Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2014

 TUMU PARAU MATAMUA | NO TE AHA E FAAOROMAI AI?

No te mea e taui te tupuraa

No te mea e taui te tupuraa

“Ua ati matou i te pohe, aita râ i apǐapǐ; ua peapea matou, aita râ i ahoaho.”—KORINETIA 2, 4:8.

Ua parauhia e o te haapoheraa ia ’na iho te ravea hopea no te tahi tupuraa fifi e nehenehe e taui. No oe, aita e ravea faahou no te tahi peapea rahi, noa ’tu e mea fifi ia farii, e nehenehe to oe tupuraa e taui.—A hi‘o i te tumu parau tarenihia  “Ua maitai mai to ratou oraraa.”

E noa ’tu e eita te tupuraa e taui, mea maitai a‘e ia feruri i te ravea no te fifi o teie mahana. Ua parau Iesu, “eiaha e tapitapi i to ananahi ra, na ananahi hoi e tapitapi i ta ’na iho. O te mahana o to ’na iho ino atire ïa.”—Mataio 6:34.

E ma‘i tamau anei to oe? Ua taa anei oe e to hoa faaipoipo? Ua pohe anei te tahi taata herehia e oe? Eita iho â e nehenehe e taui i te reira.

Mea ohie a‘e ïa no oe ia rave i te hoê faaotiraa maitai ia taui oe i to oe huru i mua i tera mau tupuraa. (Maseli 15:15) I muri a‘e, e nehenehe oe e feruri i te rave no te faaruru i tera e tera fifi, eiaha râ e faaoti taue noa i te haapohe ia oe. Ma te na reira, te haamata ra ïa oe i te faaafaro i te tahi tupuraa ta oe i mana‘o na e aita e ravea.—Ioba 2:10.

A HAAMANA‘O: Noa ’tu eaha te mau fifi ta oe e farerei ra, a faaafaro na mua hoê.

TA OE E NEHENEHE E RAVE I TEIE MAHANA: A faaite i to oe fifi i te tahi atu taata, mai te hoê hoa aore ra fetii. E nehenehe oia e tauturu ia oe ia ite i te ravea maitai a‘e.—Maseli 11:14.