Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2014

 TAUTURU NO TE UTUAFARE | NO TE TAUREAREA

E nafea ia farii i te a‘o?

E nafea ia farii i te a‘o?

TE FIFI

“Ia a‘ohia oe, te faaite maira ïa te tahi taata e ua hape oe. Aita vau i ite hoê noa ’‘e ia parau e ‘mea au na ’u ia parauhia mai e ua hape au!’”—Amy, 17 matahiti. *

E au tei patoi i te a‘o i te pairati o te ore e tâu‘a i te aratairaa a te feia haapao i te mau tere manureva. E nehenehe te tahi ati rahi e tupu.

E ere paha i te mea ohie no oe ia farii i te a‘o a to oe na metua, te mau orometua e te tahi atu taata. E tauturuhia ïa oe e teie tumu parau.

TE TIA IA ITE

E a‘ohia iho â te taata atoa.

“Te hapa nei hoi tatou atoa i te mau mea atoa e rave rahi.”—Iakobo 3:2.

“Eiaha e haama ia a‘ohia oe no te mea ua hape oe.”—Jessica.

Ia a‘ohia oe, e ere oe i te taata ino.

“O tei herehia e Iehova * ra, o ta ’na ïa e a‘o mai, mai te metua e a‘o i te tamaiti ta ’na e here ra.”—Maseli 3:12.

“E feruri au e e ere i te mea ohie no te taata ia a‘o mai. A na reira ’i, te faaite maira ïa i to ratou here ia ’u.”—Tamara.

E tauturu te a‘o ia riro ei taata maitai.

“E faaroo mai i te a‘o ia paari.”—Maseli 8:33.

“Mea faufaa te a‘o no te taui i to oe huru. Ia a‘o atu te taata, e ite oe i to ’na mana‘o no oe, na reira atoa te mau peu au ore ta oe e rave ra ma te ore e haapao.”—Deanne.

 TA OE E NEHENEHE E RAVE

Eiaha e haapao noa ia oe. A a‘ohia ’i, e riri paha oe. Ma te ore e haapao noa ia oe, a feruri na i te hoê taime e o oe te a‘o ra i te tahi atu taata, mai to oe taeae aore ra tuahine. Te ite ra anei oe e ua tano oia i te a‘o ia oe? I te taime oe e a‘ohia ’i, a feruri mai te taata e a‘o ra.—Aratairaa Bibilia: Koheleta 7:9.

“I te tahi taime, no te riri, e haamoe roa oe te hinaaro ra tei a‘o atu e tauturu ia riro ei taata maitai a‘e, eiaha râ e haamauiui ia oe.”—Theresa.

A faaite noa i te haehaa. Eiaha e vaiiho i te teoteo ia turai ia oe ia patoi i te a‘o. Eiaha atoa râ ia toaruaru a mana‘o ai e mea tia ia taui oe. Mea faufaa mau ïa te haehaa. A haamana‘o, ia mauiui oe, e pinepine ua tano maitai te a‘oraa i horoahia ’tu. Ma te ore e farii i te reira, aita oe e haafaufaa ra i tera ravea no te taui.—Aratairaa Bibilia: Maseli 16:18.

Ia mauiui oe, e pinepine ua tano maitai te a‘oraa i horoahia ’tu

“Mea faufaa ia farii i te a‘o no te riro ei taata paari. Ia ore tatou e matau i te na reira e i te taui, o tatou iho â te ati i te pae hopea.”—Lena.

A faaite i te mauruuru. Noa ’tu e e ere i te mea ohie ia farii, a faaite i to oe mauruuru i te taata i a‘o atu. Eita e ore e te hinaaro ra oia ia maitai e ia oaoa oe.—Aratairaa Bibilia: Salamo 141:5.

“Mea maitai a‘e ia haamauruuru, mea tano ana‘e iho â râ te a‘oraa. Noa ’tu e eita oe e na reira, e nehenehe oe e faaite i te mauruuru no te mea ua haere mai oia e farerei ia oe.”—Carla.

^ par. 4 Ua tauihia te tahi mau i‘oa.

^ par. 11 O Iehova te i‘oa o te Atua i roto i te Bibilia.