Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2014

 TUMU PARAU MATAMUA | NO TE AHA E FAAOROMAI AI?

No te mea te vai ra te tiaturiraa

No te mea te vai ra te tiaturiraa

“Area te feia mǎrû ra, e parahi ïa i te fenua, e oaoa ratou i te rahi o te hau ra.”—SALAMO 37:11.

No te taata, te faaite ra te Bibilia e “aita rea o ’na pue mahana, e te î hoi i te peapea.” (Ioba 14:1) E farerei iho â ïa te taatoaraa o tatou i te ati e rave rau. Te vai ra râ vetahi o te ore e taa faahou e nafea. Mai te huru ra e aita roa ’‘e e ravea e eita atoa ratou e nehenehe e oaoa i te hoê mahana. Tera atoa anei to oe mana‘o? Mai te peu e e, a hi‘opoa na i ta te Bibilia tiaturiraa tamahanahana mau. E ere no oe ana‘e, no te taata atoa râ. A hi‘o na:

  • Te haapii ra te Bibilia e ua opua te Atua ra o Iehova i te oraraa maitai no tatou.—Genese 1:28.

  • Te fafau ra te Atua ra o Iehova e faariro i te fenua nei ei paradaiso.—Isaia 65:21-25.

  • E tupu iho â tera parau fafau. Te na ô ra te Apokalupo 21:3, 4:

    “Tei ǒ te taata ra te sekene o te Atua, e e parahi oia i roto ia ratou ra, e ei taata ratou no ’na, e ei pihai atoa iho te Atua ia ratou, ei Atua no ratou. E na te Atua e horoi i to ratou roimata atoa; e e ore roa te pohe, e te oto, e te mihi, e te mauiui, e ore atoa ïa, no te mea ua mou te mau mea tahito ra.”

E ere tei parauhia ’tu i te moemoeâ. Te opua ra te Atua ra o Iehova i te faatupu i te reira, e nehenehe e te hinaaro atoa ra hoi oia. E mea papu te tiaturiraa ta te Bibilia e horoa ra, te pahono atoa ra hoi i te uiraa “No te aha e faaoromai ai?”

A HAAMANA‘O: E tauiui noa paha to oe mau mana‘o, e au ïa e tei nia oe i te pahi e faaû ra i te miti rahi a aueue noa ’tu ai. Noa ’tu râ, e nehenehe te tiaturiraa o te Bibilia e riro ei tutau no te mau maite.

TA OE E NEHENEHE E RAVE I TEIE MAHANA: A haamata i te hi‘opoa i ta te Bibilia e haapii ra no nia i te tiaturiraa papu no a muri a‘e. E oaoa roa te mau Ite no Iehova i te tauturu ia oe. Eiaha e taiâ i te farerei ia ratou aore ra i te hi‘o i te mau haamaramaramaraa faufaa mau i nia i ta matou reni jw.org. *

^ par. 11 Te faaitoitohia nei oe ia haere i nia www.jw.org. A pata i nia PAPAI > VAIRAA BUKA I NIA I TE INTERNET. A patapata “hepohepo” aore ra “haapohe ia ’na iho” no te ite atu â.

No te ite atu â

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?

Eaha te parau apî oaoa?

Haapii eaha te parau apî no ǒ mai i te Atua, no te aha mea faufaa roa ’i e ia aha ïa tatou.