu e kha ḽifhasi, o sumbedza uri u a funa vhathu lwe a vhuya a ṋekedza vhutshilo hawe a tshi itela vhone. (Mateo 20:28; Yohane 15:13) Hu si kale u ḓo dovha a sumbedza uri u a funa vhathu nga u shumisa maanḓa ane a vha nao sa Khosi ya Muvhuso wa Mudzimu nga u “fhelisa nndwa ḽifhasini ḽoṱhe.”—Phisalema 46:9.

 Ṱhogomelani uri Bivhili i ri Yesu u ḓo ita mini:

•   “Ngauri u ḓo tshidza mushai ane a lila a tshi ṱoḓa thuso, Na a ḓiṱukufhadzaho na muṅwe na muṅwe a si na muthusi. U ḓo pfela vhuṱungu vha si na zwavho, U ḓo tshidza vhashai. U ḓo vha lamulela musi vha tshi khou tsikeledzwa na musi vhe khakhathini”—Phisalema 72:12-14.

 Ri nga sumbedza hani uri ri a livhuwa zwoṱhe zwe Yesu a ri itela na zwine a kha ḓi ḓo ri itela zwone? Kha Luka 22:19, Yesu o vhudza vhatevheli vhawe uri vha humbule lufu lwawe. Ndi ngazwo Ṱhanzi Dza Yehova vha tshi kuvhangana nga ḓuvha ḽe a lovha ngaḽo ṅwaha muṅwe na muṅwe u itela u humbula lufu lawe. Ri khou ni ramba uri ni ḓe ni humbule na rine lufu lwa Yesu nga Swondaha, 24 March 2024.

Wanani hune Tshihumbudzo tsha ḓo farelwa hone