Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2014

 TUMU PARAU MATAMUA

No te aha e faaoromai ai?

No te aha e faaoromai ai?

AHIRI oe i farerei ia Diana, * e parau oe e e vahine maramarama, maitai e paraparau i te taata atoa. Te huna ra râ te huru rapaeau o Diana i te tahi hepohepo rahi. Tau mahana, hebedoma e i te tahi taime tau ava‘e, e mana‘o noa oia e mea faufaa ore o ’na. Te na ô ra Diana, “aita e mahana e ore ai au e feruri i te pohe. No ’u, mea maitai a‘e ia pohe au.”

“Ua faaite te tahi hi‘opoaraa no te feia atoa i haapohe ia ratou e e 200 taata tei tamata e e 400 [atu â] tei mana‘o ê na e na reira.”—THE GAZETTE, MONTRÉAL, KANADA.

Te parau ra Diana e eita roa ta ’na e nehenehe e haapohe ia ’na. I te tahi râ taime, e mana‘o oia e aita e faufaa ia ora. Te na ô ra o ’na, “e hinaaro rahi to ’u e pohe i roto i te hoê ati. Te mana‘o nei au e mea maitai te pohe, e ere te reira i te enemi.”

E rave rahi tei feruri mai ia Diana e te vai ra vetahi tei mana‘o aore ra tei tamata roa i te haapohe ia ratou. Ua faaite te feia hi‘opoa e aita te rahiraa o ratou i hinaaro mau e pohe, ua opua râ e faaore i to ratou mau mauiui. Ma te ite ïa i te tumu ratou i hinaaro ai e pohe, e nehenehe ratou e tauturuhia ia haafaufaa i te ora.

Te hinaaro ra anei oe e haapohe ia oe? A hi‘opoa na e toru tumu no te haafaufaa i te ora.

^ par. 3 Ua tauihia te i‘oa.