Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Me 2014

Na te ao nei

Na te ao nei

Paniora

Te mana‘o nei hoê pǔpǔ aivanaa e o te taata paha te tahi tumu o te aueueraa fenua i tupu i 2011 i Lorca, e oire i te pae apatoerau hitia o te râ i Paniora. I muri a‘e i te reira, e iva taata tei pohe e e ahuru ma piti tei pepe. Ua itehia mai e te feia hi‘opoa i te fenua e ua tupu te aueueraa fenua i haapohe rahi i te taata i te vahi i heruhia no te pâmu i te pape no te mau faaapu.

Taina

E 102 miria moni Marite ta te mau ratere no te fenua Taina i haamâu‘a a reva ’i na te ara i 2012. Ia au i te Faanahonahoraa no te mau ratere na te ao, o Taina te fenua e haamâu‘a roa ’‘e i te moni i te ara. I muri noa mai, o Heremani e Marite. No na fenua hopea nei e piti, e haamâu‘a te fenua taitahi fatata e 84 miria moni Marite.

Tapone

Ia au i te tahi faatiaraa i roto i te hoê vea i Beretane no nia i te ea (BMJ), ua hi‘opoahia tau 68 000 taata i te fenua Tapone fatata e 23 matahiti. Ia au i te feia hi‘opoa, ua itehia e no te mau vahine i puhipuhi i te avaava hou i te 20 matahiti e ua fanauhia mai te 1920 e tae atu 1945, e pohe ratou hoê ahuru matahiti na mua ’‘e i te vahine i ore i na reira. No te mau tane, e pohe ïa e vau matahiti na mua ’‘e.

Mauritanie

Ua opanihia ia hoo mai i te ara, ia hamani e ia faaohipa i te puohu e haafifi i te animara i roto i te miti e to nia i te fenua ia amu ratou i te reira. Te faaitoito nei te faatereraa ia faaohipa i te puohu o te ore e tuino i te natura.

Na te ao

No te mau ati natura, fatata e 50 tiahapa miria moni Marite te pau a te mau taiete parururaa i te matahiti. No te maraaraa o te hoo, ua tataipiti to ratou pau i te mau ahuru matahiti atoa mai 1980 mai.