Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2014

 TUMU PARAU MATAMUA | NO TE AHA E FAAOROMAI AI?

No te mea te vai ra te tauturu

No te mea te vai ra te tauturu

“E huri i to outou atoa na ahoaho i nia [i te Atua], no te mea te tiai nei oia ia outou.”—PETERO 1, 5:7, Te Bibilia Mo’a V.C.J.S. (1976)

Aita ana‘e ta oe e ravea no te taui i to oe tupuraa, e mana‘o paha oe e mea maitai a‘e ia pohe. A hi‘o na râ i te nehenehe e tauturu ia oe.

Te pure. E ere teie i te ravea no te tamǎrû noa e no te tauturu i te feia o te ore e taa faahou e nafea ra. A pure ai, e nehenehe oe e faatupu i te taairaa e te Atua ra o Iehova o tei tâu‘a ra ia oe. Te hinaaro ra Iehova ia faaite atu oe i te haapeapea ra ia oe. Te faaitoito ra ïa te Bibilia ia “tuu oe i ta oe hopoia ia Iehova ra, e na ’na oe e tauturu mai.”—Salamo 55:22.

No te aha e ore ai e pure i te Atua i teie mahana? A faahiti i to ’na i‘oa, Iehova, e a haamahora i to aau. (Salamo 62:8) Te hinaaro ra Iehova e riro ei hoa no oe. (Isaia 55:6; Iakobo 2:23) E nehenehe oe e pure i te mau taime e vahi atoa.

Ia au i te pu arairaa no Marite no te feia e haapohe ia ratou, “e pinepine ua faaite te mau hi‘opoaraa e e 90 i nia i te hanere aore ra hau atu tei fifihia i te pae o te roro i te taime ratou i haapohe ai ia ratou. E pinepine, aita i itehia e e ma‘i roro to tera taata, aita i farerei i te taote aore ra aita i rapaauhia”

Te feia e haapeapea ra no oe. Mea faufaa oe no e rave rahi, mai te mau melo o to oe utuafare aore ra te mau hoa tei faaite ê na i to ratou tâu‘a ia oe. I rotopu i tei haapeapea ra no oe, te vai atoa ra te feia ta oe i ore a‘enei i matau. I te tahi taime, e farerei te mau Ite no Iehova i te feia i hepohepo roa e tei opua e haapohe ia ratou. A haere ai i tera e tera fare, ua nehenehe te mau Ite no Iehova e tauturu i tera mau taata. Ma te pee i to Iesu hi‘oraa, te here mau nei te mau Ite no Iehova i to ratou taata tupu. Te haapeapea ra ratou no oe.Ioane 13:35.

Te tauturu i te pae rapaauraa. E pinepine, ia hinaaro te tahi taata e haapohe ia ’na, te vai ra te fifi i roto i to ’na roro mai no te feia e hepohepo noa. Eiaha e mana‘o e no te mea e ere to oe tino te ma‘ihia ra, e mea haama roa ïa. Ua faaitehia hoi e e nehenehe te taata atoa e hepohepo roa. Te vai ra râ te ravea no te rapaau i te reira. *

A HAAMANA‘O: Ia hepohepo roa oe, e au e tei roto oe i te hoê apoo hohonu roa. Ma te farii ia tauturuhia oe, e nehenehe oe e haere mai i rapae i te reira.

TA OE E NEHENEHE E RAVE I TEIE MAHANA: A farerei i te hoê taote papu o te rapaau i te mau fifi rau o te ma‘i roro, mai to te feia e hepohepo noa.

^ par. 8 Mai te peu e te puai e te pinepine noa ’tura to oe hinaaro e haapohe ia oe, a ani i te tauturu, peneia‘e ma te taniuniu i te tahi numera faataahia e te hoê taatiraa aore ra e te piha utuuturaa i te mau fifi rau o te ma‘i roro. E mea faaineine-maitai-hia tera mau taata no te tauturu ia oe.